| e-texts navigator |
| Wylie |
84a1 པའོ། ། །། དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་ཞུས། །རྟོགས་པ་ལྟ་བའི་རྗེས་ཐོགས་ལ། །བསྒོམ་པའི་གོ་རིམས་ཇི་ལྟ་བུ། །ཞེས་ཞུས་པས། དེ་ནས་སྟོན་པས་བཀའ་སྩལ་པ། །སངས་རྒྱས་ཐོབ་པར
84a2 འདོད་པ་ཡིས། །རྟོགས་པའི་དོན་གོ་བསྒོམས་ལས་བྱུང་། །གཞན་དུ་འབྲས་བུ་འབྱུང་མི་འགྱུར། །སྣ་ཚོགས་སྣང་བའི་ཆོས་རྣམས་ཀུན། །ཡེ་ནས་སྤྲོས་དང་བྲལ་བ་ལ། །རྟག་པར་འཛིན་པ་བསྒོམ་པའི་སྐྱོན། །ཕྱི་དང་ནང་གི་ཆོས
84a3 ཉིད་ལ། །ཆད་པར་འཛིན་པ་བསྒོམ་པའི་སྐྱོན། །འོ་ན་ཇི་ལྟར་བསྒོམ་ཞེས་ན། །ལམ་མེད་ལམ་གོལ་དམན་པའི་ལམ། །འདི་རྣམས་སྤངས་ཏེ་བསྒོམ་པར་བྱ། །དང་པོ་བྱང་ཆུབ་སེམས་བསྐྱེད་དེ། །སྨོན་འཇུག་གཉིས་པོ་སྔོན་དུ
84a4 གཅེས། །གཟུང་བ་ཡུལ་མེད་སྒོམ་པའི་མཆོག་།ཆོས་ཀྱི་བདག་མེད་རྟོགས་པར་བྱ། །འཛིན་པའི་སེམས་མེད་སྒོམ་པའི་མཆོག་།གང་ཟག་བདག་མེད་རྟོགས་པར་བྱ། །ཆོས་རྣམས་གང་ཡིན་མི་འགེགས་པས། །ཐབས་ཀྱི
84a5 ལམ་དུ་ཤེས་པར་བྱ། །ངོ་བོ་ཅི་ཡང་མ་གྲུབ་པས། །ཤེས་རབ་ལམ་དུ་ཤེས་པར་བྱ། །ཆོས་རྣམས་རྒྱུ་མེད་སྒོམ་པའི་མཆོག་།སྟོང་པ་ཉིད་ཀྱི་རྣམ་ཐར་ཡིན། །འབྲས་བུ་སྟོང་པ་སྒོམ་པའི་མཆོག་།མཚན་མེད་པའི་རྣམ་ཐར
84a6 ཡིན། །རྒྱུ་འབྲས་དབྱེར་མེད་སྒོམ་པའི་མཆོག་།སྨོན་པ་མེད་པའི་རྣམ་ཐར་ཡིན། །ཀུན་ལ་བྱམས་པ་སྒོམ་པའི་མཆོག་།བྱམས་པ་ཚད་མེད་རང་བཞིན་ཡིན། །ཀུན་ལ་བརྩེ་བ་སྒོམ་པའི་མཆོག་།སྙིང་རྗེ་ཚད་མེད་ངོ་བོ་ཉིད། །ཀུན
84a7 ལ་ཕན་པ་སྒོམ་པའི་མཆོག་། དགའ་བ་ཚད་མེད་ངོ་བོ་ཉིད། །ཀུན་ལ་ཁྱབ་པ་སྒོམ་པའི་མཆོག་།བཏང་སྙོམས་ཚད་མེད་ངོ་བོ་ཉིད། །བསོད་ནམས་ཚོགས་སོག་སྒོམ་པའི་མཆོག་།བཞི་གསུམ་བཅུ་གཉིས་བདག་ཉིད་ཅན། །
84a8 ལམ་ལ་བསྒོམས་པ་སྒོམ་པའི་མཆོག་།ངེས་འབྱེད་བཞིའི་བདག་ཉིད་ཅན། །ཡེ་ཤེས་མཐོང་བ་སྒོམ་པའི་མཆོག་།བྱང་ཆུབ་ཡན་ལག་རྣམ་བདུན་ཡིན། །གོམས་པར་བྱེད་པ་སྒོམ་པའི་ལམ། །འཕགས་ལམ་བརྒྱད་ཀྱི་བདག
iiif viewer powered by OpenSeadragon
