| e-texts navigator |
| Wylie |
87a1 འབྱུང་། །དེ་ནས་གཞན་ཡང་བཤད་བྱ་སྟེ། །ལྔ་བསྡུས་རྩེ་མོ་མནན་པ་ནི། །བུམ་པའི་དབང་སྟེ་ལུས་ཀྱི་བརྡ། །མཐེབ་སྲིན་ཨེའི་དྲང་རོ་གཅིག་།གསང་བའི་དབང་སྟེ་ལུས་ཀྱི་བརྡ། །བྱང་ཆུབ་མཆོག་གི་ཕྱག
87a2 རྒྱ་ནི། །གསུམ་པ་ཤེས་རབ་ཡེ་ཤེས་ཡིན། །སྐྱེས་དང་མ་སྐྱེས་གཉིས་མེད་པས། །བཞི་པ་ཡིན་སྟེ་ལུས་ཀྱི་བརྡ། །དེ་ཡི་ངག་གི་བརྡ་སྨྲས་པ། །ཀ་ལ་ཤ་ཡ་བུམ་པའི་དབང་། །ཡ་ར་ལ་ཝ་གསང་བའི་བརྡའོ། །ེ
87a3 བ~ཾ་མ་ཡ་གསུམ་པའི་བརྡའོ། །ེ་ཧཱུ~ཾ་ཨོཾ་ཨཱ་བཞི་པའོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་བརྡའི་ལེའུ་སྟེ་དྲུག
87a4 པའོ། ། །། དེ་ནས་དུར་ཁྲོད་བདག་མོ་དེས། སྟོན་པ་མཚན་ཉིད་བཞི་དང་ལྡན་པ་དེ་ལ་ཕྱིའི་མཆོད་པའི་ཚོགས་དཔག་ཏུ་མེད་པ་དང་། ནང་གི་མཆོད་པའི་ཚོགས་དཔག་ཏུ་མེད་པ་དང་། གསང་བའི་མཆོད་པའི
87a5 ཚོགས་དཔག་ཏུ་མེད་པ་དང་། དེ་ཁོ་ན་ཉིད་ཀྱི་མཆོད་པ་ཕུལ་ནས་འདི་སྐད་ཞུས་སོ། །བླ་མེད་སྟོན་པ་ཧེ་རུ་ཀ་། འཁོར་བའི་སེམས་ཅན་འདྲེན་མཛད་པ། །ཐུགས་རྗེ་ཆེ་དང་ལྡན་པ་ཁྱོད། །ནད་པ་ལྟ་བུའི་སེམས་ཅན་ལ། །
87a6 ཆོས་ཀྱི་སྨན་མཆོག་བསྟན་དུ་གསོལ། །ལོང་བ་ལྟ་བུའི་སེམས་ཅན་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་པོ་ལྟ་བུའི་སྟོན་པ་ཁྱོད། །ཀུན་ལ་བྱམས་པ་མཛད་དུ་གསོལ། །བློན་པོ་ལྟ་བུའི་སྟོན་པ་ཁྱོད། །
87a7 ཀུན་ལ་ཕན་པ་མཛད་དུ་གསོལ། །ཞེས་ཞུས་སོ། །དེ་ནས་སྟོན་པ་འཇིགས་བྱེད་ཧེ་རུ་ཀ་དེ་ཐུགས་རབ་ཏུ་དགྱེས་ཏེ། སྐུའི་སྒོ་ནས་མཛེས་གར་རྣམ་པ་གསུམ་མཛད། གསུང་གི་སྒོ་ནས་རྡོ་རྗེའི་ཚིག་རྣམ་པ་གསུམ་མཛད། ཐུགས་ཀྱི
87a8 སྒོ་ནས་ཁྱད་པར་ཀྱི་ཡེ་ཤེས་རྣམ་པ་གསུམ་བསྐྱེད་ནས། འཁོར་རྣམས་ལ་སྤྱན་གཟིགས་ནས་ཚངས་པའི་གསུང་གིས་རྡོ་རྗེའི་ཚིག་འདི་བཀའ་སྩལ་ཏོ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །
iiif viewer powered by OpenSeadragon
