| e-texts navigator |
| Wylie |
93b1 དུར་ཁྲོད་ཕག་མོ་ཁྱོད། །ཉེས་པའི་སྐྱོན་གྱིས་མ་གོས་པ། །དཀར་ཞིང་སྤྲོས་བྲལ་ཞི་བར་བྱེད། །མ་ཆགས་སྐྱོན་གྱིས་མ་གོས་པ། །དམར་ལ་གདང་བ་སྒྲ་སྒྲོགས་ཡུམ། །སྐྱོན་མེད་སེམས་ཉིད་རང་དབང་འདུས། །གཉན
93b2 པོ་གཅིག་ཀྱང་མི་འགྱུར་བས། །ཁྲོས་མ་ནམ་མཁའི་ཁ་དོག་བཞིན། །མི་འགྱུར་རང་སེམས་དབྱིངས་སུ་གྲོལ། །ཆེ་བ་ཡེ་ཤེས་ལྔ་རྒྱས་པ། །སེར་མོ་སྐྱོན་མེད་དོན་གྲུབ་མ། །ངོ་བོ་རྒྱལ་ལ་གཡོ་དང་བྲལ། །སྣ་ཚོགས
93b3 སྐྱོན་གྱིས་མ་གོས་པས། །ིན་དྲ་ནཱི་ལའི་མཐར་བྱིན་མ། །སྣ་ཚོགས་ངོ་བོ་གཅིག་ཏུ་འདུས། །རྣམ་པ་གང་ཡང་འགྱུར་བ་མེད། །ཆོས་ཀྱི་དབྱིངས་ལས་འགྱུར་བ་མེད། །རྣམ་རྟོག་ཅིས་ཀྱང་མ་གོས་པས། །པག
93b4 ཅེས་བྱ་བ་རྟོག་མེད་ཡིན། །དབྱིངས་ཉིད་རྟོག་པ་སྤྲོས་བྲལ་བས། །མོ་ཞེས་བྱ་བ་དབྱིངས་སུ་ཐིམ། །དེ་ལ་ཕྱེ་ན་རྣམ་པ་གསུམ། །དམ་ཆོས་སྐྱེ་མེད་ཕག་མོ་ནི། །སྐྱེ་འགག་མེད་པས་ཆོས་སྐུ་ཡིན། །བརྗོད་པ་སྒྲ་ཡི
93b5 ཕག་མོ་ནི། །ཕག་ནི་ཀཱ་ལི་ཐབས་ཡིན་ལ། །མོ་ནི་ཨཱ་ལི་ལོངས་སྐུར་འདོད། །མཚོན་པ་དབྱིངས་ཀྱི་ཕག་མོ་ནི། །སྟོང་ཉིད་མཚོན་པའི་སྐུ་མདོག་ལ། །རྟོག་མེད་སྙིང་རྗེ་ཕག་གི་གདོང་། །ཐབས་དང་ཤེས་རབ་ཕག
93b6 མོ་ལ། །བདེ་སྟོང་སྐྱོན་བྲལ་གཅེར་བུ་ནི། །རྟོག་པ་མེད་པས་སྤྲུལ་སྐུའོ། །ཡིག་འབྲུ་གསལ་ལ་མི་རྟོག་པས། །ཐིམ་པ་ན་ཡང་ཅང་ཏེའུ། །སྣང་སྟོང་མཐའ་དང་བྲལ་བའོ། །བསྐྱེད་རྫོགས་ངོ་བོ་དབྱེར་མེད་པས། །
93b7 མཚོན་པ་སྣང་བ་སྟོང་པའི་ངང་། །དེ་ཉིད་སྣང་བའི་ངོ་བོ་ཉིད། །དབྱེར་མེད་གཟུང་འཇུག་ཁས་ལེན་བྲལ། །གཅིག་ལ་གཅིག་རྒྱས་གདབ་པར་བྱ། །གྲོལ་འགྱུར་འདི་ལ་ཐེ་ཚོམ་མེད་ཅེས་གསུངས་སོ། །མཁའ་འགྲོ་མ་ཐམས
93b8 ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་རྒྱུད་ཕྱི་མ་བསྐྱེད་རིམས་བསྟན་པའི་ལེའུ་སྟེ་དང་པོའོ། ། །། དེ་ནས་དུར་ཁྲོད་བདག་མོ་དེས་དཔའ་བོ་ཆེན
iiif viewer powered by OpenSeadragon
