| e-texts navigator |
| Wylie |
76a1 མར་མ་སྐྱེས་རང་བཞིན་དག་། གློ་བུར་སངས་རྒྱས་མིང་ཡང་མེད། །སངས་རྒྱས་སེམས་ཅན་གཉིས་མ་ཡིན། །ཀུན་རྫོབ་དོན་དམ་གཉིས་མ་ཡིན། །རང་བཞིན་རིག་པ་འོད་གསལ་སོགས། །སྨྲར་མེད་བརྗོད་དུ་མེད
76a2 པ་སྟེ། །དཔེར་ན་ལྐུགས་པས་རོ་མྱོང་འདྲ། །རས་དང་ཤེལ་འདྲའི་རང་བཞིན་ལ། །ལོག་རྟོག་རྩི་སོགས་རྣམ་པར་འཁྲུལ། །ཁམས་གསུམ་བརྟན་དང་གཡོར་སྣང་ཞིང་། །འདོད་པའི་བྱང་ཆུབ་སྣ་ཚོགས་དང་། །དེ་དག་སྤྱོད་པ་སྣ
76a3 ཚོགས་དག་། དེ་ཉིད་གཡེང་དང་རྣམ་རྟོག་སྟེ། །རང་གིས་འཁྲུལ་ནས་རང་གིས་འཆིང་། །རང་གིས་གསོད་ཅིང་རང་གིས་ཟ། །རང་གིས་ལྟུང་ཞིང་རང་སྡུག་བསྔལ། །རང་རིག་ཡེ་ནས་སྤྲོས་བྲལ་ལ། །སྒྲ་དང་ཐ་སྙད་འཇུག་ན་འཁྲུལ། །
76a4 རང་རིག་ངང་གིས་འོད་གསལ་ལ། །མ་རིག་མུན་པས་བསྒྲིབས་ན་འཁྲུལ། །དངོས་པོ་སྟོང་པར་རོ་མཉམ་ལ། །བླང་དང་དོར་བར་བྱེད་ན་འཁྲུལ། །འདོད་ཡོན་ངང་གིས་འགག་པ་ལ། །དེ་དག་དཀའ་བས་སྤོང་ན་འཁྲུལ། །རང་རིག
76a5 ཡེ་ནས་སྟོང་པ་ལ། །འདོད་ཡོན་ལྔ་ལ་བརྟེན་ན་འཁྲུལ། །དམན་དང་གྱ་ནོམ་མེད་པ་ལ། །སྒྲོ་དང་སྐུར་པ་འདེབས་ན་འཁྲུལ། །གདོད་ནས་སྤྲོས་བྲལ་ལྷུན་གྲུབ་ལ། །སྒོམ་དང་མི་སྒོམ་བྱེད་ན་འཁྲུལ། །སངས་རྒྱས་སེམས་ཅན་གཉིས
76a6 མེད་ལ། །དེ་དག་གཉིས་སུ་འཛིན་ན་འཁྲུལ། །དོན་དམ་ཀུན་རྫོབ་གཉིས་མེད་ལ། །བདེན་པ་གཉིས་སུ་འབྱེད་ན་འཁྲུལ། །སངས་རྒྱས་འཁོར་བའི་ཆུ་བོ་རྒལ། །སྐྱེ་འགག་གང་ལྟར་འདོད་ཀྱང་འཁྲུལ། །སྟོང་ཉིད་རོ་ལ་མི་གནས
76a7 པར། །དངོས་པོ་མཚན་མར་གནས་ན་འཁྲུལ། །སེམས་ཀྱི་གླང་ཆེན་མི་འདུལ་བར། །གཡེང་བའི་སེམས་སུ་འདུག་ན་འཁྲུལ། །རྣམ་རྟོག་རླུང་གིས་བསྐྱོད་པ་ལ། །རང་རིག་ཡེ་ཤེས་འདོད་ན་འཁྲུལ། །རང་སེམས་རང་གིས་མ
76a8 མཐོང་བར། །ཆེ་བའི་ང་རྒྱལ་སྨྲ་ན་འཁྲུལ། །རང་རིག་ཉམས་སུ་མ་མྱོང་བར། །དཀར་པོའི་ཆོས་རྣམས་སྤོང་ན་འཁྲུལ། །སངས་རྒྱས་མ་འཁྲུལ་སེམས་ཅན་འཁྲུལ། །རང་བཞིན་མ་འཁྲུལ་རང་རིག་འཁྲུལ། །སེམས་ཉིད་མ་འཁྲུལ
iiif viewer powered by OpenSeadragon
