| e-texts navigator |
| Wylie |
54a1 རོ་ཡི་མཆོད། །འབྲས་སོགས་ཕྱི་ཡི་གཏོར་མ་སྟ། །དམན་པའི་བགེགས་སོགས་ཞི་བར་བྱེད། ། བ་དྷུ་ཏཱི་འི་ཀ་པཱ་ལར། །ཤ་སོགས་བདུད་རྩིའི་རང་བཞིན་གནས། །རྣམ་རྟོག་བགེགས་ཆེན་ཞི་བར
54a2 བྱེད། །བདེ་བ་ཆེན་པོའི་བདུད་རྩིའི་རོས། །ཕྲ་བའི་གདོན་ཆེན་ཞི་བྱས་པ། །འདི་ནི་གསང་བའི་གཏོར་མར་གསུངས། །རང་རིག་སྟོང་པའི་བདུད་རྩིའི་རོས། །བདེ་ཆེན་གདོན་ནི་ཞི་བྱས་པ། །འདྀ་ནི་བཞི་པའི་གཏོར་མར
54a3 ངེས། །ཕྱག་འཚལ་སྐོར་བ་ལ་སོགས་དང་། །སྦྱང་སོགས་བླ་མའི་ཞལ་ནས་ཤེས། །གང་གི་ཕྱིར་ན་སྦྱིན་སྲེག་ན། །དངོས་གྲུབ་དམ་པ་སྟེར་བ་དང་། །རྣམ་རྟོག་སྲེག་ཕྱིར་སྦྱིན་སྲེག་སྟེ། །ཤིང་སོགས་སྲེག
54a4 པ་སྦྱིན་སྲེག་མིན། །མཉེས་པའི་དོན་གྱིས་མཆོད་པ་སྟེ། །སྤོས་སོགས་ཕུལ་བས་མཉེས་པ་མེད། །རང་སེམས་ལས་སུ་རུང་བ་དག་།མཉེས་པས་མཆོད་པ་ཆེན་པོ་སྟེ། །གདོན་དང་གནོད་པ་ཞི་བ་དང་། །
54a5 བར་ཆད་ཞི་དང་དངོས་གྲུབ་དག་།འབྱུང་བའི་ཕྱིར་ན་གཏོར་མ་སྟེ། །འབྲས་སོགས་ཕྱི་ཡི་གཏོར་མ་ཡིས། །གདོན་སོགས་ཞི་བར་མི་འགྱུར་ཏེ། །རང་གི་སྒོ་གསུམ་རྣམ་རྟོག་དག་།གདོན་ལ་སོགས་པར་སྣང
54a6 བ་སྟེ། །འཁྲུལ་པའི་རྣམ་རྟོག་མ་སྤངས་པར། །གདོན་སོགས་ཞི་བར་མི་འགྱུར་ཕྱིར། །སྒོ་གསུམ་རྣམ་རྟོག་འཇོམས་པ་ཡི། །སེམས་ཀྱི་གཏོར་མ་གཏོར་མའི་མཆོག་།གདོན་དང་གནོད་པ་ཞི་བ་དང་། །
54a7 དམ་ཚིག་གསོ་དང་ལྷ་རྣམས་འགོ། དངོས་གྲུབ་ཐམས་ཅད་འབྱུང་བར་འགྱུར། །ཕྱྀ་ནང་གཏོར་མར་ངེས་པའོ། །རྒྱུད་རྣམས་ཉེ་བར་ཞི་བ་དང་། །ལུས་ལས་འབྱུང་ཕྱིར་ལྷ་ཡིན་ཏེ། །ཕྱི་ཡི་དཀྱིལ་འཁོར
54a8 ལྷ་མ་ཡིན། །ལུས་དང་ཡན་ལག་ལྷ་མ་ཡིན། །ཁ་མིག་ལ་སོགས་ལྷ་མ་ཡིན། །ལུས་ལས་མ་བྱུང་གཡེང་བའི་ཕྱྀར། །དབང་པོ་སྒོ་གསུམ་གཡེང་བ་དགག་།རང་གི་ལུས་ལ་རང་ལུས་འབྱུང་། །
iiif viewer powered by OpenSeadragon
