| e-texts navigator |
| Wylie |
42b1 ལ་སོགས་དྲུག་སྟོན་པ། །གསང་བ་བདུད་རྩིའི་རྒྱལ་པོའོ། །འཁྲུལ་པ་འཁྲུལ་གཞི་དེ་སད་པ། །གསུམ་སྟོན་ཡེ་ཤེས་རྒྱལ་པོའི་རྒྱུད། །མ་སྤངས་ངེས་སྟོན་ཉི་འཁོར་ལོ། །ཚད་ངེས་བསྒྲུབ་གསུམ་སྟོན་ཟླ་ཕྲེང་། །
42b2 རྒྱུད་སོགས་ལྔ་སྟོན་ཡེ་ཤེས་འབར། །དེ་ནས་འཁོར་ཐམས་ཅད་དགའ་ནས་རྒྱུད་ཐམས་ཅད་ཀྱི་དོན་ལ་ཡི་རང་བར་གྱུར་ཏོ། །དཔལ་ཟླ་བའི་ཕྲེང་བའི་རྒྱུད་ཀྱི་རྒྱལ་པོ་རྫོགས་སྷོ།། །།
42b3 རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། ། @#། །རྒྱ་གར་སྐད་དུ། ཤྲཱི་རཏྣ་ཛྭ་ལ་ཏནྟྲ་རཱ་ཛ་ནཱ་མ། བོད་སྐད་དུ།
42b4 དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཧེ་ཧེ་རྡོ་རྗེ་སྙིང་པོ་དང་། །མཁའ་སྤྱོད་མ་ལ་སོགས་པ་དག་།སྒོ་གསུམ་ལེགས་པར་བསྡུས་ནས་ནི། །
42b5 ར་ལི་ཆེན་པོའི་དབྱེ་བ་ཉོན། །ལ་ལས་བྱུང་བ་ཐབས་ཀྱི་རྒྱུད། །ར་ལས་བྱུང་བ་ཤེས་རབ་རྒྱུད། །ི་བྱིས་ཨ་ལས་གཉིས་མེད་རྒྱུད། །ཐབས་ནི་སྐུ་སྟེ་ཤེས་རབ་གསུངས། །གཉིས་མེད་ཐུགས་སུ་ཤེས་པར་བྱ། །
42b6 སྐུ་གསུང་ཐུགས་ཀྱི་རང་བཞིན་ལས། །ཉི་ཤུ་རྩ་བཞི་བྱུང་བའོ། ། ལ་ལ་ཧོ་ཨེ་མའོ། །ཐབས་ནི་ལ་ལས་ཇི་ལྟར་བྱུང་། །ར་ལས་ཤེས་རབ་ཇི་ལྟར་བྱུང་། ། ལས་གཉིས་མེད་ཇི་ལྟར་བྱུང་། །སྐུ་གསུང་ཐུགས་སུ
42b7 ཇི་ལྟར་འགྱུར། །ཉི་ཤུ་རྩ་བཞིར་ཇི་ལྟར་དབྱེ། །ེ་མའོ་མགོན་པོས་བཤད་དུ་གསོལ། །འཇིགས་བྱེད་ཆེན་པོས་བཀའ་སྩལ་པ། ། ལས་ཨ་བ་དྷཱུ་ཏཱི་སྟེ། །འདི་ཉིད་ལས་ནི་གཉིས་མེད་རྒྱུད། །འབྱུང་བའི
42b8 གནས་དང་རྒྱུ་རུ་བརྟགས། །ལ་ལས་ལ་ལ་ནཱ་ཡི་རྩ། །དེ་ལས་ཐབས་ཀྱི་རྒྱུད་བྱུང་བའི། །རྒྱུ་དང་གནས་དང་ངོ་བོར་བརྟག་།ར་ལས་ར་ས་ནཱ་ཡི་རྩ། །འདི་ཉིད་ལས་ནི་ཤེས་རབ་ཀྱི། །ར་ལི་འབྱུང་བའི་རྒྱུ་དང་གནས། །
iiif viewer powered by OpenSeadragon
