| e-texts navigator |
| Wylie |
75b1 བགྱི། །དེ་ཡི་ཕན་ཡོན་ཇི་ལྟར་འབྱུང་། །བཅོམ་ལྡན་འདས་ཀྱིས་བཀའ་སྩལ་པ། །གཏོར་མ་རྣམ་པ་བཞི་རུ་གསུངས། །ཕྱི་ནང་གསང་བ་དེ་ཁོ་ན། །དང་པོ་ཕྱི་ཡི་གཏོར་མ་ནི། །ཐུན་མཚམས་ལྷ་ཡི་མདུན་ཉིད་དུ། །ར~ཾ་ལས་མེ་དང་ཡ~ཾ་ལས
75b2 རླུང་། །སྒྱེད་གསུམ་ཨ་ལས་དུམ་གཅིག་པའི། །ནང་དུ་བདུད་རྩི་ཤ་ལྔ་ལ། །སྐུ་གསུང་ཐུགས་ཀྱི་སྦྱོར་བ་ཡིས། །ལྷ་རྣམས་མཉེས་པར་བྱེད་པ་དང་། །མཁའ་འགྲོ་དགྱེས་པར་བྱེད་པའོ། །གཉིས་པ་ནང་གི་གཏོར་མ་ནི། །ཕུང་པོ་ཁམས
75b3 དང་སྐྱེ་མཆེད་རྣམས། །ལུས་ནི་ལྷ་ཡི་འཁོར་ལོ་ལ། །རྩ་ནི་ཡེ་ཤེས་མཁའ་འགྲོ་མ། །སྲིན་བུ་ལས་ཀྱི་མཁའ་འགྲོ་མཆོད། །གསུམ་པ་གསང་བའི་གཏོར་མ་ནི། །འཁོར་ལོ་བཞི་ཡི་ཀ་པཱ་ལར། །རླུང་དང་ཐིག་ལེ་བདུད་རྩི་ལ། །
75b4 དགའ་བ་གསུམ་གྱིས་བྱིན་བརླབས་ཏེ། །ལྷན་ཅིག་སྐྱེས་པ་མཆོད་པར་བྱ། །དེ་ཉིད་བཞི་པའི་གཏོར་མ་ནི། །ཕྱི་ནང་དངོས་པོའི་གཏོར་མ་ཀུན། །ཆོས་ཀྱི་དབྱིངས་ཀྱི་པད་སྣོད་དུ། །དོན་དམ་སེམས་ཀྱི་གསུམ་སྔགས་ཀྱིས། །བདེ་བ
75b5 ཆེན་པོའི་ངང་ལ་མཆོད། །ཕན་ཡོན་དངོས་གྲུབ་སྟེར་བ་དང་། །ཕྱི་ནང་བར་ཆད་སེལ་བ་དང་། །ཟས་ཀྱི་རྟོག་པ་ཆོམས་པ་དང་། །ཁམས་དང་སྐྱེ་མཆེད་རྟས་པ་དང་། །རྒས་སྲ་ལུས་ཀྱི་མདངས་ལྡན་ཞིང་། །སྐྲ་དཀར་གཉེར་མ་སྤོང་བ
75b6 དང་། །དངོས་པོའི་གདོན་ལས་གྲོལ་བ་དང་། །འཁོར་བའི་ཕ་རོལ་སོན་པའོ། །ལྷ་མོས་གསོལ་པ་བཅོམ་ལྡན་འདས། །སེམས་ཀྱི་རང་བཞིན་ཇི་ལྟ་བུ། །དེ་ལས་འཁྲུལ་ནས་ཇི་ལྟར་འཁོར། །མ་འཁྲུལ་དོན་ལ་ཇི་ལྟར་གཞག་།
75b7 དེ་ལས་ཡོན་ཏན་ཇི་ལྟར་འབྱུང་། །བཅོམ་ལྡན་འདས་ཀྱིས་བཀའ་སྩལ་པ། །སེམས་ལས་མ་གཏོགས་སངས་རྒྱས་དང་། །སེམས་ལས་མ་གཏོགས་ཆོས་གཞན་དག་།སངས་རྒྱས་ཀྱིས་ཀྱང་མ་གཟིགས་ཤིང་། །མ་གསུངས
75b8 གསུང་བར་མི་འགྱུར་ཏེ། །དེས་ན་སངས་རྒྱས་ཐམས་ཅད་ཀྱི། །སེམས་ཀྱི་གསང་འདི་གསང་བའི་མཆོག་།ཁམས་གསུམ་བརྟན་དང་གཡོར་བཅས་པ། །སྣང་བ་མྱོང་ཞིང་གྲུབ་པ་མེད། །དེ་ཕྱིར་འཁོར་བའི་མིང་ཡང་མེད། །ཐོག
iiif viewer powered by OpenSeadragon
