| e-texts navigator |
| Wylie |
97b1 ནི། །གྲུབ་དང་སྒྲུབ་པ་ཕྲིན་ལས་ཚོགས། །ཐབས་དང་སྟོབས་དང་འཇུག་པ་སྟེ། །རིམ་པ་མངོན་བྱེད་རྒྱུར་ལྡན་པ། །དེ་ཉིད་བཅོམ་ལྡན་གསུང་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་རྡོ་རྗེ་འཛིན་པས་བཀའ་སྩལ་པ།
97b2 བླ་མ་སངས་རྒྱས་བསྟན་པ་ལ། །དགའ་ཞིང་མགུ་ལ་རབ་དང་བའི། །སེམས་དཔའ་ཆེན་པོས་གསང་བའི་དོན། །རབ་ཏུ་ཞུས་པ་ལེགས་སོ་ལེགས། །ཤིན་དུ་རྨད་དུ་བྱུང་བ་ཡི། །གདུལ་དཀའ་མ་ལུས་གདུལ་དོན་དུ། །བྱང་ཆུབ
97b3 སེམས་ཀྱི་ཡེ་ཤེས་མཛོད། །ཁྱོད་ལ་ཡང་དག་བསྟན་པར་བྱ། །དེ་ནས་དངོས་གྲུབ་ཐམས་ཅད་ཀྱི། །གྲུབ་པ་རབ་ཏུ་སྟེར་བྱེད་པ། །རྒྱལ་བ་ཀུན་གྱི་སྙིང་པོ་སྟེ། །གསང་བ་ལས་ཀྱི་རིམ་པ་ཉིད། །དུས་གསུམ་སངས་རྒྱས་ཐམས་ཅད་ཀྱི། །
97b4 བསྟན་པ་བསྲུང་ཞིང་བཀའ་ལ་གནས། །དམ་ཚིག་འཛིན་པའི་ཞིང་སྐྱོང་ལ། །མགོན་པོ་ས་བཅུའི་དབང་ཕྱུག་གཙོ། །དཔལ་ལྡན་རིག་འཛིན་ཐམས་ཅད་ལ། །མཆོག་དུ་གྱུར་པའི་ལས་སྒྲུབ་པ། །དཔལ་ལྡན་ནག་པོ་ཆེན
97b5 པོ་ནི། །འདིས་ནི་ལྷ་མིན་འདུས་པ་ཡི། །གཡུལ་ལས་རྒྱལ་བར་བྱེད་པ་ཡིན། །ལྷ་སྲིན་སྡེ་བརྒྱད་མ་ལུས་པས། །མཆོད་པས་གཙོ་བོར་གྱུར་པ་ཡིན། །དཔལ་ལྡན་ལྷ་མོ་ཆེན་མོ་དང་། །ནག་མོ་རེ་མ་ཏིར་གྱུར་པས། །
97b6 ལྕམ་དྲལ་གྱུར་པས་བསྟན་པ་བསྲུང་། །སྐུ་དང་གསུང་དང་ཐུགས་གསང་བ། །ཕྱི་ནང་དེ་ཉིད་ཁོ་ནའི་དོན། །ཡོན་ཏན་ཕྲིན་ལས་དབང་ཕྱུག་ཏུ། །དམ་ཚིག་མགོན་པོ་ཞིང་སྐྱོང་བ། །ཉི་ཤུ་རྩ་བཞིའི
97b7 གཙོ་བོ་སྟེ། །གཞན་ཡང་དུས་གསུམ་དབང་བྱེད་པའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་སྤྱི་ལ་དགོངས་པའི་ལེའུ་སྟེ་གཉིས་པའོ།། །། དེ་ནས་གསང་བ་བཤད་བྱ་བ། །འདི
97b8 ཉིད་བླ་མེད་སྒྲུབ་པ་པོ། །འཁོར་བའི་རྒྱ་མཚོར་ལྷུང་བ་ཡི། །སེམས་ཅན་དུ་ཁ་གཟིགས་ནས་ནི། །ཇི་ལྟ་ཇི་ལྟར་གྲོལ་འགྱུར་བ། །དེ་དང་དེ་ཡི་ཐབས་སྟོན་མཛད། །དུས་ནི་བསྐལ་པ་བཟང་པོ་ཡི། །རྫོགས་ལྡན་ཐ་མར་གྱུར་པ་ཡི། །དཔག་མེད་དུས་ལས་འདས་ནས་ནི། །གཉིས
iiif viewer powered by OpenSeadragon
