| e-texts navigator |
| Wylie |
75a1 ཡང་རྣམ་བཞི་སྟེ། །བུམ་པའི་དབང་དང་འབྲེལ་པ་ཡི། །ལྷ་ཡི་རྣལ་འབྱོར་བསྒོམས་པ་ཡིས། །ཐ་མལ་པའི་རྣམ་རྟོག་སྤོང་། །དེས་ན་ཕྱི་ཡི་དཔའ་བོར་བཤད། །གསང་བའི་དབང་དང་འབྲེལ་བ་ཡི། །རྩ་རླུང་ཐིག་ལེ
75a2 བསྒོམས་པ་ཡིས། །མཚན་མའི་རྣམ་རྟོག་འཇོམས་པ་ནི། །ནང་གི་དཔའ་བོར་བཤད་པ་ཡིན། །གསུམ་པའི་དབང་དང་འབྲེལ་བ་ཡི། །དགའ་བ་བཞི་ཡི་དོན་བསྒོམས་པས། །གཟུང་དང་འཛིན་པའི་རྟོག་པ་འཇོམས། །དེ་ནི་གསང་བའི་དཔའ
75a3 བོ་ཡིན། །བཞི་པའི་དབང་དང་འབྲེལ་པ་ཡི། །གཉིས་སུ་མེད་པ་གང་བསྒོམས་པས། །ཐ་དད་རྟོག་པ་འཇོམས་པའི་ཕྱིར། །དེ་ཁོ་ན་ཡི་དཔའ་བོར་བཤད། །དཔའ་མོ་ལ་ཡང་རྣམ་པ་བཞི། །མ་ནི་ཤེས་རབ་ཕ་རོལ་ཕྱིན། །གདོད་ནས་སྤྲོས
75a4 བྲལ་ལྷུན་གྲུབ་ལ། །ལྟ་བའི་ཞེན་པ་སྤོང་བ་ནི། །དེ་ནི་ཕྱི་ཡི་དཔའ་མོར་བཤད། །ནང་དུ་རྩ་དང་ཐིག་ལེ་སོགས། །རང་བཞིན་མེད་པར་བྱེད་པས་མ། །གསང་བར་དགའ་བ་བཞི་རྣམས་ལ། །རང་བཞིན་ལྷན་ཅིག་སྐྱེས་པས་མ། །རང་རིག་སེམས་ཀྱིས
75a5 ངོ་བོ་ནི། །ནམ་མཁའ་ལྟ་བུར་གང་བསྒོམ་པ། །དེ་ཁོ་ན་ཡི་དཔའ་མོའོ། །མཆོད་པ་ཡང་ནི་རྣམ་པ་བཞི། །ཕྱི་ནང་གསང་བ་དེ་ཁོ་ན། །དང་པོ་ཕྱི་ཡི་མཆོད་པ་ནི། །མེ་ཏོག་བདུག་སྤོས་མར་མེ་དང་། །དྲི་དང་ལྷ་བཤོས་བཏུང་བ་དང་། །རོལ་མོ་སིལ་སྙན་དབྱངས
75a6 ཉིད་དང་། །གཟུགས་དང་སྒྲ་དང་དྲི་དང་ནི། །རོ་དང་རེག་བྱ་འཇམ་པ་དང་། །འཁོར་ལོ་རིན་ཆེན་གླང་པོ་རྟ། །བཙུན་མོ་དམག་དཔོན་བློན་པོ་རྣམས། །ཕྱི་ཡི་མཆོད་པ་ཐུན་མོང་ངོ་། །རང་གི་ལུས་ལས་བྱུང་བ་ཡི། །བདུད་རྩི་ལྔ་དང་བཏུང་བ་དང་། །ཤ་ལྔ་ལྷག
75a7 པའི་རྫས་རྣམས་ནི། །ཕུང་པོ་ཁམས་དང་སྐྱེ་མཆེད་ཀྱི། །འཁོར་ལོ་རྣམས་ལ་མཆོད་པ་ནང་། །དེ་ནས་གསང་བའི་མཆོད་པ་ནི། །རང་སྣང་ཐབས་ཀྱི་རིག་མ་ཡིས། །སྐྲ་གཟུང་བྷ་ག་ཀུ་ཙ་བཙིར། །རྩ་དང་རླུང་དང་ཐིག་ལེ་སོགས། །དགའ་བ་མཆོག་དགའ
75a8 དགའ་བྲལ་དང་། །ལྷན་ཅིག་སྐྱེས་པའི་བདེ་བ་མཆོད། །རང་རིག་སྟོང་པར་རྟོགས་པ་ཡི། །འོད་གསལ་དེ་ཉིད་ཆོས་སྐུ་ལ། །ཞེན་པ་རྣམས་དང་བྲལ་བ་ནི། །བླ་ན་མེད་པའི་མཆོད་པའོ། །རྡོ་རྗེ་སྙིང་པོས་ཡང་གསོལ་པ། །གཏོར་མ་ཞེས་པ་གང་ལ
iiif viewer powered by OpenSeadragon
