| e-texts navigator |
| Wylie |
54b1 སྒོ་གསུམ་ཞི་ཕྱིར་ལྷ་ཞེས་བརྗོད། །ཡིད་སྐྱོབ་ཕྱིར་ན་སྔགས་ཡིན་ཏེ། །རང་སེམས་ལས་སུ་རུང་བ་དང་། །རྣམ་རྟོག་གདོན་རྣམས་ལས་སྐྱོབ་ཕྱིར། །འདི་ནི་སྔགས་ཀྱི་རྒྱལ་པོར་གསུངས། །གཞན་ཡང་དངོས་གྲུབ
54b2 འདོད་པ་ཡིས། །ཐམས་ཅད་བླ་མའི་ཞལ་ནས་བླང་། །རྒྱུད་འདི་གཏད་ཀྱིས་ནན་ཏན་གྱིས། །དེའི་ཚེ་འཁོར་འདུས་པ་ཐམས་ཅད་རྒྱུད་ཀྱི་དོན་ལ་ཡི་རང་པར་གྱུར་ཏོ། །དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ
54b3 རྫོགས་སྷོ། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། @། །རྒྱ་གར་སྐད་དུ། ཤྲཱི་ཤྨཱ་ཤཱ་ནི་ཨ་ལཾ་ཀཱ་ར་ཏནྟྲ
54b4 རཱ་ཛ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ། །དཔལ་བདེ་བ་ཆེན་པོ་ལ་ཕྱག་འཚལ་ལོ། །འཇིགས་བྱེད་ཆེ་ལ་ཕྱག་འཚལ་ཏེ། །ཞབས་ལ་སྤྱི་བོས་ལེགས་བཏུད་ནས། །དུར་ཁྲོད་གང་ལགས
54b5 རྒྱན་གང་ལགས། །རྒྱུད་ནི་གང་ལགས་རྒྱལ་པོ་གང་། །བཅོམ་ལྡན་འདས་ཀྱིས་བཀའ་སྩལ་པ། །ལེགས་སོ་རྡོ་རྗེ་སྙིང་པོ་ལེགས། །ལེགས་པར་ཉོན་ལ་ལེགས་པར་ཟུང་། །དང་པོར་དུར་ཁྲོད་བཤད་བྱ་སྟེ། །
54b6 དུར་ཁྲོད་སྤྱི་དང་བྱེ་བྲག་གནས། །གཞལ་ཡས་ཁང་གི་ཕྱི་རོལ་ཏེ། །རྡོ་རྗེ་ར་བའི་ནང་རོལ་དུ། །འཇིགས་པ་ཆེན་པོ་སྤྱི་ཡི་གནས། །བྱེ་བྲག་ཤར་ལ་སོགས་པ་སྟེ། །སྣོད་ཀྱི་ཞེན་པ་བཟློག་པ་ཡང་། །
54b7 ལྕགས་རི་ནག་པོ་ཚུན་ཆད་དེ། །རྡོ་རྗེ་ར་བས་དེ་ཉིད་དོ། །ཆེན་པོ་ཁྲུ་ནི་ཉི་ཤུ་སྟེ། །ཆུང་བ་ཁྲུ་གང་ཕན་ཆད་དོ། །དེ་ལས་གཞན་པ་དཀྱིལ་འཁོར་ནི། །ཚད་ལས་ངེས་པར་འདས་པའོ། །རྣམ་ཤེས་ཚོགས་བརྒྱད
54b8 རྣམ་རྟོག་བརྒྱད། །མི་མངའི་རྟགས་སུ་དུར་ཁྲོད་བརྒྱད། །ཕྱོགས་དང་ཕྱོགས་བྲལ་དག་ཏུ་དགོད། །ཚོགས་བརྒྱད་ཡོན་ཏན་བརྒྱད་ལྡན་པའི། །རྟགསུ་ཤིང་བརྒྱད་རིམ་པས་དགོད། །དེ་བཞིན་གདུག་པ་བརྒྱད
iiif viewer powered by OpenSeadragon
