| e-texts navigator |
| Wylie |
81b1 བའི་ངོ་བོར་ཡང་དག་ཤེས། །ཤ་ལྔ་དང་ནི་བདུད་རྩི་ལྔ། །གྱེན་དུ་ཕེཾ་གྱི་སྒྲ་བསྒྲགས་པས། །དཔའ་བོ་རྣལ་འབྱོར་མ་ཀུན་དགྱེས། །དབང་ནི་ཐ་མའི་ལམ་ཉིད་དོ། །བདུད་རྩི་ཆུ་ཡིས་ལེགས་བྱུགས་ནས། །མེ་ཏོག་དམར་པོས་མཆོད་པའོ། །རིན
81b2 ཆེན་སྣོད་བཟངས་བྲུ~ཾ་གྱིས་མཛེས། །དཔའ་བོ་བདུད་རྩི་དག་བྱེད་ཆུ། །ཞལ་བཞི་སྔགས་ཀྱི་འོད་ཟེར་གྱིས། །གདུག་པ་མ་ལུས་ཀུན་འདུལ་ཞིང་། །སྤྲོ་དང་བསྡུ་བའི་རྣམ་པ་ཅན། །རྡོ་རྗེ་སྙིང་པོས་གསོལ་པ། ཀྱེ་བཅོམ་ལྡན་འདས་སྐྱེ
81b3 མཆེད་ཀྱི་མཁའ་འགྲོ་མ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །གཅེར་བུ་ཐལ་བའི་མདོག་ཅན་ཏེ། །ཉི་ཤུ་རྩ་བཞིའི་ཡུལ་རྣམས་འགྲིམ། །ལྔ་པ་དང་ནི་དྲུག་པའོ། །རྡོ་རྗེ་སྙིང་པོས་གསོལ་པ། བཅོམ་ལྡན
81b4 འདས་སྔགས་ནི་གང་། གཏོར་མ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཛྭ་ལ་མུ་ཁི་ཌཱ་ཀི་ནཱི་ཀ~ཾ་ཀ་ནི་ཧཱུ~ཾ་ཕཊ། ཨོཾ་པ་རི་ནཱ་ཡ་ནི་ཌཱ་ཀི་ནཱི་ཧཱུ~ཾ་ཕཊ། ཨོཾ་མ་ཌི་ར་ཌཱ་ཀི་ནཱི་ཧཱུ~ཾ་ཕཊ། ཨོཾ་པ་ར་མུ་ཁི་ཌཱ་ཀི་ནཱི་ཧཱུ~ཾ་ཕཊ།
81b5 ཨོཾ་ཨུ་ལུ་ཀ་ཏི་ཌཱ་ཀི་ནཱི་ཧཱུ~ཾ་ཕཊ། ཨོཾ་ཨ་ར་ན་མ་ནི་ཌཱ་ཀི་ནཱི་ཧཱུ~ཾ་ཕཊ། ཆུ་སྐྱེས་དག་གིས་རྣམ་བརྒྱན་ཅིང་། །བདུད་རྩི་ལྔ་ཡིས་རྣམ་པར་མཛེས། །དཔའ་མོ་དྲུག་ནི་མཉེས་པར་འགྱུར། །རྡོ་རྗེ་སྙིང་པོས་གསོལ་པ། བཅོམ་ལྡན
81b6 འདས་རྣམ་པའི་ངོ་བོ་ནི་གང་། །སྤྲུལ་པའི་ངོ་བོ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །རྣམ་པའི་ངོ་བོ་ལྷ་ཉིད་དེ། །སྤྲུལ་པ་ཚོགས་ཀྱི་བདག་པོར་བཤད། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཚོགས
81b7 ཀྱི་བདག་པོ་ནི་གང་། བཅོམ་ལྡན་འདས་ཀྱིས་བཀའ་སྩལ་པ། །དབང་གི་ཁ་དོག་དམར་པོ་སྟེ། །ཞལ་གཅིག་པ་ལ་ཕྱག་བཞི་པ། །སྤྲུལ་པ་འཁོར་ལོའི་རྩིབས་ལ་གནས། །བརྐྱང་བསྐུམ་ཚུལ་གྱིས་མནན་པའོ། །རྡོ་རྗེ་སྙིང་པོས
81b8 གསོལ་པ། བཅོམ་ལྡན་འདས་བསྙེན་པར་བྱ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། །བསྙེན་པར་བྱ་བ་སྔགས་ཉིད་དེ། །ོཾ་ག་ཎ་པཏ་ཡེ་སྭཱ་ཧཱ། ནག་པོ་འབྲུ་ཡི་རི་ལུ་ལ། །བསྙེན་དང་སྒྲུབ་པའི་ལྷར་གནས
iiif viewer powered by OpenSeadragon
