| e-texts navigator |
| Wylie |
62a1 གནས། །དེ་ཕྱིར་སེམས་ཅན་སངས་རྒྱས་ཡིན། །སྣ་ཚོགས་བསྡུད་པའི་མཚན་ཉིད་ཀྱང་། །རིང་དུ་འབྱུང་ཞིང་ཐུང་དུ་གནས། །སྨིན་མཚམས་ཀྱི་ནི་མཛོད་སྤུ་བཞིན། །ཆོས་ཀྱི་འབྱུང་གནས
62a2 ལྟེ་བ་ལ། །གཡས་གཡོན་བུ་ག་ལྔ་ལྔ་སྟེ། །སྟེང་འོག་ཁ་ཡི་བར་ནས་འབྱུང་། །རོ་མ་ཤར་དུ་མངོན་དུ་ཕྱོགས། །རྐྱང་མ་ནུབ་སྟེ་འོག་གི་ཆར། །རོ་མས་རྐྱང་མ་ལ་འཁྱུད་ཅིང་། །གཡས་པའི་ཆ་རུ་ཟུང་འཇུག
62a3 ཉིད། །རྐྱང་མས་རོ་མ་ལ་འཁྱུད་ཅིང་། །གཡོན་གྱི་ཆ་རུ་ཟུང་འཇུག་ཉིད། །གཡས་གཡོན་རྩེ་མོ་སྐུ་གསུང་ཐུགས། །དེ་སྒྲ་སྔགས་སུ་རབ་ཏུ་གྲགས། །སྔགས་དང་རྒྱུད་དང་དངོས་གྲུབ་སོགས། །དེ་ཉིད
62a4 ལས་ནི་བྱུང་བས་ན། །སེམས་ཅན་སངས་རྒྱས་རང་བཞིན་ནོ། །སྐྱེ་བ་བཞི་ཡི་རིམ་པ་ཡང་། །སྣོད་བཅུད་ཡབ་ཡུམ་ལ་ཐིམ་སྟེ། །ཡབ་ཡུམ་ཉི་མ་ཟླ་བར་འགྱུར། །སྣང་བའི་ཐིག་ལེ་ཡང་དག་བཅས། །
62a5 འདི་དག་ནང་གི་མངལ་སྐྱེས་ཚུལ། །ཱ་ལི་ཀཱ་ལི་ཉི་ཟླ་སྟེ། །སེམས་ནི་ཐིག་ལེའི་ངོ་བོར་གནས། །ནང་གི་སྒོང་སྐྱེས་ཡིན་པར་འདོད། །ཀཱ་དང་ཨཱ་ལས་ཉི་ཟླ་སྟེ། །རང་བྱུང་ཐིག་ལེ་དྲོད་གཤེར་ཡིན། །
62a6 དེ་དག་སྐད་ཅིག་རྐྱེན་མེད་ལས། །རང་བཞིན་འབྱུང་བ་རྫུས་སྐྱེས་སོ། །རྐྱེན་མེད་སྦྱོར་བ་སྒོང་སོགས་ལས། །བདེ་བ་སྐྱེ་དང་བདེ་བའི་རྒྱུ། །ཐམས་ཅད་དྲན་པ་གསང་བ་ཡི། །མངལ་ནས་སྐྱེས་པའི་ཚུལ་ཡིན་ཏེ། །
62a7 ཡར་ལ་སྲེག་དང་མར་ལ་གསོ། །གནས་གསུམ་ཉི་ཤུ་བཞིར་འཕོ་ཡིན། །ཕྱི་ནང་འདོད་པའི་མཚན་མ་ཡིས། །རྩ་རྒྱས་བདེ་བ་སྟེར་བ་དང་། །རིན་པོ་ཆེ་ཡི་ཕོ་བྲང་དུ། །སེམས་འཛིན་གསང་བའི་སྒོང་སྐྱེས
62a8 ཡིན། །ནང་གི་འདོད་པའི་མཚོན་ཆ་ཡིས། །བདེ་བ་སྐྱེ་བ་དྲོད་གཤེར་སྐྱེས། །གང་གི་རྐྱེན་གྱིས་མ་སྐྱེས་པར། །གདོད་ནས་བདེ་བའི་རྒྱུར་སྐྱེས་ལ། །བདེ་བ་སྐྱེས་པ་རྫུས་སྐྱེས་སོ། །གཏུམ་མོ་གོ་བཟློག་རྐྱེན་གྱིས
iiif viewer powered by OpenSeadragon
