| e-texts navigator |
| Wylie |
73b1 ལ་སོགས་ཉོན་མོངས་པ། །གཉེན་པོས་ཡེ་ཤེས་ངང་དུ་སྡོམ། །བདག་དང་དངོས་པོར་ལྟ་བ་དང་། །ཐ་མལ་པ་ཡི་རྣམ་རྟོག་ཀྱང་། །དག་པ་ལྷའི་འཁོར་ལོར་སྡོམ། །གཟོད་ནས་ལུས་ལ་གྲུབ་པ་ཡི། །རྩ་དང་རླུང་དང་བྱང་སེམས
73b2 དང་། ། བ་དྷཱུ་ཏཱིའི་ནང་དུ་སྡོམ། །བདེ་བ་སྟོང་པ་མི་རྟོག་དང་། །དངོས་དང་དངོས་མེད་ཡེ་ཤེས་ཀྱང་། །དབྱེར་མེད་གཉུག་མའི་ངང་དུ་སྡོམ། །རྒྱུད་ཅེས་བྱ་བ་རྒྱུན་ཡིན་ཏེ། །གནས་སྐབས་གསུམ་གྱི་དྲི་མ་དང་། །འཇུག་དང་ཞུགས
73b3 དང་ངེས་པ་ཡིས། །རྒྱུ་དང་ཐབས་དང་འབྲས་བུ་སྟེ། །དང་པོ་འཁོར་བའི་རང་བཞིན་ལ། །གཉིས་པ་ཐུན་མོང་མྱ་ངན་འདས། །རྒྱལ་པོ་ཞེས་པ་རྣམ་པ་བཞི། །འོག་མའི་ཡོན་ཏན་ལྡན་པ་དང་། །ངེས་པའི་དོན་ལ་དབང་བྱེད་དང་། །
73b4 གཉེན་པོ་ཡེ་ཤེས་ཆེ་བ་དང་། །གནས་ལ་ཁྱབ་པས་རྒྱལ་པོ་ཡིན། །རྡོ་རྗེ་སྙིང་པོས་ཡང་གསོལ་པ། །དུར་ཁྲོད་བརྒྱད་ནི་ཇི་ལྟར་ལགས། །དེ་ཡི་དགོངས་པ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཕྱི་ནང
73b5 གསང་བ་དེ་ཉིད་ཀྱིས། །དུར་ཁྲོད་རྣམ་པ་བཞི་རུ་འགྱུར། །དང་པོ་ཕྱི་ཡི་དུར་ཁྲོད་ནི། །རྡོ་རྗེ་ར་བའི་ནང་རོལ་ལམ། །ཡང་ན་ཕྱི་རོལ་གྲཝ་རྣམས་སུ། །ལུགས་འབྱུང་ལུགས་ལས་བཟློག་པ་ནི། །གཏུམ་དྲག་དང་ནི་ཚང་ཚིང་དང་། །
73b6 འབར་བས་འཁྲུགས་པའི་ཀེང་རུས་དང་། །འཇིགས་སྡེ་རྣམས་ནི་ཤར་སོགས་ཀྱི། །ཕྱོགས་སུ་གཡོན་ནས་བསྐོར་ཏེ་གནས། །ཧ་ཧར་རྒོད་པ་དབང་ལྡན་ཏེ། །དཔལ་གྱི་ནགས་ཚལ་བྱིན་ཟེར་རོ། །འཇིགས་པའི་མུན་པ་བདེན
73b7 བྲལ་དུ། །རླུང་མཚམས་ཀི་ལི་ཀི་ལིར་སྒྲོགས། །ཤར་དུ་ཧ་རི་པ་སྱེ་ལ། །གཏུམ་དྲག་དཀར་པོ་གླང་པོའི་གདོང་། །བྱང་དུ་བྱང་ཆུབ་ཤིང་བུ་ལ། །གྷ་ར་སེར་པོ་མི་ཡི་གདོང་། །ནུབ་དུ་མྱ་ངན་མེད་ཤིང་ལ། །འབར་འཁྲུགས
73b8 དམར་པོ་ཆུ་སྲིན་གདོང་། །ལྷོ་རུ་ཙཱུ་ཏིའི་ཤིང་བུ་ལ། །འཇིགས་སྟེ་ནག་པོ་མ་ཧེའི་གདོང་། །མེ་རུ་ཀ་རན་ཙ་ན་སྡེ། །དཔལ་གྱི་ནགས་ཚལ་ར་གདོང་དམར། །བདེན་བྲལ་ཨརྫུའི་ཤིང་བུ་ལ། །འཇིགས་པའི་མུན་པ་མ་ཧེའི་གདོང་། །རླུང་དུ
iiif viewer powered by OpenSeadragon
