| e-texts navigator |
| Wylie |
64b1 ཚིག་ཇི་ལྟར་དབྱེ། །དང་པོར་ཉམས་པའི་རྒྱུ་ཉིད་ཀྱང་། །མི་ཤེས་པ་དང་བག་མེད་དང་། །ཉོན་མོངས་ལྡན་དང་མ་གུས་དང་། །བརྗེད་ངས་དྲན་པ་མི་གསལ་བ། །འདི་དྲུག་དམ་ཚིག་ཉམས་པའི་རྒྱུ། །བླ་མ་མ་བསྟེན་གྲོགས་ངན
64b2 འགྲོགས། །མདོར་ན་སྒོ་གསུམ་གཡེངས་པའི་ཡུལ། །དེ་དག་ཉམས་པའི་རྐྱེན་དུ་གསུངས། །གདོན་གྱིས་བར་ཆད་ཆང་གིས་མྱོས། །ལོག་ལྟ་སྐྱེས་དང་ཁེངས་གྲགས་འདོད། །ཉོན་མོངས་ཟིལ་ནོན་བླ་མས་སྐྱོ། །འདོད་ཆགས
64b3 ཆེན་པོ་སྐྱེས་པ་དག་། དམ་ཚིག་ཉམས་པའི་དུས་ཡིན་ཏེ། །སྤྱིར་ནི་རྩོད་ལྡན་དུས་སུ་གསུངས། །གདོན་སོགས་གཞན་གྱིས་བྱིན་བརླབས་ཚེ། །བསྲུང་བའི་འདུ་ཤེས་སྔོན་སོང་ན། །ཆེན་པོ་རྫོགས་ཀྱང་ཆུང་ངུར་གསུངས། །འདུ་ཤེས
64b4 སྔོན་དུ་མ་སོང་ན། །བག་མེད་ཉམས་པ་སོ་ན་གནས། །གདོན་སོགས་རང་གིས་མ་མཐོང་ན། །དེ་ཡང་ཉམས་པ་ཆུང་བར་གསུངས། །འཁོར་བས་སྐྱོ་དང་རྣམ་སྨིན་དྲན། །བླ་མ་དྲན་དང་འདོད་པ་སྐྱེས། །བར་ཆད་བྲལ་བ
64b5 བཤགས་པའི་དུས། །སྦྱོར་བ་དངོས་གཞི་མཇུག་དང་གསུམ། །གང་རྫོགས་ཚད་ནི་མཐར་ཕྱིན་ཏེ། །ཆེ་འབྲིང་དབྱེ་བས་ཤེས་པར་བྱ། །སྦྱོར་བ་ལྟུང་བ་ཆུང་ངུ་སྟེ། །དངོས་གཞི་ལྟུང་བ་འབྲིང་དུ་འབྱུང་། །མཇུག་རྫོགས་ལྟུང་བ
64b6 ཆེན་པོར་ངེས། །རྒྱན་དང་ཕྱག་རྒྱ་ཕྱག་མཚན་དག་།འཆང་བ་བསྟེན་པའི་དམ་ཚིག་ཡིན། །ཤ་ལྔ་བདུད་རྩི་ལྔ་རྣམས་ནི། །བཟའ་བར་བྱ་བའི་དམ་ཚིག་གོ། །སེམས་ཅན་དཔའ་བོ་མཁའ་འགྲོ་ལ། །ལོངས་སྤྱོད་མཆོད་པ་གང་བྱེད
64b7 པ། །བལྟ་བར་བྱ་བའི་དམ་ཚིག་གོ། །རང་གཞན་སྒྱུ་མར་གང་ཤེས་པ། །ཤེས་པར་བྱ་བའི་དམ་ཚིག་གོ། །སྒོ་གསུམ་སྐུ་གསུང་ཐུགས་སུ་བསམ། །བསྲུང་བར་བྱ་བའི་དམ་ཚིག་གོ། །ཉོན་མོངས་དུག་དྲུག་གཟུང་འཛིན་ཀུན། །རང
64b8 རིག་སྐྱེ་བ་མེད་པར་བསྒྲལ། །བསྒྲལ་བའི་དམ་ཚིག་ཆེན་པོ་ཡིན། །དམ་ཚིག་དོན་དུ་དམ་ཚིག་དག་།དུས་དྲུག་དུས་གཉིས་ལོ་བར་དུ། །བརྟུལ་ཞུགས་ཅན་གྱིས་དམ་ཚིག་བསྲུང་། །དངོས་གྲུབ་དོན་དུ་རྟག་ཏུ
iiif viewer powered by OpenSeadragon
