| e-texts navigator |
| Wylie |
68b1 ཉིད་ལ་གནས་པ། །བཞི་པའི་དཔལ་ལྡན་ཧེ་རུ་ཀ་། བདུད་རྣམས་ཀུན་ལ་ཐོ་འཚམ་ཞིང་། །ལྷན་ཅིག་སྐྱེས་པའི་དུར་ཁྲོད་རོལ། །མི་གསལ་གསལ་བའི་རང་བཞིན་མེད། །སྣང་ཞིང་གསལ་ལ་རང་བཞིན་མེད། །མེ་ལོང་བཞིན་འདྲ་ཆུ་ཟླ་བཞིན། །
68b2 མཁས་པས་འབད་དེ་འཁྲུལ་པ་སྤང་། །དེ་ལྟར་དོན་ནི་མ་རྟོགས་པར། །ཁ་ཅིག་སྐུ་མདོག་ཕྱག་མཚན་ལ། །ཧེ་རུ་ཀ་ཡི་རྣམ་པར་རྟོག་།ཁ་ཅིག་གཟུགས་བརྙན་རྣམ་པར་རྟོག་།ཁ་ཅིག་རང་གི་ངོ་བོར་འདོད། །དེ་བཞིན་རྩ་དང་རླུང་འདོད
68b3 སོགས། །དེ་བཞིན་རང་རིག་ཧེ་རུ་ཀ་། བླ་མ་མ་བསྟེན་བརྩོན་འགྲུས་མེད། །ཤེས་རབ་མི་ལྡན་བཟོད་སོགས་མེད། །རིགས་དང་རིག་པའི་ང་རྒྱལ་ཅན། །ཁེ་དང་གྲགས་པ་རྙེད་དང་དགའ། །རྒྱུ་དེས་ལོག་རྟོག་སྣ་ཚོགས་བསྐྱེད། །དེ་བས
68b4 ཧེ་རུ་ཀར་གྲགས་པའི། །དངོས་གྲུབ་འདོད་པའི་རྣལ་འབྱོར་པས། །དད་ལྡན་གུས་བཅས་ཕ་རོལ་ཕྱིན། །རྫོགས་བྱས་བླ་མ་དམ་པ་ལས། །མན་ངག་ཡང་དག་བླང་བར་བྱ། །མ་མོའི་ཚོགས་ཀྱིས་ཡང་ཞུས་པ། །ཧེ་རུ་ཀ་དཔལ་དེ་ལྟར་ན། །
68b5 རྡོ་རྗེ་ཕག་མོ་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་གསུམ་སྟེ་ཕག་ནི་གཉིས། །དོན་གྱི་རྡོ་རྗེ་དེ་ནས་རྟགས། །ཐ་མ་རྫས་ཀྱི་རྡོ་རྗེ་སྟེ། །དོན་གྱི་རྡོ་རྗེ་བཞི་པ་སྟེ། །གཟུང་འཛིན་རྣམ་པར་རྟོག་པ་ཡིས། །མི་ཕྱེད
68b6 ཕྱིར་ན་རྡོ་རྗེ་སྟེ། །དབང་བཞིས་རྡོ་རྗེ་རེ་རེའོ། །རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་སྟེ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡིན་ཏེ། །ཁམས་གསུམ་ས་དགུ་འཇོམས་པ་ཡི། །རྟགས
68b7 སུ་རྡོ་རྗེ་རྩེ་དགུའོ། །རྫས་ཀྱི་རྡོ་རྗེ་བཞི་ཡིན་ཏེ། །ཟླུམ་པོ་ལ་སོགས་རྣམ་པ་བཞི། །མི་ཤེས་དྲི་མས་ཆེས་གོས་པའི། །དུད་འགྲོར་སྐྱེས་པའི་ཕག་མོ་དང་། །ཤེས་རབ་ཆར་བྱུང་ཕག་མོ་སྟེ། །དེ་ཉིད་རྣམ་པ་བཞི་རུ་ངེས། །བུམ་དབང
68b8 ཞེ་སྡང་གཏི་མུག་ཕག་། གསང་དབང་རླུང་གི་གཏི་མུག་ཕག་།གསུམ་པ་ཆགས་དགའ་གཏི་མུག་ཕག་།བཞི་པ་ཆོས་དབྱིངས་གཏི་མུག་ཕག་།འདི་ཉིད་ཁྱོད་ལ་ལེགས་པར་གཏད། །ཐམས་ཅད་རྗེས་སུ་ཡི་རང་ངོ་། །དཔལ་མེའི
iiif viewer powered by OpenSeadragon
