| e-texts navigator |
| Wylie |
74a1 སྲིད་གྲུབ་ཤིང་བུ་ལ། །ཀི་ལི་སྒྲ་སྒྲོགས་རི་དགས་གདོང་། །དབང་ལྡན་ནྱ་གྲོ་དྷ་ཤིང་ལ། །ཧ་ཧར་རྒོད་པ་བ་གླང་གདོང་། །གཡས་ན་གྲི་གུག་ཐོད་པ་གཡོན། །ཤིང་ལོའི་སྟེང་ན་སྟོད་ཕྱུང་ངོ་། །ཤར་དུ་བརྒྱ་བྱིན་དཀར་པོ
74a2 ལ། །རྡོ་རྗེ་སྡིགས་མཛུབ་གླང་པོ་ཞོན། །བྱང་དུ་ལུས་ངན་སེར་པོ་ལ། །དབྱུག་པ་འཛིན་ཅིང་གཏེར་ལ་ཞོན། །ནུབ་དུ་ཆུ་བདག་དམར་པོ་ནི། །ཆུ་སྲིན་ཞོན་ནས་ཞགས་པ་ཐོགས། །ལྷོ་རུ་གཤིན་རྗེ་ནག་པོ་ལ། །མ་ཧེ་ཞོན་ནས་བེ་ཅོན
74a3 ཐོགས། །ཤར་ལྷོ་མེ་ལྷ་དམར་སེར་ལ། །ར་ལ་ཞོན་ནས་མེ་ཐབ་འཛིན། །ལྷོ་ནུབ་སྲིན་པོ་སྨུག་ནག་ལ། །རལ་གྲི་ཐོགས་ནས་མི་ལ་ཞོན། །ནུབ་བྱང་རླུང་ལྷ་མདོག་སྔོན་པོ། །རི་དགས་ཞོན་ནས་འཕན་ནི་འཕྱར། །བྱང་ཤར་དབང
74a4 ལྡན་དཀར་པོ་ནི། །ཁྱུ་མཆོག་ཞོན་ནས་རྩེ་གསུམ་ཐོགས། །ཐམས་ཅད་རང་རང་རིག་མས་འཁྱུད། །ནོར་རྒྱས་དང་ནི་འཇོག་པོ་དང་། །སྟོབས་ཀྱིས་རྒྱུ་དང་པད་མ་དག་།ཤར་ནས་བརྩམས་ཏེ་གཡོན་དུ་དགོད། །པད་མ་ཆེ་དང
74a5 མཐའ་ཡས་དང་། །རིགས་ལྡན་དང་ནི་དུང་སྐྱོང་ནི། །གཡས་ཀྱི་ཕྱོགས་ནས་དགོད་པའོ། །སྒྲ་སྒྲོགས་པ་དང་རྨུགས་པ་དང་། །མུན་པ་ཅན་དང་ཀུན་དུ་འཁྱིལ། །ཤར་ནས་བྱང་གི་ཕྱོགས་སུ་དགོད། །འཁྲིགས་པ་གང་བ་འབབ
74a6 པ་དང་། །དྲག་པོ་སྤྲིན་ཚོགས་མཚམས་ལ་དགོད། །རྡོ་རྗེ་རིན་ཆེན་པད་མ་དང་། །ལས་དང་དམ་ཚིག་རྣལ་འབྱོར་མ། །སྣ་ཚོགས་འཇིག་རྟེན་མཁའ་འགྲོ་རྣམས། །ཤིན་དུ་འཇིགས་པའི་གཟུགས་ཀྱིས་ནི། །རོ་ལ་སྤྱོད་ཅིང་མཁའ
74a7 ལ་རྒྱུ། །གཞན་ཡང་རྣལ་འབྱོར་མཆོད་རྟེན་དང་། །ཆུ་དང་མེ་སོགས་རིམ་པ་སྟེ། །གཟའ་དང་པར་ཏ་གྲུབ་པ་རྣམས། །རོལ་པ་ཆེན་པོའི་ཚུལ་དུ་གནས། །འབྱུང་པོའི་གདོན་དང་རོ་ལངས་དང་། །སྟག་དང་ཁྱི་དང་ཅེ་སྤྱང་དང་། །ཝ་དང
74a8 འུག་པ་བྱ་རྒོད་དང་། །ཕྱེད་ཚིག་པ་དང་རྣམ་པར་དཔྱངས། །མགོ་བོ་ལུས་པོ་རུས་རྐང་རྣམས། ། ལ་ཕེ~ཾ་མིག་སྒྲ་སྒྲོགས་པ། །དེ་ནས་ནང་གི་དུར་ཁྲོད་ནི། །ལུས་ཀྱི་སྐྲ་སེན་སྤུ་ལ་སོགས། །སྐྱེ་ཞིང་འཇིག་པར་བྱེད་པས་ན། །དུར
iiif viewer powered by OpenSeadragon
