| e-texts navigator |
| Wylie |
76b1 བག་ཆགས་འཁྲུལ། །སངས་རྒྱས་ལས་འཁྲུལ་སེམས་ཅན་དེ། །རང་རིག་ལས་འཁྲུལ་གཞན་རིག་སྣང་། །སེམས་ཉིད་ལས་འཁྲུལ་བག་ཆགས་འབྱུང་། །དེས་ན་རང་སེམས་འཁྲུལ་པ་དག་།དོན་དུ་སྣང་བ་རབ་ཏུ་སྐྱེ། །སྐྱེ་བ་མེད་བཞིན་སྐྱེ་བས་འཁྲུལ། །ལྕགས
76b2 བསྲེགས་ས་གཞི་རང་གི་སེམས། །མེ་སོགས་བྱེད་པ་གཞན་ན་མེད། །བཀྲེས་སྐོམ་སྡུག་བསྔལ་རང་གི་སེམས། །ཟས་སྐོམ་བཀྲེས་པ་གཞན་ན་མེད། །བརྡེག་བཙོག་ལྕགས་བཞུས་རང་གི་སེམས། །སྲོག་གཅོད་ཤན་པ་གཞན་ན་མེད། །འགྲོ་བ་ཐམས་ཅད
76b3 རང་སེམས་ཀུན། །རང་གི་སེམས་སུ་མ་ཤེས་ན། །དེ་ཡིས་སངས་རྒྱས་སྤངས་པ་ཡིན། །བླ་མ་དམ་པ་རྟག་ཏུ་བསྟེན། །ཐེག་ཆེན་ཟབ་མོའི་མདོ་རྒྱུད་བལྟ། །བསྒོམ་དུ་མེད་པའི་དོན་བསྒོམས་ན། །མ་བསྒོམས་ན་ཡང་བསྒོམ་པའི་མཆོག་།དེ་ལྟར་གྱུར་པའི
76b4 མཁས་པ་ལ། །སྟོང་པར་མི་འགྱུར་གང་ཡང་མེད། །དེ་ལས་མྱ་ངན་འདས་པ་འབྱུང་། །སྐུ་དང་སྟོབས་ལ་སོགས་པ་ཀུན། །ནོར་བུའི་ཚུལ་དུ་རང་བཞིན་འབྱུང་། །དེ་དག་སེམས་ཀྱི་ཕན་ཡོན་ནོ། །ལྷ་མོས་གསོལ་པ་བཅོམ་ལྡན་འདས། །རྟེན་གྱི་གང་ཟག
76b5 རྣམ་པ་དུ། །རྒྱུད་ཀྱི་རྣམ་གྲངས་དུ་ཞིག་མཆིས། །གདུལ་བྱ་གང་ལ་རྒྱུད་རྣམས་བཤད། །བཅོམ་ལྡན་འདས་ཀྱིས་བཀའ་སྩལ་པ། །སེམས་ཅན་སངས་རྒྱས་རང་བཞིན་པས། །གདོལ་པ་ཀོ་ལྤགས་མཁན་ལ་སོགས། །གཟུགས་ངན་གསོད་པའི་དོན་གཉེར
76b6 བ། །ཐེག་པ་འདི་ལས་འགྲུབ་པར་འགྱུར། །དཀྱིལ་འཁོར་རྫོགས་པར་བསྒོམ་པ་དང་། །གཙོ་བོ་ཡབ་ཡུམ་བསྒོམ་པ་དང་། །དབུ་མའི་སྤྱན་ལ་སེམས་འཛིན་པ། །བསྐྱེད་རིམ་སྤྲོས་དང་བཅས་པའི་ལམ། །རིགས་ལ་གནས་པའི་རྣལ་འབྱོར་གྱིས། །ལྷ་སོགས་བུ་མོ་མཚན
76b7 ལྡན་ལ། །ཆགས་པས་ཆགས་པ་སྤོང་བ་ནི། །ལས་ཀྱི་ཕྱག་རྒྱ་ཆགས་པའི་ལམ། །གནས་པ་རྩ་དང་གཡོ་བ་རླུང་། །བཀོད་པ་བྱང་སེམས་དམན་བ་དབྱིབས། །ཟབ་པ་སྔགས་དང་ཐིག་ལེ་དང་། །མཐར་ཐུག་ཡན་ལག་བདུན་བསྒོམས་པ། །ཆོས་ཀྱི་ཕྱག་རྒྱ་གྲོལ་བའི་ལམ། །རྟེན
76b8 ཡོད་མ་ཡིན་བརྟེན་པ་མེད། །དམིགས་པ་ཐམས་ཅད་རྣམ་བསལ་ཏེ། །ལྷན་ཅིག་སྐྱེས་པའི་དོན་བསྒོམ་པ། །ཕྱག་རྒྱ་ཆེན་པོར་རང་བྱིན་བརླབ། །དེ་རྣམས་གཉིས་སུ་བསྡུ་བ་སྟེ། །གང་ཟག་མཆོག་དང་ལས་དང་པོ། །ལས་དང་པོ་ལ་ཕྱི་ནང་གཉིས། །མཆོག་ལ་ཡང་ནི་ཕྱི་ནང་གཉིས། །དབང
iiif viewer powered by OpenSeadragon
