| e-texts navigator |
| Wylie |
57a1 འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་རྡོ་རྗེ་སྙིང་པོ་ལ་སོགས་པའི་དཔའ་བོ་མཁའ་འགྲོ་གྲངས་མེད་པ་དང་ཐབས་ཅིག་ཏུ་བཞུགས་པའི་དུས
57a2 སུ་ཕྱི་ནང་གསང་བ་བླ་ན་མེད་པའི་མཆོད་པས་མཆོད་ནས། བཅོམ་ལྡན་འདས་ལ་མངོན་དུ་ཕྱོགས་པ་དང་། བཅོམ་ལྡན་འདས་ཞལ་འཛུམ་པ་མཛད་དེ། རྡོ་རྗེ་སྙིང་པོ་ལ་སོགས་པས་གསོལ་པ། རྡོ་རྗེ་གང་ལགས
57a3 ཆེན་པོ་གང་། །རྒྱུད་ནི་གང་ལགས་རྒྱལ་པོ་གང་། །བཅོམ་ལྡན་འདས་ཀྱིས་བཀའ་སྩལ་པ། །དོན་གྱི་རྡོ་རྗེ་རྣམ་པ་བཞི། །དབང་བཞིའི་གྲངས་སུ་ཤེས་པར་བྱ། །རྣམ་རྟོག་འཇོམས་ཕྱིར་རྡོ་རྗེ་སྟེ། །དེ་ལ
57a4 རྣམ་པ་བཞི་ཡིན་ཏེ། །ཕྱི་ནང་གསང་བ་རབ་གསང་གཉིས། །རྩེ་གསུམ་རྩེ་གཅིག་རྩེ་ལྔ་པ། །རྩེ་དགུ་པ་ནི་ཉིད་ཡིན་ནོ། །བཅུ་གཉིས་དེ་ཉིད་རྡོ་རྗེ་སྟེ། །རྟགས་ཀྱི་རྡོ་རྗེ་བཞི་ཡིན་ནོ། །གཉིས་སུ་མེད་པ་རྩེ་གཅིག
57a5 པས། །རྣམ་རྟོག་ཐམས་ཅད་སྤངས་པ་ཡིན། །རྩེ་གསུམ་སྐུ་གསུང་ཐུགས་ཡིན་ཏེ། །འདོད་ཆགས་ཞེ་སྡང་གཏི་མུག་གསུམ། །འཇོམས་པའི་ཕྱྀར་ན་བཤད་པ་ཡིན། །རྩེ་ལྔ་ཡེ་ཤེས་ལྔ་ཡི་རྟགས། །མེ་ལོང
57a6 མཉམ་ཉིད་སོ་སོར་རྟོག་། བྱ་བ་ནན་ཏན་ཆོས་དབྱིངས་ཤེས། །ཉོན་མོངས་ལྔ་ནི་སྤངས་པ་སྟེ། །ཞེ་སྡང་ང་རྒྱལ་འདོད་ཆགས་དང་། །ཕྲག་དོག་གཏི་མུག་འཇོམས་པར་བྱེད། །རྡོ་རྗེ་རྩེ་དགུ་གང་ཡིན་པ། །ཡེ་ཤེས
57a7 རྩེ་དགུ་བཤད་པ་སྟེ། །ཁམས་གསུམ་ས་དགུ་འཇོམས་པར་བྱེད། །འདོད་ཁམས་གཟུགས་ཁམས་གཟུགས་མེད་ཁམས། །ཉན་ཐོས་རང་རྒྱལ་བྱང་ཆུབ་སེམས། །རིག་འཛིན་སངས་རྒྱས་ཡེ་ཤེས་ཆེ། །
57a8 ས་དགུ་ལ་ནི་གང་སྒྲིབ་པའི། །སྒྲིབ་པ་སྦྱོང་བར་བྱེད་པ་ཡི། །རྡོ་རྗེ་རྩེ་དགུར་བསྟན་པ་ཡིན། །རྡོ་རྗེ་རྩེ་མོ་བཅུ་གཉིས་པ། །འཁོར་བའི་རྟེན་འབྲེལ་བཅུ་གཉིས་ཀྱི། །སྤོང་བའི་ཡེ་ཤེས་བཅུ་གཉིས་ཡིན། །
iiif viewer powered by OpenSeadragon
