| e-texts navigator |
| Wylie |
97a1 ལྷུན་གྱིས་གྲུབ་པར་བསྟན་པ་ཡིན། །དེ་ལས་དངོས་པོ་སྣ་ཚོགས་ཀྱིས། །ཐ་དད་སྣང་བ་ཡེ་ཤེས་གཟུགས། །རང་བྱུང་བདེ་བ་ཆེན་པོ་ཉིད། །མཉམ་པ་མེད་པ་ཀུན་དུ་འབྱུང་། །དུས་གསུམ་དེ་བཞིན
97a2 གཤེགས་པ་ཡི། །འབྱུང་གནས་སྙིང་པོ་རྡོ་རྗེའི་གདན། །རྡོ་རྗེ་དཀྱིལ་དཀྲུང་མི་ཕྱེད་ལས། །ཐོག་མཐའ་མེད་པའི་རང་བཞིན་ཅན། །གསང་བ་ཆེན་པོའི་རིགས་དག་པའི། །འདོད་ཆགས་རྡོ་རྗེའི་སྐུར་ལྡན་པ། །ལྷོ
97a3 ཕྱོགས་བྱ་རྐང་རི་དང་ནི། །དཔལ་གྱི་རི་ལ་མདུན་ཕྱོགས་པ། །དྷ་ན་ཀ་ཐ་པར་པ་ཏ། །པད་མ་གེ་སར་རྒྱས་པའི་དབུས། །ཆོས་ཀྱི་འབྱུང་གནས་རྟག་པར་གནས། །དཔལ་ལྡན་དགའ་བའི་ཁང་པ་བརྩེགས། །གསང
97a4 བ་སྔགས་ཀྱི་རྒྱ་མཚོ་ཡི། །མ་ལུས་རྒྱལ་བ་བགྲོད་པའི་ཡུལ། །གསང་བ་ཆོས་ཀྱི་དབྱིངས་ཆེན་པོ། །དཔལ་ལྡན་རྒྱུ་སྐར་དཀྱིལ་འཁོར་དུ། །ཀླ་ཀློའི་ཡུལ་གྱི་མི་རྣམས་དང་། །ལྷ་དང་ལྷ་མིན་དྲི་ཟར་བཅས། །གསང
97a5 ཆེན་ཡོངས་སུ་རྫོགས་པ་ཡི། །རང་བྱུང་ཡེ་ཤེས་ཕོ་བྲང་དུ། །ཚངས་དབང་ཁྱབ་འཇུག་དབང་ཕྱུག་བདག་།དཀྱིལ་འཁོར་སྒོ་བཞིར་བཅུག་ནས་ཀྱང་། །སྐྱེ་བོ་ཆགས་ཅན་རབ་འདུལ་ཕྱིར། །མཆོག་ཏུ་གྱུར་པའི་སྙིང་པོ
97a6 གསུང་། །ཕྱོགས་བཅུར་གནས་ཀྱི་སངས་རྒྱས་དང་། །བྱང་ཆུབ་སེམས་དཔའི་ཚོགས་རྣམས་དང་། །དཔའ་བོ་རྣལ་འབྱོར་དབང་ཕྱུག་ཚོགས། །གང་གཱ་ཀླུང་གི་བྱེ་སྙེད་ཀྱི། །ཁྲག་ཁྲིག་རི་རབ་རྡུལ་མཉམ་པ། །དེ
97a7 དབུས་སེང་གེའི་ཁྲི་བཞུགས་པའི། །ཐུབ་པའི་རྒྱལ་པོ་དེ་བཞིན་གཤེགས། །རྡོ་རྗེ་འཛིན་པ་ཆེན་པོ་ལ། །རྡོ་རྗེ་སྙིང་པོ་སེམས་དཔའ་ཆེ། །བླ་གོས་ཕྲག་པ་གཅིག་གཟར་ཏེ། །པུས་མོའི་ལྷ་ང་ས་ལ་བཙུགས། །
97a8 ཐལ་མོ་སྦྱར་ཏེ་འདི་དོན་ཞུས། །གསང་ཆེན་ཁྱད་པར་འཕགས་པ་ཡི། །ལྷུན་གྱིས་གྲུབ་པའི་ཕྱག་རྒྱ་ཆེ། །མི་འགྱུར་རྡོ་རྗེ་ཐེག་པའི་ལམ། །དུས་དང་གནས་དང་གང་ཟག་སྟེ། །སྤྱོད་ཡུལ་བསྟན་པའི་ཁྱད་པར
iiif viewer powered by OpenSeadragon
