| e-texts navigator |
| Wylie |
91b1 དེ་ནས་དུར་ཁྲོད་བདག་མོ་དེས། །སྟོན་པ་མཚན་ཉིད་བཞི་ལྡན་ལ། །ཕྱི་ནང་གསང་བའི་མཆོད་པ་འདི་ཕུལ་ནས་འདི་སྐད་ཞུས་ཏེ། སྐལ་བར་ལྡན་པའི་གང་ཟག་གིས། །བདག་དང་གཞན་ལ་ཕན་གདགས་ཕྱིར། །སྐུ་དང
91b2 མཆོད་རྟེན་ཇི་ལྟར་བགྱི། །དེ་ཡི་གོ་རིམས་བཤད་དུ་གསོལ། །ཞེས་ཞུས་པའོ། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །རིགས་ཅན་ལྔའི་གང་ཟག་དེས། །བདག་དོན་གཞན་དོན་བྱེད
91b3 འདོད་པས། །སྐུ་ལྔ་གདུང་ལྔ་མཆོད་རྟེན་ལྔ། །རྒྱུ་ལྔ་སྔགས་ལྔ་ལས་རིམ་ལྔ། །ལྔ་ཚན་ལྔ་རུ་ཤེས་པར་བྱ། །དེ་ཡི་བྱ་བའི་རིམ་པ་ནི། །དེ་ཉིད་གསུམ་དང་ལྡན་པར་བྱ། །དང་པོ་བདག་གི་དེ་ཉིད་དང་། །གཉིས་པ་རྒྱུ
91b4 ཡི་དེ་ཉིད་དང་། །གསུམ་པ་འབྲས་བུའི་དེ་ཉིད་དོ། །དང་པོ་བདག་གི་དེ་ཉིད་ནི། །དེ་བཞིན་རིགས་ཀྱི་གང་ཟག་དེ། །དད་དང་བརྩོན་འགྲུས་རབ་ལྡན་པས། །སྐུ་དང་མཆོད་རྟེན་འདེབས་དུས་སུ། །འདུ་ཤེས་གསུམ
91b5 དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་གཞི་དཀར་ཞིང་སྣུམ་པ་ལ། །རིན་ཆེན་སྣ་ལྔ་ལ་སོགས་པའི། །ལྔ་ཚན་ལྔ་ནི་ལེགས་སྦྱར་ཏེ། །ལུས་ངག་ཡིད་གསུམ་སྦྱོར་བ
91b6 ཡིས། །སྐུ་དང་མཆོད་རྟེན་ཅི་རིགས་གདབ། །འོག་མིན་གནས་ནས་སྤྱན་དྲངས་ལ། །རབ་ཏུ་གནས་པ་གཞུང་བཞིན་བྱ། །དེ་ནས་མངའ་གསོལ་ན་བཟའ་གསོལ། །དེ་ལ་མཆོད་དང་བསྟོད་པ་བྱ། །བཞུགས་སུ
91b7 གསོལ་བའི་རིམ་པ་ནི། །དམ་ཆོས་གཞན་དང་འཐུན་པར་བྱ། །ཞི་བའི་ལས་རྣམས་འགྲུབ་པར་འགྱུར། །དང་པོ་བདག་གི་དེ་ཉིད་ནི། །རིན་ཆེན་རིགས་ཀྱི་གང་ཟག་དེས། །དད་དང་བརྩོན་འགྲུས་རབ་ལྡན་པས། །སྐུ
91b8 འམ་མཆོད་རྟེན་འདེབས་དུས་སུ། །འདུ་ཤེས་གསུམ་དང་ལྡན་པར་བྱ། །གཉིས་པ་རྒྱུ་ཡི་དེ་ཉིད་ནི། །རྣམ་པ་ལྔ་རུ་ཤེས་པར་བྱ། །ས་བཞི་སེར་ལ་འཚེར་བ་ལ། །གོང་དུ་བསྟན་པ་ཇི་ལྟ་བར། །སྐུ་དང་མཆོད
iiif viewer powered by OpenSeadragon
