| e-texts navigator |
| Wylie |
90b1 བྱ། །དེ་ནས་ཉམས་དང་བྱིན་བརླབས་ནི། །གོ་རིམས་སྐྱེ་ཚུལ་འདི་ལྟ་སྟེ། །དམིགས་པ་མེད་པའི་སྙིང་རྗེ་སྐྱེ། །སངས་རྒྱས་མཁའ་འགྲོའི་ཉམས་མྱོང་ཡིན། །ཆོས་རྣམས་གཟུགས་བརྙན་ལྟར་མཐོང་བ། །རྡོ་རྗེ་མཁའ་འགྲོའི
90b2 ཉམས་མྱོང་ཡིན། །ཐམས་ཅད་མཉམ་པ་ཉིད་སྐྱེ་བ། །རིན་ཆེན་མཁའ་འགྲོའི་ཉམས་མྱོང་ཡིན། །ཆོས་རྣམས་མ་འདྲེས་སོ་སོར་གསལ། །པད་མ་མཁའ་འགྲོའི་ཉམས་མྱོང་ཡིན། །དངོས་པོ་གང་ལའང་ཐོགས་མེད་པ། །
90b3 ལས་ཀྱི་མཁའ་འགྲོའི་ཉམས་མྱོང་ཡིན། །ཉོན་མོངས་ལྔ་ཡི་འགྱུར་ལུགས་ནི། །གཏི་མུག་ཆོས་ཀྱི་དབྱིངས་སུ་འགྱུར། །ཞེ་སྡང་མེ་ལོང་ཡེ་ཤེས་འགྱུར། །ང་རྒྱལ་མཉམ་པ་ཉིད་ཀྱིར་འགྱུར། །འདོད་ཆགས་སོ་སོར
90b4 རྟོག་པར་འགྱུར། །ཕྲག་དོག་བྱ་བ་ནན་ཏན་འགྱུར། །དེ་ནས་འགྱུར་བ་ལམ་དུ་བྱེད། །དེ་ནས་གཞན་ཡང་བཤད་བྱ་སྟེ། །སྐུ་ཡི་ཡི་གེ་རྣམ་བཞི་ཡིས། །ཆོས་ཀྱི་དབྱིངས་ཀྱི་ཡེ་ཤེས་འཕེལ། །གསུང་གི་ཡི་གེ་རྣམ
90b5 བཞི་ཡིས། །སོ་སོར་རྟོག་པའི་ཡེ་ཤེས་འཕེལ། །ཐུགས་ཀྱི་ཡི་གེ་རྣམ་བཞི་ཡིས། །མེ་ལོང་ལྟ་བུའི་ཡེ་ཤེས་འཕེལ། །ཡོན་ཏན་ཡི་གེ་རྣམ་བཞི་ཡིས། །མཉམ་པ་ཉིད་ཀྱི་ཡེ་ཤེས་འཕེལ། །ཕྲིན་ལས་ཡི་གེ་རྣམ་བཞི
90b6 ཡིས། །བྱ་བ་གྲུབ་པའི་ཡེ་ཤེས་འཕེལ། །ཱ་ལི་དང་ནི་ཀཱ་ལི་ཡིས། །སྒྲ་དོན་དག་གིས་རྟོགས་པར་འགྱུར། །ཞེས་སོ། །དེ་ནས་གསང་བ་བཤད་བྱ་སྟེ། །གྲངས་ཀྱི་ཚད་ནི་འདི་ལྟ་སྟེ། །འབུམ་ཕྲག་གཅིག་གིས་བགེགས
90b7 རྣམས་སྐྲོད། །འབུམ་ཕྲག་གཉིས་ཀྱིས་གྲོང་ཁྱེར་སྐྲོད། །འབུམ་ཕྲག་གསུམ་གྱིས་རྒྱལ་པོ་འཇོམས། །འབུམ་ཕྲག་བཞི་པས་བུད་མེད་འགུགས། །འབུམ་ཕྲག་ལྔ་ཡིས་ཕྱོགས་རྣམས་བསྲེག་།འབུམ་ཕྲག
90b8 དྲུག་གིས་འབྱུང་བ་བཟློག་། འབུམ་ཕྲག་བདུན་གྱིས་གནས་ཁང་གཡོ། །འབུམ་ཕྲག་བརྒྱད་ཀྱིས་མངོན་ཤེས་འཆར། །འབུམ་ཕྲག་དགུ་ཡིས་ཟས་ནོར་འདུ། །འབུམ་ཕྲག་བཅུ་ཡིས་གང་འདོད་འགྲུབ། །དེ་ནས
iiif viewer powered by OpenSeadragon
