| e-texts navigator |
| Wylie |
68a1 སྤངས་ཏེ། །རླུང་སོགས་ལས་སུ་རུང་བས་ན། །དེ་ཡི་ཕྱིར་ན་ཧེ་ཞེས་བརྗོད། །ཕྱི་ཡི་སྦྱིན་སྲེག་གཏོར་མ་དང་། །མཆོད་པ་དཀྱིལ་འཁོར་ལ་སོགས་པའི། །ཚོགས་དང་བྲལ་བའི་ཕྱིར་ན་རུ། །བསྐྱེད་པའི་རྡོ་རྗེ་ཕག་མོ་དང་། །དམིགས
68a2 དང་ལྟ་སྤྱོད་གང་ལ་ཡང་། །མི་གནས་ཕྱིར་ན་ཀ་ཞེས་བརྗོད། །བསྐྱེད་པའི་གཟུང་འཛིན་གཉིས་མེད་མའོ། །ཕྱིར་ན་ཤྲཱི་ཞེས་གསུངས་པ་སྟེ། །རྒྱུ་རྣམས་ལམ་ལ་སོགས་དང་ལྡན། །རླུང་སོགས་ཐབས་དང་ཤེས་རབ་ཚུལ། །རླུང་སོགས་སྒྱུ
68a3 མའི་ངོ་བོར་གནས། །རྩ་རླུང་རང་བཞིན་གནས་ལ་སོགས། །ནང་གི་རྒྱུ་དང་རྐྱེན་སོགས་ལྡན། །ནང་གི་དཔལ་ལྡན་ཧེ་རུ་ཀ་། དེ་ནས་གསུམ་པའི་ཧེ་རུ་ཀ་། རླུང་སོགས་རང་བཞིན་གནས་པ་ཡི། །རྒྱུ་སྤངས་ཕྱིར་ནི་ཧེ་ཞེས་བརྗོད། །རླུང་སོགས
68a4 ལམ་ལ་བརྟེན་པ་ཡི། །ཚོགས་དང་བྲལ་ཕྱིར་རུ་ཞེས་བརྗོད། །རླུང་དང་རྩ་དང་ཐིག་ལེ་དང་། །ཙཎྜཱ་ལི་ཡི་ཁ་དོག་དང་། །དབྱིབས་ལ་མི་གནས་ཕྱིར་ན་ཀ་། སེམས་ཉིད་བདེ་བར་གནས་པས་སོ། །ནང་གི་ཐབས་དང་ཤེས་རབ་མེད། །དེའི་ཕྱིར་ན
68a5 ཤྲཱི་རུ་གསུངས། །མིག་སེར་ནད་ཀྱིས་བཏབ་པ་ལྟར། །རང་སེམས་བདེ་བར་གནས་པས་སོ། །སེམས་ཉིད་བདེ་བར་གནས་པ་དང་། །བདེ་བ་ལ་བསྟེན་ཚོགས་དང་ལྡན། །ལྷན་ཅིག་སྐྱེས་པའི་རྒྱུ་རྐྱེན་ལྡན། །སེམས་དང་བདེ་བ་ཐ་དད་མེད། །
68a6 སེམས་དང་བདེ་བ་གང་གནས་པ། །མཆོག་དང་ཆད་པའི་དབུས་གནས་པ། །གསུམ་པའི་དཔལ་ལྡན་ཧེ་རུ་ཀ་། དེ་ནས་བཞི་པའི་ཧེ་རུ་ཀ་། རང་རིག་སྟོང་པར་གནས་པའི་ཚེ། །ལྷན་ཅིག་སྐྱེས་པའི་རྒྱུ་རྐྱེན་བྲལ། །དེ་ཡི་ཕྱིར་ན་ཧེ་ཞེས་བརྗོད། །
68a7 ཕ་རོལ་ཕྱིན་དྲུག་བདེ་བའི་ལམ། །ཐམས་ཅད་སྟོང་པར་རོ་གཅིག་པས། །ཚོགས་གཉིས་བྲལ་ཕྱིར་རུ་ཞེས་བརྗོད། །བདེ་བ་ཙམ་ལ་འང་མི་གནས་ཕྱིར། །ཀ་ཞེས་ངེས་པར་བརྗོད་པ་ཡིན། །སེམས་ཉིད་རང་རིག་སྟོང་པར་གནས། །སྟོབས
68a8 སོགས་ཕུན་སུམ་ཚོགས་པས་ན། །རང་བཞིན་ལྷན་ཅིག་སྐྱེས་པ་དང་། །གཟུགས་སྐུའི་རྒྱུ་རྐྱེན་ལ་སོགས་ལྡན། །ཤྲཱི་ཞེས་བྱ་བ་མངོན་པར་བརྗོད། །དབྱིངས་དང་ཡེ་ཤེས་གཉིས་སུ་མེད། །དངོས་པོར་རོ་མཉམ་མཐའ་ཡས་པའི། །སེམས་ཀྱི་དེ
iiif viewer powered by OpenSeadragon
