| e-texts navigator |
| Wylie |
56b1 ནོན་པ་དང་། །དེ་ཉིད་བཅུ་ལྡན་མངོན་ཤེས་སྐྱེས། །དེ་གསུང་བཅུ་དྲུག་མཐའ་ཡི་བར། །རིག་པའི་གནས་ལྔ་མཁས་པས་སྦྱང་། །མཁའ་འགྲོ་མ་ཡི་ལུང་བསྟན་པས། །བརྩམས་ལ་བཞི་ཡི་མཐའ་ཡིས་ངེས། །དེ་ལྟའི་མན
56b2 ངག་མ་ཐོབ་བར། །སྔགས་ཀྱི་ལྟ་སྤྱོད་གང་སྤྱོད་པ། །རང་ཡང་ཕུང་ལ་གཞན་ཡང་ཕུང་། །མཐོང་བའི་ཆོས་ལ་དམྱལ་སོགས་འཚེད། །དེ་བས་དངོས་གྲུབ་འདོད་པ་ཡིས། །བླ་མ་དམ་པ་མཉེས་བྱས་ཏེ། །མན་ངག་དམ
56b3 པ་བླང་བར་བྱ། །ངེས་པའི་ལྟ་སྤྱོད་མ་རྙེད་བར། །གསང་བའི་ལྟ་དང་སྤྱོད་པ་དང་། །མོས་པའི་རྗེས་སུ་གང་བྱེད་དང་། །ཉོན་མོངས་ཟིལ་ནོན་ལ་སོགས་དག་།གསང་སྔགས་ལྟ་བུར་སྤྱད་པ་སྤྱོད། །འདི་དག་རྐུན་པོ་མ
56b4 རུངས་པ། །མཐོང་བའི་ཆོས་ལ་དམྱལ་བར་སྐྱེ། །དང་པོ་སྲིད་པ་སྐྱེ་བ་ཡང་། །ཡར་ངོ་མར་ངོ་མཚམས་དང་གསུམ། །སིཧླའི་དང་པོ་ཐ་མ་དང་། །འབྲས་བུ་སྲེད་པ་སྐྱེ་བ་ཡི། །དུས་དེར་ཀུན་དུ་རུ་བྱེད་ན། །འབྱུང་བའི་རླུང
56b5 གི་ནང་ཞུགས་ན། །ནད་གཞི་བསྡུས་ཤིང་ནད་གཞི་སྐྱེད། །སྲོག་དང་ཚངས་པར་སྤྱོད་པ་འབྱུང་། །དེ་ལ་འདོད་པའི་མཚོན་ཆས་ནི། །གཡེང་བ་མེ་དང་གཏར་ཀ་བྱ། །ཕྱི་ནས་རིགས་ཀྱི་བདག་པོས་སོ། །སྲིད་པར་སྐྱེ་བའྀ
56b6 དུས་ཚོད་ཀྱང་། །རྒྱུན་ཆད་ཞག་གསུམ་ཞག་ལྔ་དང་། །བདུན་དང་དགུ་ཡི་དུས་རྣམས་སྤང་། །དེ་ལྟར་རྒྱུད་མཆོག་རྒྱལ་པོའྀ་དོན། །ཁྱོད་ལ་གཏད་ཀྱིས་ལེགས་པར་ཟུང་། །དེ་ནས་འཁོར་ཐམས་ཅད་དགའ་ཞིང་མགུ་སྟེ
56b7 རྗེས་སུ་ཡི་རང་པར་གྱུར་ཏོ། །དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ་རྫོགས་སྷོ།། །། པཎྜི་ཏ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །
56b8 @། །རྒྱ་གར་སྐད་དུ། ཤྲཱི་བཛྲ་རཱ་ཛ་མ་ཧཱ་ཏནྟྲ། བོད་སྐད་དུ། དཔལ་རྡོ་རྗེ་རྒྱལ་པོ་ཆེན་པོའྀ་རྒྱུད། དཔལ་སྡོམ་པའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན
iiif viewer powered by OpenSeadragon
