| e-texts navigator |
| Wylie |
77a1 བཞི་བགྲོད་པའི་རྣལ་འབྱོར་གྱིས། །བསྙེན་གནས་དགེ་བསྙེན་དགེ་ཚུལ་དང་། །དགེ་སློང་ཆེན་པོ་གསུངས་པ་སྟེ། །འདི་ཡིས་རྒྱུད་རྣམས་འགྲུབ་པར་འགྱུར། །རྩ་བའི་རྒྱུད་ནི་རྣམ་པ་གསུམ། །བཤད་རྒྱུད་སུམ་བཅུ་རྩ་གཉིས་ཏེ། །ཡན་ལག་རྒྱུད་ནི་གྲངས་ལས་འདས། །རྩ་བ་ཆེན་པོ་ཕྱི་མ་དང་། །
77a2 ཕྱི་མའི་ཕྱི་མར་བསྡུས་པ་ཡིན། །བྲམ་ཟེ་རྒྱལ་རིགས་རྗེ་རིགས་དང་། །དམངས་རིགས་གདོལ་པ་གདུལ་དོན་དུ། །རྒྱུད་ཀྱང་རྣམ་པ་བཞིར་གསུངས་ཏེ། །བྱ་སྤྱོད་རྣལ་འབྱོར་བླ་མེད་དོ། །ལྷ་མོས་གསོལ་བ་བཅོམ་ལྡན་འདས། །གནས་གང་དུ་ནི་གཙོ་བོ་བསྒོམ། །ཐབས་ནི་རྣམ་པ་དུ་ཞིག་མཆིས། །དེ་བཞིན་ཐབས་ལས
77a3 བྱུང་བ་ཅི། །བཅོམ་ལྡན་འདས་ཀྱིས་བཀའ་སྩལ་པ། །རི་རྩེ་དུར་ཁྲོད་རོ་སྟེང་དུ། །གཅེར་བུ་སྐྲ་བཤིག་ལྷོར་བལྟས་ཏེ། །ཱ་ལི་ཀཱ་ལིས་ལུས་བསྲུངས་ལ། །དཔའ་བོའི་འཁོར་ལོ་བསྒོམ་པར་བྱ། །སྨིན་པར་བྱེད་པ་དབང་བཞི་ལ། །གྲོལ་བ་བསྐྱེད་རྫོགས་གཉིས་ཀྱི་ལམ། །ལམ་གཉིས་ལ་ནི་བརྟེན་ནས་སུ། །སྔགས་པས
77a4 བྱང་ཆུབ་བསྒྲུབ་པར་བྱ། །བུམ་པས་ལུས་ཀྱི་དྲི་མ་འཁྲུད། །གསང་བས་ངག་གི་དྲི་མ་འཁྲུད། །གསུམ་པས་སེམས་ཀྱི་དྲི་མ་སྟེ། །དེ་ནི་ཀུན་དུ་བརྟགས་པ་ལ། །ལྷན་ཅིག་སྐྱེས་པའི་མ་རིག་པ། །བཀྲུ་བའི་ཕྱིར་ན་བཞི་པ་བཤད། །གནས་དང་ལྡང་བ་ཉིད་དང་ནི། །འཇུག་དང་ཡོངས་སུ་རྫོགས་པ
77a5 དང་། །བྱིན་གྱིས་བརླབ་དང་དབང་བསྐུར་དང་། །ཏིང་འཛིན་མཆོད་པ་བསྐྱེད་རིམ་ལ། །ཉེ་བར་བསྡུ་བ་རྫོགས་པའི་རིམ། །རིམ་གཉིས་མཉམ་པར་གནས་ནས་སུ། །རྡོ་རྗེ་ཅན་གྱིས་ཆོས་འཆད་དོ། །སྟོང་པ་མངོན་གྱུར་ཆོས་སྐུ་ལ། །མཚན་དཔེ་བདེ་བ་ལོངས་སྤྱོད་སྐུ། །རོལ་པའི་མཛད་པ་སྤྲུལ་སྐུ་ལ། །སྐུ
77a6 གསུམ་དབྱེར་མེད་བདེ་ཆེན་དང་། །ལྷ་མོས་གསོལ་པ་བཅོམ་ལྡན་འདས། །གང་གིས་བསྒྲུབས་ན་འགྲུབ་པར་འགྱུར། །གང་ལ་བར་ཆད་འབྱུང་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །འཁོར་བས་སྐྱོ་ནས་སྡོམ་གསུམ་ལྡན། །ཐོས་ཆེ་དང་ལྡན་མཚན་ཉིད་བཟང་། །དབེན་པར་དཀྱིལ་འཁོར་བྲིས
77a7 སྨྲ་བཅད། །ཆོས་གོས་གྱོན་ལ་བདུད་རྩི་སྤྱད། །ཐུན་བཞིར་བསྒྲུབས་ན་འགྲུབ་པར་འགྱུར། །ཞེན་པ་ཆེ་བའི་རྣལ་འབྱོར་ལ། །ལྟ་བའི་བར་ཆད་འབྱུང་བར་འགྱུར། །གཡེང་བ་ཆེ་བའི་རྣལ་འབྱོར་ལ། །བསྒོམ་པའི་བར་ཆད་འབྱུང་བར་འགྱུར། །དམ་ཚིག་ཉམས་པའི་རྣལ་འབྱོར་ལ། །སྤྱོད་པའི་བར
77a8 ཆད་འབྱུང་བར་འགྱུར། །ལེ་ལོ་ཆེ་བའི་རྣལ་འབྱོར་ལ། །འབྲས་བུའི་བར་ཆད་འབྱུང་བར་འགྱུར། །ལྷ་མོས་གསོལ་པ་བཅོམ་ལྡན་འདས། །རྒྱུད་ཀྱི་ངོ་བོ་ཇི་ལྟ་བུ། །རྩ་བའི་རྒྱུད་ཅེས་གང་ལ་བགྱི། །བཤད་པའི་རྒྱུད་ཅེས་གང་ལ་བགྱི། །འབྱུང་བའི་དུས་ནི་ཇི་ལྟ་བུ། །བཅོམ་ལྡན་འདས
iiif viewer powered by OpenSeadragon
