| e-texts navigator |
| Wylie |
94b1 ཤེས་འཕེལ། །རི་ཡིས་མཉམ་ཉིད་ཡེ་ཤེས་འཕེལ། །ནི་ཡིས་སོ་སོར་རྟོག་བྱེད་འཕེལ། །ས་ཡི་བྱ་གྲུབ་ཡེ་ཤེས་འཕེལ། ། ནི་སངས་རྒྱས་མཁའ་འགྲོར་སྣང་། །ཧ་ནི་རྡོ་རྗེ་མཁའ་འགྲོར་སྣང་། །རི་ནི་རིན་ཆེན་མཁའ་འགྲོར་སྣང་། །ནི་ཡིས་པད་མ་མཁའ་འགྲོར་སྣང་། །ས་ཡིས་ལས
94b2 ཀྱི་མཁའ་འགྲོར་སྣང་། །ས་ནི་དེ་བཞིན་རིགས་ཐོབ་སྟེ། །ཧས་ནི་རྡོ་རྗེའི་རིགས་ཆེན་ཐོབ། །རི་ནི་རིན་ཆེན་རིགས་ཐོབ་སྟེ། །ནི་ཡིས་པད་མའི་རིགས་ཐོབ་བོ། །ས་ནི་ལས་ཀྱི་རིགས་ཆེན་ཐོབ། །ཆོས་སྐུའི་མཐར་ཐུག་ཨ་ཡིན་ཏེ། །
94b3 ལོངས་སྐུའི་རྣམ་པ་ཡི་གེ་ཧ། །སྤྲུལ་པ་སྐུ་ནི་རི་ཡིན་ནོ། །ངོ་བོ་ཉིད་སྐུའི་ཡི་གེ་ནི། །རྡོ་རྗེའི་སྐུ་ནི་ཡི་གེ་ས་ཞེས་གསུངས་སོ། །དུར་ཁྲོད་བདག་མོས་ཡང་ཞུས་པ། །དབང་པོ་རབ་འབྲིང་རིམ་པ་ཡིས། །ཇི་ལྟར
94b4 ཤེས་ན་གྲོལ་བར་འགྱུར། །དཔའ་བོ་ཆེན་པོས་ཡང་གསུངས་པ། །དབང་པོ་རབ་འབྲིང་གསུམ་ཡིན་ཏེ། །དབང་པོ་རབ་ཀྱི་གང་ཟག་ལ། །སྐད་ཅིག་དྲུག་གི་གདམས་ངག་བསྟན། །ཡེ་ཤེས་སྐད་ཅིག་དང་པོ་ཡིས། །
94b5 གཟུང་བའི་རྣམ་པར་རྟོག་པ་གཅད། །སྐད་ཅིག་གཉིས་པའི་ཡེ་ཤེས་ཀྱིས། །འཛིན་པའི་རྣམ་པར་རྟོག་པ་གཅད། །སྐད་ཅིག་གསུམ་པའི་ཡེ་ཤེས་ཀྱིས། །གཟུང་འཛིན་གཉིས་ཀྱི་རྟོག་པ་གཅད། །སྐད་ཅིག་བཞི་པའི
94b6 ཡེ་ཤེས་ཀྱིས། །ཉམས་ལ་ཞེན་པའི་རྣམ་རྟོག་གཅད། །སྐད་ཅིག་ལྔ་པའི་ཡེ་ཤེས་ཀྱིས། །ཉམས་མྱོང་བདེ་བའི་རྣམ་རྟོག་གཅད། །སྐད་ཅིག་དྲུག་པའི་ཡེ་ཤེས་ཀྱིས། །ཡིད་ལ་བྱེད་པའི་རྣམ་རྟོག་གཅད། །གྲོལ
94b7 འགྱུར་རབ་ལ་ཐེ་ཚོམ་མེད། །དབང་པོ་འབྲིང་པོའི་གང་ཟག་ལ། །རླུང་དྲུག་མན་ངག་བསྟན་པ་ནི། །ལྷན་ཅིག་སྐྱེས་པའི་རླུང་གོམས་པས། །རང་བཞིན་སྒྲིབ་པ་སེལ་བར་བྱེད། །ཐད་ཀར་འབྱུང་བའི་རླུང་གོམས་པས། །
94b8 མཚན་མོ་ལྟ་བུའི་སྒྲིབ་པ་སེལ། །རང་ལས་སྐྱེས་པའི་རླུང་གོམས་པས། །ཆོད་པའི་སྒྲིབ་པ་སེལ་བར་བྱེད། །སྤོང་བྱེད་རླུང་ལ་གོམས་པ་ཡིས། །སྔོན་དུ་རྒྱུ་བའི་སྒྲིབ་པ་སེལ། །སྦྱོང་བྱེད་རླུང་ལ་གོམས་པ་ཡིས། །ཤེས
iiif viewer powered by OpenSeadragon
