| e-texts navigator |
| Wylie |
90a1 ཅན་དོན་གྲུབ་ལས་ཀྱི་རིགས། །གཞན་ནས་མ་ཡིན་རང་ཉིད་ལ། །དུག་ལྔ་སྤྱོད་པའི་གང་ཟག་དེ། །ཡེ་ཤེས་ཁྲོ་མོ་ལྔ་བསྒོམས་ནས། །བདེ་བ་སྐྱེ་བ་སྐུ་ཡིན་པས། །བདེ་ཆེན་དཀར་མོ་བསྒོམ་པར་བྱ། །ནུས་པ་འབྱུང
90a2 བ་གསུང་ཡིན་པས། །དམར་མོ་སྒྲ་སྒྲོགས་བསྒོམ་པར་བྱ། །རྟོགས་ཚད་འཆར་བ་ཐུགས་ཡིན་པས། །ཁྲོས་མ་ནག་མོ་བསྒོམ་པར་བྱ། །བརྟན་པར་བྱེད་པ་ཡོན་ཏན་ཏེ། །སེར་མོ་དོན་གྲུབ་བསྒོམ་པར་བྱ། །བར་ཆད་སེལ་བ
90a3 ཕྲིན་ལས་ཏེ། །སྣ་ཚོགས་མཐར་ཕྱིན་བསྒོམ་པར་བྱ། །རིམས་ཀྱིས་མ་ཡིན་ཅིག་ཅར་ཡིན། །རྒྱ་དང་འབུར་གྱི་ཚུལ་དུ་བྱ། །ཡིག་འབྲུ་རྣམས་ཀྱི་གནས་ལུགས་ནི། །སྤྱི་གཙུག་བདེ་ཆེན་འཁོར་ལོ་ན། །བདེ་བྱེད་སྐུའི་གེ་བཞི། །
90a4 རང་བཞིན་རྩའི་གཟུགས་ཅན་ནོ། །མགྲིན་པ་ལོངས་སྤྱོད་འཁོར་ལོ་ན། །གསུང་མཆོག་ཡི་གེ་རྣམ་བཞི་ནི། །རང་བཞིན་རྩའི་ཚུལ་དུ་གནས། །སྙིང་ཀ་ཆོས་ཀྱི་འཁོར་ལོ་ན། །ཐུགས་མཆོག་ཡི་གེ་རྣམ་བཞི་ནི། །རྩ་ཡི་དབྱིབས
90a5 དང་འཐུན་པར་གནས། །ལྟེ་བ་སྤྲུལ་པའི་འཁོར་ལོ་ན། །རྟེན་བྱེད་ཡོན་ཏན་ཡི་གེ་བཞི། །དེ་ཡི་རང་བཞིན་རྩ་ཡི་དབྱིབས། །ཕྲིན་ལས་ཡི་གེ་རྣམ་བཞི་ནི། །ཞི་རྒྱས་དབང་དྲག་ཡི་གེ་བཞི། །ལས་དང་རྗེས་འཐུན་གཟུགས
90a6 སུ་གནས། །སྙིང་པོ་ལྔའི་བཟླས་ཐབས་ནི། །ཕྱི་དང་ནང་དང་གསང་བ་དང་། །ཕྲིན་ལས་བཞི་ཡི་ཚུལ་དུ་བཟླས། །དམ་ཚིག་ལྔའི་བསྲུང་ཚུལ་ནི། །བདེ་ཆེན་དཀར་མོའི་དམ་ཚིག་ཏུ། །སེམས་ཅན་ཀུན་ལ་བྱམས་པ་བསྒོམས། །
90a7 ཁྲོས་མ་ནག་མོའི་དམ་ཚིག་ཏུ། །དྲག་ཅིང་རྩུབ་པའི་སྤྱོད་པ་བྱ། །སེར་མོ་དོན་གྲུབ་དམ་ཚིག་ཏུ། །དངོས་པོ་ཀུན་ལ་ཆགས་མེད་བྱ། །དམར་མོ་སྒྲ་སྒྲོགས་དམ་ཚིག་ཏུ། །སྨྲ་ཞིང་བུད་མེད་བརྟེན་པར་བྱ། །སྣ་ཚོགས
90a8 མཐར་ཕྱིན་དམ་ཚིག་ཏུ། །རྒྱུད་ཅིང་མཆོད་པའི་སྤྱོད་པ་བྱ། །མཁའ་འགྲོ་སྤྱིའི་དམ་ཚིག་ཏུ། །བདུད་རྩི་ལྔ་དང་ཤ་ལྔ་ལ། །རྟག་ཏུ་ལོངས་སྤྱོད་བྱ་བ་ནི། །བཟའ་བའི་དམ་ཚིག་རྣམ་ལྔ་སྟེ། །གསང་སྔགས་སྤྱོད་པས་བསྟེན་པར
iiif viewer powered by OpenSeadragon
