| e-texts navigator |
| Wylie |
94a1 པོ་ལ་འཛུམ་པ་དང་བཅས་ནས་ཞུས་པ། གསང་སྔགས་རྣམས་ཀྱི་སྔགས་ནི་གང་། །བཟླས་པར་བྱ་བའི་ཡི་གེ་གང་། །འཁོར་ལོ་རྣམ་བཞི་དགོད་པ་གང་ཞེས་ཞུས་པས། ཧེ་རུ་ཀས་བཀའ་སྩལ་པ། དུར
94a2 ཁྲོད་བདག་མོས་གུས་པར་གྱིས། །གསང་སྔགས་རྣམས་ཀྱི་ཡི་གེ་ནི། །ཐམས་ཅད་བྱེད་པ་ཡི་གེ་ཨོཾ། །དགྱེས་པ་སྐུ་ཡི་ཡི་གེ་ནི། །བཛྲ་བཱ་ར་ཧི་ཞེས་འབྱུང་། །ནུས་པ་འབྱུང་བ་གསུང་གི་ཀྲོ་ཏཱ་ཀཱ་ལི། །རྟོགས་པ་ཐུགས
94a3 ནི་ཧ་རི་ས། །ཡོན་ཏན་འབྱུང་བ་ཨ་བེ་ཤ་ཡ། །ཕྲིན་ལས་མཛད་པ་ཨེ་བ~ཾ་མ་ཡ། །དེ་ལས་གཞན་ཡང་འདི་ལྟ་སྟེ། །འཁོར་ལོ་ལྔ་ཡི་དབུས་ཉིད་དུ། །ཡི་གེ་བཞི་པས་རྒྱས་བཏབ་ནས། །བཟླས་པ་ཕྱི་ནང་གསང
94a4 བ་གསུམ། །ཞི་བ་ཕྱི་ཡི་བཟླས་པ་ནི། །ཡིག་འབྲུ་རྣམས་ནི་ཁ་དོག་དཀར། །དེ་ལས་འོད་ཟེར་དཀར་པོ་འཕྲོས། །ཉོན་མོངས་ཤེས་བྱའི་སྒྲིབ་པ་ཀུན། །བ་སྤུའི་སྒོ་ནས་བསྟན་པ་ཡིས། །སེམས་ཅན་ཀུན་ལ་ཕོག
94a5 པས་ཀྱང་། །སྒྲིབ་པ་ཐམས་ཅད་དག་པར་བསམ། །དེ་བཞིན་གཤེགས་ལ་ཕོག་པས་ཀྱང་། །མཉེས་པའི་མཆོད་པ་ཕུལ་བས་སོ། །བདག་ལ་སླར་ཐིམ་ཞི་བ་འགྲུབ། །རྒྱས་པ་སེར་པོ་འཕྲོ་འདུ་ཡིས། །གོང་བཞིན
94a6 སྤྲོ་བསྡུ་ཤེས་པར་བྱ། །དམར་པོ་དབང་གི་འཕྲོ་འདུ་བྱ། །དྲག་པོ་ནག་པོའི་འཕྲོ་འདུ་བྱ། །སྣ་ཚོགས་འཕྲོས་པས་ཕྲིན་ལས་བཞིའི། །དངོས་གྲུབ་ཐམས་ཅད་འགྲུབ་པ་ཡིན། །ནང་དང་གསང་བའི་བཟླས
94a7 པ་ཡང་། །གོང་བཞིན་སྤྲོ་བསྡུ་ཤེས་པར་བྱ། །དུར་ཁྲོད་ཕག་མོས་ཡང་གསོལ་པ། །ཟད་ཅིང་འཕེལ་བར་བྱེད་པ་གང་། །མཐར་ཐུག་པའི་ཡི་གེ་གང་། །ཞེས་ཞུས་སོ། །དཔའ་བོ་ཆེན་པོས་ཡང་གསུངས་པ། །
94a8 གཏི་མུག་ཟད་བྱེད་ཨ་ཡིན་ཏེ། །ཧས་ནི་ཞེ་སྡང་ཟད་པར་བྱེད། །ང་རྒྱལ་ཟད་བྱེད་རི་ཡིན་ཏེ། །ནི་ཡིས་འདོད་ཆགས་ཟད་པར་བྱེད། །ཕྲག་དོག་ཟད་བྱེད་ས་ཡིན་ནོ། ། ནི་ཆོས་དབྱིངས་ཡེ་ཤེས་འཕེལ། །ཧ་ནི་མེ་ལོང་ཡེ
iiif viewer powered by OpenSeadragon
