| e-texts navigator |
| Wylie |
86b1 ལུས་ཀྱི་སྟོབས་སྐྱེད་ལྟར། །གོམས་པས་འབྲས་བུ་སྐྱེད་པའི་ཕྱིར། །གོ་ཕྱིན་པ་ནི་བསྟན་བྱས་ལ། །མེ་ག་བ་ཞེས་བརྗོད་པར་བྱ། །ས་གཞི་འགྲོ་བ་ཀུན་འདེགས་ལྟར། །འབྲས་བུ་དམ་ཚིག་གིས་བསྟེན་ལྟར། །ས་གཞི་གྲུ་བཞིར་བསྟན
86b2 བྱས་ལ། །མཎ་ཌལ་ཞེས་སུ་བརྗོད་པར་བྱ། །སོར་མོ་ལྔ་ནི་རྒྱུ་མཐུན་ཕྱིར། །ཕུང་ལྔ་རིགས་ལྔར་རྒྱས་བཏབ་པས། །གཡས་པའི་སོར་མོ་ལྔ་བསྟན་པ། །སྦ་ར་ན་ཞེས་བརྗོད་པར་བྱ། །མི་བསྐྱོད་པ་དང་རྡོ་རྗེ་འཆང་། །རྒྱས་གདབ་གཉིས
86b3 ནི་གོ་བྱའི་ཕྱིར། །དབུགས་ནི་ལ་ནི་དབྱུང་བར་བྱ། །དཔལ་ཀུན་ཤམ་ཞེས་བརྗོད་པར་བྱ། །སོ་འཆའ་བའི་ཞེ་སྡང་གིས། །འབྲས་བུའི་རྟགས་ནི་ཡིན་པའི་ཕྱིར། །གཉིས་སྣང་གཅོད་ཕྱིར་སོ་འཆའ་བས། །མ་ཏ་ཁྲ་ཞེས་བརྗོད་པར
86b4 བྱ། །ཤ་ནི་སྲོག་ཆགས་ཐམས་ཅད་ལས། །འབྱུང་ཞིང་ཆོས་རྣམས་ཐམས་ཅད་ནི། །སེམས་ཡིན་ཕྱིར་ནས་ཤ་བསྟན་པས། །ར་ཙ་ན་ཞེས་བརྗོད་པར་བྱ། །ཁྲོ་གཉེར་ཁྲོས་པའི་རྟགས་ཡིན་པས། །བྱ་བ་ཐམས་ཅད་སྡུག
86b5 བསྔལ་གྱི། །རྟགས་ཡིན་ཕྱིར་ན་ཁྲོ་གཉེར་བསྟན། །ནི་རི་ཧ་ཞེས་བརྗོད་པར་བྱ། །བསྡུམས་པས་དབྱེ་བ་མེད་པ་ལྟར། །འཁོར་འདས་དབྱེར་མི་ཕྱེད་པ་ལྟར། །བྷ་ག་ནི་ཞེས་བརྗོད་པར་བྱ། །དཔེ་ཡིས་མཚོན་པའི་དོན་དུ་ནི། །དྲི
86b6 མ་ཀུན་ལས་གྲོལ་བའི་ཕྱིར། །བསྡམས་པ་བཀྲོལ་ནས་གྲེ་ནན་བརྗོད། །བྱིན་གྱིས་བརླབས་པའི་གཏོར་མ་ཡིན། །ཐམས་ཅད་ཚིམ་པར་བྱེད་པ་ལྟར། །སྣ་ཚོགས་སྣང་བའི་ཆོས་ཀུན་ལ། །བདེ་བ་ཆེན་པོའི་རོས་ཚིམ་ཕྱིར། །
86b7 གཏོར་མ་བཏང་ལ་ཧིཀ་ཀ་བརྗོད། །ལྟོ་བ་ཟས་ཀྱི་སྣོད་ཡིན་ལྟར། །སེམས་ཅན་སངས་རྒྱས་སྣོད་ཡིན་པས། །དོན་དུ་ལྟོ་བ་བསྟན་ནས་ནི། །ནི་གར་མ་ཞེས་བརྗོད་པར་བྱ། །དེ་རྣམས་ཕན་ཡོན་དཔག་མེད་པས། །སྙིང་པོ་རྒྱུད་དུ་གསལ
86b8 བར་བསྟན། །བརྡ་དང་ལྡན་པའི་རྣལ་འབྱོར་པས། །བདུད་རྩི་རྣམ་པ་ལྔ་པོ་ལ། །ལོངས་སྤྱོད་པ་ནི་ཐབས་ཀྱི་མཆོག་།བྱིན་གྱིས་བརླབས་དང་ས་བོན་དང་། །རང་བཞིན་བདུད་རྩི་ལ་འབད་པས། །དཔག་མེད་རིམས་ཀྱིས་ཕན་ཡོན
iiif viewer powered by OpenSeadragon
