| e-texts navigator |
| Wylie |
50b1 @##། །རྒྱ་གར་སྐད་དུ། ཤྲཱི་ཛྭ་ལ་ཨགྣི་གུ་ཧྱ་ཏནྟྲ་རཱ་ཛ། བོད་སྐད་དུ། དཔལ་གསང་བ་མེ་འབར་བའི་རྒྱུད་ཀྱི་རྒྱལ་པོ། ། བཅོམ་ལྡན་འདས་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས
50b2 པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ། །དེའི་ཚེ་འཁོར་འདུས་པའི་ནང་ན་རྡོ་རྗེ་ཕག་མོས་གསོལ
50b3 པ། རྣལ་འབྱོར་གང་ལགས་འཕོ་བ་གང་། །འཆི་བ་གང་ལགས་ཤི་བ་གང་། །རོ་ནྀ་གང་ལགས་རོ་ཆེན་གང་། །དེ་བཞིན་ཤི་བ་ཆེན་པོ་གང་། །ཐལ་བ་གང་ལགས་ཐལ་ཆེན་གང་། །ཚ་ཚ་གང་ལགས་ཚ་ཚ་ཡི། །ཆེན་པོ
50b4 གང་ལགས་གནས་ནི་གང་། །བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཞེས་ནི་གསུངས་པ་ཡིན། །དུས་མིན
50b5 ལྷ་ནི་གསོད་པ་སྟེ། །དང་པོར་འཕོ་བའི་རྟགས་དང་ཡང་། །དུས་ཚོད་ངེས་པར་ཤེས་བྱ་སྟེ། །བར་ཆད་མེད་པའི་ཏིང་འཛིན་གྱིས། །འཁྲུལ་འཁོར་བཅས་ཏེ་ཁྱད་པར་གྱིས། །འབྲས་བུ་འབྱུང་བར་འཕོ་བར་ངེས། །
50b6 ཁམས་དང་འབྱུང་བ་སོ་སོར་ཐིམ། །སྲོག་གི་རྩོལ་བ་ལ་ཐིམ་སྟེ། །རྩོལ་བ་རྣམ་ཤེས་ལ་ཐིམ་པའི། །སྐད་ཅིག་དང་པོ་འཆི་བ་སྟེ། །རྡོ་རྗེ་ཅན་སོགས་རིགས་བཞི་དང་། །རྣམ་སྣང་ཐ་དད་བྲལ་བ་ཡི། །སྐད་ཅིག་དང
50b7 པོ་ཤི་བ་སྟེ། །དེ་ནས་ཞག་བདུན་བར་དུ་གཞག་།ལུས་ཀྱི་མཁའ་འགྲོ་མྱ་ངན་འདས། །དེ་ནི་ཤི་བ་ཆེན་པོར་གྲགས། །ལུས་ནི་ཏ་ལའི་མགོ་བོ་འདྲ། །འདི་ཉིད་རོ་ཞེས་གསུངས་པ་སྟེ། །ཡེ་ཤེས་དབབ་དང
50b8 ཡེ་ཤེས་བརྟན། །མཁའ་སྤྱོད་ས་སྤྱོད་ས་འོག་སྤྱོད། །སྤྱི་བོ་མགྲིན་པ་སྙིང་ག་རུ། །དྲི་ཡི་ཐིག་ལེ་གསུམ་བྱས་ཏེ། །སྐུ་གསུང་ཐུགས་སུ་བྱིན་གྱིས་བརླབ། །ཐོག་མར་དྲི་ཞིམ་སྣ་ཚོགས་ཀྱིས། །ཁྲུས་བྱས
iiif viewer powered by OpenSeadragon
