| e-texts navigator |
| Wylie |
91a1 གསང་བ་བཤད་བྱ་སྟེ། །མཚན་ལྟས་རབ་འབྲིང་ཐ་མ་གསུམ། །སྐལ་དང་ལྡན་པའི་གང་ཟག་ལ། །ཡེ་ཤེས་ཁྲོ་མོ་རྣམ་པ་ལྔ། །མངོན་སུམ་དག་དུ་མཐོང་བར་འགྱུར། །དབང་པོ་རབ་ཀྱི་སྣང་བ་སྟེ། །ལས
91a2 འཕྲོ་ཅན་གྱི་སྣང་བ་ཡིན། །སྐལ་པ་འབྲིང་གི་གང་ཟག་ལ། །ཡེ་ཤེས་ཁྲོ་མོ་རྣམ་པ་ལྔ། །རང་གི་ལས་དང་གང་འཐུན་པར། །རྨྱི་ལམ་དག་ཏུ་མཆོག་དུ་གསལ། །སྐལ་བ་འབྲིང་གི་མཚན་ལྟས་ཡིན། །སྐལ་བ་དམན
91a3 པའི་གང་ཟག་ལ། །ཚུལ་བཞིན་བྲིས་པའི་ཐང་སྐུ་སྟེ། །འོད་དང་སྒྲ་དང་འཛུམ་པ་དང་། །མཁའ་འགྲོའི་ལུང་བསྟན་འབྱུང་བ་དང་། །སྐྱེ་བ་འདི་ལ་ངེས་པར་འགྲུབ། །སྦྱོར་བ་དམན་པའི་གང་ཟག་ལ། །བར་མ་དོར་ནས
91a4 ལམ་སྣ་འདྲེན། །མཁས་སྤྱོད་གནས་སུ་འཁྲིད་པར་བྱེད། །དུས་ཀྱི་ཚད་ནི་རྣམ་གསུམ་སྟེ། །རབ་ལ་སྐད་ཅིག་རྣམ་དྲུག་ཡིན། །འབྲིང་ལ་ཟླ་བ་དྲུག་གིས་གྲོལ། །ཐ་མ་ལོ་དྲུག་སྦྱར་བའོ། །ཕྱི་དང་ནང་དང་གསང་བ་གསུམ། །
91a5 རྣམ་པ་གསུམ་དུ་ཤེས་པར་བྱ། །ལས་ཚོགས་རང་བཞིན་དབྱེ་བ་ནི། །རྒྱས་དང་བསྡུས་པ་ཤིན་དུ་རྒྱས། །རྣམ་པ་གསུམ་དུ་ཤེས་པར་བྱ། །བསྡུས་པ་ཚར་གཅད་རྗེས་གཟུང་གཉིས། །རྒྱས་པ་ཕྲིན་ལས་རྣམ་པ
91a6 བཞི། །ཤིན་དུ་རྒྱས་པ་ཐུན་མོང་བརྒྱད། །དེ་ལས་འཕྲོས་པ་ཉི་ཤུ་ལྔ། །བདེ་ཆེན་དཀར་མོའི་ཏིང་འཛིན་གྱིས། །ཞི་བའི་ལས་ཚོགས་རྣམ་ལྔ་འགྲུབ། །སེར་མོ་དོན་གྲུབ་ཏིང་འཛིན་གྱིས། །རྒྱས་པའི་ལས་ཚོགས་རྣམ
91a7 ལྔ་འགྲུབ། །དམར་མོ་སྒྲ་སྒྲོགས་ཏིང་འཛིན་གྱིས། །དབང་གི་ལས་ཚོགས་རྣམ་ལྔ་འགྲུབ། །ཁྲོས་མ་ནག་མོའི་ཏིང་འཛིན་གྱིས། །དྲག་པོའི་ལས་ཚོགས་རྣམ་ལྔ་འགྲུབ། །སྣ་ཚོགས་མཐར་ཕྱིན་ཏིང་འཛིན་གྱིས། །
91a8 ཕྲིན་ལས་བཞི་ཡི་ལས་རྣམས་འགྲུབ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པའི་ཕག་མོ་མངོན་པར་འབྱུང་བའི་རྒྱུད་ལས་འབྲས་བུའི་ལེའུ་སྟེ་བརྒྱད་པའོ།། །།
iiif viewer powered by OpenSeadragon
