| e-texts navigator |
| Wylie |
87b1 མ་རིག་པའི་མུན་པས་བསྒྲིབས། །འཁོར་བའི་རྒྱ་མཚོ་ཆེན་པོར་ལྟུང་། །ཉོན་མོངས་འདམ་དུ་བྱིང་བ་ཡིས། །དུས་གསུམ་སངས་རྒྱས་ཐམས་ཅད་ཀྱིས། །ཆོས་ཀྱི་སྒོ་མོ་བརྒྱད་ཁྲི་དང་། །བཞི་སྟོང་གི་ནི་གྲངས་སྙེད་ཀུན། །ཉོན
87b2 མོངས་པའི་གཉེན་པོར་བསྟན། །དབང་པོ་རབ་འབྲིང་དང་སྦྱར་ནས། །ཐུན་མོང་ཐེག་པ་རིམ་གྱིས་བསྟན། །མདོ་སྡེ་འདུལ་བ་མངོན་པ་གསུམ། །བསྟན་པ་ཀུན་གྱི་རྩ་བ་ཡིན། །བདེར་གཤེགས་ཐུགས་རྗེ་བསམ་མི་ཁྱབ། །
87b3 སེམས་ཅན་རྣམས་ལ་དེ་ལྟར་བསྟན། །དེ་ནས་དུར་ཁྲོད་བདག་མོ་དེས་ཡང་འདི་སྐད་ཅེས་གསོལ་ཏོ། །བླ་མེད་སྟོན་པ་ཧེ་རུ་ཀ་། ཐུན་མོང་ཐེག་པ་དེ་ལྟར་བསྟན། །ཁྱད་པར་གསང་སྔགས་ཇི་ལྟར་ལགས། །རྒྱུད་སྡེ་རྣམས་ཀྱི་དབྱེ
87b4 བ་ཞུ། །སྨིན་པའི་ལམ་ནི་ཇི་ལྟར་ལགས། །གྲོལ་བའི་ལམ་ནི་གང་ལ་བགྱི། །དཔའ་བོ་ཆེན་པོས་བཤད་དུ་གསོལ། །ཞེས་ཞུས་སོ། །དེ་ནས་སྟོན་པ་ཧེ་རུ་ཀས། །ཉོན་ཅིག་དུར་ཁྲོད་བདག་མོ་ཁྱོད། །སྐལ་བར་ལྡན་པའི་གང་ཟག
87b5 ལ། །གསང་སྔགས་རྒྱུད་སྡེ་ངས་བཤད་ཀྱིས། །སྣོད་སྐྱོན་གསུམ་པོ་སྤོངས་ལ་ཉོན། །བྱ་བ་གཙོ་བོར་བྱེད་པ་ལ། །ཀྲི་མའི་རྒྱུད་སྡེ་རྣམ་ལྔ་བསྟན། །སྦྱོར་བ་གཙོ་བོར་བྱེད་པ་ལ། །གཉིས་པའི་རྒྱུད་སྡེ་རྣམ་ལྔ་བསྟན། །སེམས
87b6 ཉིད་གཙོ་བོར་བྱེད་པ་ལ། །རྣལ་འབྱོར་རྒྱུད་སྡེ་རྣམ་ལྔ་བསྟན། །བདེ་སྟོང་གཙོ་བོར་བྱེད་པ་ལ། །བླ་ན་མེད་པའི་རྒྱུད་ལྔ་བསྟན། །ཡིད་ལ་བྱེད་པ་མེད་རྣམས་ལ། །གོང་ན་མེད་པའི་རྒྱུད་ལྔ་བསྟན། །དེའི་ཕྱིར་རྒྱུད་སྡེ་རྣམ་པ་ལྔ། །
87b7 གསང་སྔགས་རྒྱུད་ཅེས་བྱ་བར་གྲགས། །རེ་རེ་ལ་ཡང་ལྔ་ལྔ་སྟེ། །རྒྱུད་ཆེན་ཉི་ཤུ་རྩ་ལྔ་ནི། །མ་བྱུང་འབྱུང་བར་མི་འགྱུར་རོ། །ཞེས་གསུངས་སོ། །དེ་ནས་ཡང་དུར་ཁྲོད་བདག་མོ་དེས་ཡང་ཞུས་པ། རྒྱུད་ཀྱི་དབྱེ་བ་དེ་ལྟར་ན། །སྨིན
87b8 ཞེས་བགྱི་བ་ཇི་ལྟར་ལགས། །ལམ་ཞེས་བགྱི་བ་གང་ལ་བགྱི། །དེ་ཡི་དབྱེ་བ་བཤད་དུ་གསོལ་ཞེས་ཞུས་སོ། །དེ་ནས་སྟོན་པས་བཀའ་སྩལ་པ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །དེ
iiif viewer powered by OpenSeadragon
