| e-texts navigator |
| Wylie |
92b1 འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་བཞི་ལྗང་ཞིང་ཁ་དོག་སེར། །གོང་དུ་ལྔ་ཚན་ལྔ་དང་སྦྱར། །དེ་ལ་སྐུ་དང་མཆོད་རྟེན་རྣམས། །ཇི་ལྟར་ནུས
92b2 པ་བཞིན་དུ་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ལ་མངའ་གསོལ་ན་བཟའ་གསོལ། །མཆོད་དང་བསྟོད་པ་བཞུགས་པ་རྣམས། །དམ་ཆོས་གཞན་དང་འཐུན་པར་བྱ། །དྲག
92b3 པོའི་ལས་རྣམས་འགྲུབ་པར་འགྱུར། །བསྟོད་པ་ལྔ་ནི་སོ་སོར་བསྟོད། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྐུ་དང་མཆོད་རྟེན
92b4 གདབ་པའི་ལེའུ་སྟེ་དགུ་པའོ། ། །། དེ་ནས་དུར་ཁྲོད་བདག་མོ་དེས་སྟོན་པ་མཚན་ཉིད་བཞི་ལྡན་ལ་ཕྱི་ནང་གསང་བའི་མཆོད་པ་གསུམ་ཕུལ་ནས་འདི་སྐད་ཞུས་སོ། །ཀྱེ་ཀྱེ་མགོན་པོ་བདག་ལ་གསོན། །ཁམས་གསུམ
92b5 འཁོར་བའི་སེམས་ཅན་རྣམས། །ཉོན་མོངས་བརྒྱད་ཁྲི་བཞི་སྟོང་དང་། །རྣམ་རྟོག་བརྒྱད་ཁྲི་བཞི་སྟོང་གིས། །དུས་གསུམ་ཀུན་ཏུ་སྡུག་བསྔལ་བསྐྱེད། །དེ་ཡི་གཉེན་པོ་བཤད་དུ་གསོལ། །ཁམས་གསུམ་འཁོར་བའི་སེམས
92b6 ཅན་རྣམས། །རྒྱུ་ནི་མ་རིག་པ་ཡིས་བསྐྱེད། །རྐྱེན་ནི་རྣམ་པར་རྟོག་པ་སྟེ། །དེ་རྣམས་རྣམ་རྟོག་ཇི་ལྟར་བསལ། །ཕྱོགས་ངན་ལ་སོགས་འགྲོ་བའི་ཚེ། །དེ་ཡི་རྟོག་པ་གཅད་པར་ཞུ། །ལེགས་ཉེས་ཀུན་གྱི་སྟངས
92b7 གཅོད་པའི། །མནའ་དང་གལ་གྱིས་འཇིགས་པ་ལ། །དེ་ཡི་རྟོག་པ་གཅད་པར་ཞུ། །ཉོན་མོངས་ནད་ཀྱིས་ཉེན་པ་ལ། །དེ་ལས་ཐར་པའི་ཐབས་གཅིག་ཞུ། །བདག་གཞན་གཉིས་པོ་རྩོད་དུས་སུ། །དེ་ལས་རྒྱལ
92b8 བའི་ཐབས་གཅིག་ཞུ། །ལུས་སེམས་གཉིས་པོ་འབྲལ་དུས་དེར། །དེ་ལས་ཐར་པའི་ཐབས་གཅིག་ཞུ། །དེ་ནས་སྟོན་པས་ཚིག་འདི་སྐད་ཅེས་བཀའ་སྩལ་ཏོ། །རྒྱུ་འབྲས་ཀུན་དུ་སྡུག་བསྔལ་བ། །མ་ལུས་དབྱེར
iiif viewer powered by OpenSeadragon
