| e-texts navigator |
| Wylie |
63a1 གི་རང་བཞིན་ཏེ། །ཀ་བ་བརྒྱད་ནི་རྐང་བརྒྱད་དོ། །སོ་སེན་བ་སྤུ་ཏྭ་ར་སོགས། །མཁས་པས་བརྟག་ཅིང་ཤེས་པར་བྱ། །འདི་དག་རང་བཞིན་དཀྱིལ་འཁོར་ཏེ། །དཔེར
63a2 ན་རང་བྱུང་གསེར་དང་འདྲ། །འདི་ནི་བཅོས་མ་མ་ཡིན་ཏེ། །རང་རིག་ཡེ་ཤེས་གཟུགས་བརྙན་ནི། །གཟུགས་བརྙན་དཀྱིལ་འཁོར་བསྒོམ་པ་མིན། །རྡུལ་ཚོན་ལ་སོགས་བྲི་བ་མིན། །སྤོས
63a3 ལ་སོགས་པས་མཆོད་པ་མིན། །རྡོ་ཤིང་ལྷ་ལ་ཕྱག་མི་བྱ། །རང་བཞིན་གནས་པའི་སངས་རྒྱས་ལ། །རང་བཞིན་མཆོད་པས་རྟག་ཏུ་མཆོད། །སྐུ་ནི་དགུན་དུས་རང་བཞིན་ཏེ། །འབྱུང་བའི་སྐུ་གསུམ་ཟླ་བ་གསུམ། །
63a4 གསུང་ནི་དཔྱིད་དུས་ངོ་བོ་སྟེ། །འཇུག་པའྀ་སྐུ་གསུམ་ཟླ་བ་གསུམ། །ཐུགས་ནི་དབྱར་དུས་ངོ་བོ་སྟེ། །གནས་པ་སྐུ་གསུམ་ཟླ་བ་གསུམ། །ཡེ་ཤེས་སྟོན་གྱི་དུས་ཡིན་ཏེ། །སྐུ་གསུང་ཐུགས་ནི་ཟླ་བ་གསུམ། །དང
63a5 པོ་རྒྱུ་ཡི་ས་པ་ཡིན། །འཁོར་ལོ་ཆགས་པ་དམར་པོ་ལ། །ཡི་གེ་རྣམས་ནྀ་དཀར་པོས་གནས། །ལམ་གྱིས་ས་བ་རྣམ་པ་གཉིས། །རིང་བ་དང་ནི་ཉེ་བའོ། །དེ་ནས་འབྲས་བུའི་ས་བ་ཡིན། །འཁོར་ལོ་ཡང་དག་གནས་པ་སྟེ། །
63a6 འཁོར་ལོ་དེ་རྣམས་ལྷ་རྣམས་ཀྱང་། །སྐུ་མདོག་ཕྱག་མཚན་ཀུན་དང་བྲལ། །རང་བཞིན་གསལ་བ་དྲི་མ་མེད། །ཤེལ་ལྟར་གསལ་བ་དྲི་མ་མེད། །མི་མཐོང་མཐོང་བའི་ངོ་བོ་ཅན། །ཟབ་ཅིང་ཕྲ་བའི་རང་བཞིན་ཅན། །
63a7 ཕྱི་རུ་སྐུ་མདོག་ཕྱག་མཚན་ལྷ། །ནང་གི་ཤིན་དུ་ཕྲ་བའི་གཟུགས། །གསང་བའི་བདེ་བ་ལྷ་རུ་ངེས། །དེ་ལས་བཟློག་པ་བཞི་པའི་ལྷ། །ལུས་ལས་བྱུང་ཕྱིར་ལྷ་ཞེ་འམ། །རྒྱུད་རྣམས་དག་བྱེད་ཕྱིར་ན་ལྷ། །
63a8 ཆགས་པའི་ཕྱྀར་ན་ལྷ་ཡིན་ཏེ། །རྒྱལ་པོ་ཤེས་རབ་རང་བཞིན་ཏེ། །ཐབས་དང་ཤེས་རབ་རང་བཞིན་གྱི། །ཆགས་པ་ཆེན་པོའི་རྒྱུད་གསུངས་སོ། །དེ་ནས་ས་ཆེན་པོ་ཡང་ཆེར་གཡོས་པར་གྱུར་ཏེ།
iiif viewer powered by OpenSeadragon
