| e-texts navigator |
| Wylie |
84b1 ཉིད་ཅན། །གོམས་པ་མཐར་ཕྱིན་སྒོམ་པའི་མཆོག་།བཅུ་པ་ལ་ནི་ཡོངས་སུ་གྲོལ། །སངས་རྒྱས་པའི་རྣམ་ཐར་ཡིན། །ཆགས་སེམས་བྲལ་བ་སྒོམ་པའི་མཆོག་།སྦྱིན་པའི་ཕ་རོལ་ཕྱིན་པ་ཡིན། །རང་སེམས་དག་པ་སྒོམ་པའི
84b2 མཆོག་། ཚུལ་ཁྲིམས་ཕ་རོལ་ཕྱིན་པ་ཡིན། །ཇི་མི་སྙམ་པ་སྒོམ་པའི་མཆོག་།བཟོད་པའི་ཕ་རོལ་ཕྱིན་པ་ཡིན། །གོ་ཆ་སྦྱོར་བ་སྒོམ་པའི་མཆོག་།བརྩོན་འགྲུས་ཕ་རོལ་ཕྱིན་པ་ཡིན། །གཡེང་བ་མེད་པ་སྒོམ་པའི་མཆོག་།བསམ
84b3 གཏན་ཕ་རོལ་ཕྱིན་པ་ཡིན། །འཁོར་འདས་ཤེས་པ་སྒོམ་པའི་མཆོག་།ཤེས་རབ་ཕ་རོལ་ཕྱིན་པ་ཡིན། །ཉོན་མོངས་མི་སྤོང་སྒོམ་པའི་མཆོག་།ཐབས་ཀྱི་ཕ་རོལ་ཕྱིན་པ་ཡིན། །མི་མཐུན་ཟིལ་གནོན་སྒོམ་པའི་མཆོག་།
84b4 སྟོབས་ཀྱི་ཕ་རོལ་ཕྱིན་པ་ཡིན། །ཅི་བསམས་འགྲུབ་པ་སྒོམ་པའི་མཆོག་།སྨོན་ལམ་ཕ་རོལ་ཕྱིན་པ་ཡིན། །ཇི་སྙེད་མཁྱེན་བྱ་སྒོམ་པའི་མཆོག་།ཡེ་ཤེས་ཕ་རོལ་ཕྱིན་པ་ཡིན། །ཆོས་དབྱིངས་ཡེ་ཤེས་སྒོམ་པའི་མཆོག་།
84b5 སྤྲོས་པ་མེད་པའི་རང་བཞིན་ཡིན། །མེ་ལོང་ཡེ་ཤེས་བསྒོམ་པའི་མཆོག་།ཐམས་ཅད་གཟུགས་བརྙན་ལྟར་ཤེས་ཡིན། །མཉམ་ཉིད་ཡེ་ཤེས་བསྒོམ་པའི་མཆོག་།ཀུན་ལ་སྙོམས་པའི་བདག་ཉིད་ཡིན། །ཀུན་རྟོག་ཡེ་ཤེས་སྒོམ
84b6 པའི་མཆོག་། མ་འདྲེས་གསལ་བའི་ངོ་བོ་ཉིད། །བྱ་གྲུབ་ཡེ་ཤེས་སྒོམ་པའི་མཆོག་།ཕྲིན་ལས་ཐམས་ཅད་དུས་གཅིག་རྫོགས། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག
84b7 མོ་མངོན་པར་འབྱུང་བའི་རྒྱུད་ཅེས་བྱ་བ་ལས་སྒོམ་པའི་ལེའུ་སྟེ་བཞི་པའོ། ། །། དེ་ནས་དུར་ཁྲོད་བདག་མོ་དེས། །ཧེ་རུ་ཀ་ལ་འདི་སྐད་གསོལ། །གོམས་པར་བྱ་བའི་རྗེས་ཐོབ་ལ། །སྤྱོད་པའི་གོ་རིམས་ཇི་ལྟར་བགྱི། །དེ
84b8 ནས་སྟོན་པས་གསང་བའི་ཚིག་འདི་སྐད་ཅེས་བཀའ་སྩལ་ཏོ། །ཅུང་ཟད་དྲོད་ནི་ཐོབ་པ་དང་། །དེ་ཚེ་སྤྱོད་པ་སྤྱད་པར་བྱ། །དང་པོ་གསང་བའི་སྤྱོད་པ་བྱ། །བྱང་ཆུབ་སེམས་ནི་དྲོད་ཐོབ་ནས། །རིག་པ་རྟུལ་ཞུགས་སྤྱོད་པར་བྱ། །ལྷན
iiif viewer powered by OpenSeadragon
