| e-texts navigator |
| Wylie |
86a1 པོ། །ཀུན་གྱིས་མི་རྟོག་སྦས་པའི་དོན། །བར་ཆད་སེལ་བ་བརྡའི་ཆོས། །བསམ་གྱིས་མི་ཁྱབ་བཤད་དུ་གསོལ། །དེ་ནས་སྟོན་པས་བཀའ་སྩལ་པ། །སྣང་བ་ཐམས་ཅད་ལས་ཀྱི་བརྡ། །ཚིག་ནི་ཇི་སྙེད་ངག་གི་བརྡ། །དེ་ལ
86a2 བསམ་གྱིས་མི་ཁྱབ་གནས། །དོན་གྱི་བརྡ་རུ་ཤེས་པར་བྱ། །དེ་ནས་དུར་ཁྲོད་བདག་མོས་ཡང་ཞུས་པ། གང་ཟག་འཇུག་པའི་རིམ་པ་དང་། །དཔའ་བོ་བརྟག་པའི་རིམ་པ་དང་། །ཕྱག་རྒྱ་མོ་ཡི་བརྟག་པ་དང་། །མཆོག་དང་ཐུན་མོང
86a3 དངོས་གྲུབ་དང་། །ཚོགས་ཀྱི་འཁོར་ལོའི་དུས་དག་དང་། །རྣལ་འབྱོར་ཕག་མོ་རྫོགས་བྱེད་དང་། །བརྡ་ཡི་བྱེ་བྲག་ཇི་སྙེད་པ། །འགྲོ་མགོན་ཁྱེད་ཀྱིས་བཤད་དུ་གསོལ། །མགོན་པོ་དཔའ་བོས་བཀའ་སྩལ་པ། །ཐམས་ཅད་ཀུན་གྱི་བརྡ
86a4 ཆེན་པོ། །སྦས་པའི་བརྡ་ནི་བཤད་བྱ་བ། །གཡས་པ་ཐབས་ཀྱི་རང་བཞིན་དང་། །གཡོན་པ་ཤེས་རབ་རང་བཞིན་དང་། །ལུས་ཀྱི་བརྡ་རྣམས་རྫོགས་པར་བྱ། །མི་རྟོག་སྒོམ་པ་སྟོན་པ་ལ། །ལག་པ་གཡོན་པ་བསྟན་པ་ནི། །ས་རོ་ཞེས
86a5 ནི་བརྗོད་པར་བྱ། །རྐང་པ་གྲོང་ཁྱེར་ས་བགྲོད་པས། །སྤྱོད་པ་ཉམས་མྱོང་གིས་འགྲོ་བ། །གོ་བའི་ཕྱིར་ནས་རྐང་བསྟན་ཏེ། ། གྷུ་ལ་ཞེས་བརྗོད་པར་བྱ། །སྲིན་ལག་མཁའ་འགྲོ་མ་ཡི་རྩ། །དེ་ཡི་ཕྱིར་ན་དེ་བསྟན་ཏེ། །ཤེས་རབ་ཆེན
86a6 པོར་གོ་བྱའི་ཕྱིར། །བྷ་ཏ་རི་ཞེས་བརྗོད་པར་བྱ། །ལྕེ་ཡིས་ཟས་ཀྱི་རོ་མྱོང་ལྟར། །སྟོང་པས་བདེ་བ་མྱོང་བསྟན་ཕྱིར། །ལྕེ་བསྟན་ཙརྱ་གྷ་ཞེས་བརྗོད། །སྐལ་བར་ལྡན་པའི་བདག་ཉིད་ནི། །ཡུལ་ལ་རིག་པར་བྱ་བའི་ཕྱིར། །ལྟོ་བ་ཟས
86a7 ཀྱི་སྣོད་བསྟན་པ། །ན་དྷ་ལི་ཞེས་བརྗོད་པར་བྱ། །ལྟོ་བ་ཟས་ཀྱི་སྣོད་ཡིན་ཕྱིར། །དེ་བཞིན་སྣོད་ནི་བསྟན་པར་བྱ། །བླ་མའི་བརྒྱུད་པ་གོ་ཆའི་ཕྱིར། །པ~ཾ་ཀ་ཏ་ཞེས་བརྗོད་པར་བྱ། །སོར་མོ་ལྔའི་ནི་རྒྱུད་གཅིག་ལྟར། །ལྔ་ཡི་རྩ་བ་ཨེ
86a8 བ~ཾ་དུ། །བསྡུས་ཕྱིར་སོར་མོ་ལྔ་བསྟན་ལ། །ཚན་དྷོ་ཧ་ཞེས་བརྗོད་པར་བྱ། །སོའི་སྟོབས་ཀྱིས་ཟས་འདུལ་ལྟར། །ེ་བ~ཾ་ཇི་བཞིན་རྟོགས་པར་བྱེད། །གང་གིས་སོ་ནི་བསྟན་བྱས་པས། །ཙ་ལ་ནི་ཞེས་བརྗོད་པར་བྱ། །བྱིན་པས
iiif viewer powered by OpenSeadragon
