| e-texts navigator |
| Wylie |
42a1 ཚིགསུ་བཅད་པ་ཉི་ཤུ་ལྔ། །ཡེ་ཤེས་བསམ་པའི་ལྡང་ཚད་དོ། །དགུ་བཅུ་གོ་བརྒྱད་ལས་བྱུང་བ། །ཡེ་ཤེས་གསང་བའི་ཚད་ཡིན་ནོ། །ཉི་ཤུ་ཐམས་པ་གང་ཡིན་པ། །གསང་བ་རྡོ་རྗེ་རྒྱལ་པོའི་ཚད། །
42a2 བརྒྱ་དང་ཉི་ཤུ་རྩ་གཉིས་ནི། །རྡོ་རྗེ་རྒྱལ་པོ་ར་ལིའི་ཚད། །ལྔ་བཅུ་རྩ་གསུམ་ཡི་གེ་བཅུ། །དུར་ཁྲོད་རྒྱན་གྱི་ལྡང་ཚད་དོ། །སུམ་བཅུ་རྩ་གསུམ་ཡི་གེ་ནི། །བཅུ་དྲུག་མཁའ་འགྲོ་མ་སྡོམ་ཚད། །ལྔ་བཅུ་ཡྀ་གེ་བཅཝ་ལྔ་ལས། །
42a3 བྱུང་བ་གསང་བ་བདུད་རྩིའི་རྒྱལ། །བཞི་བཅུ་ཡི་གེ་ཉི་ཤུ་བཞི། །ཉི་མའི་འཁོར་ལོའི་གཞུང་ཚད་དོ། །སུམ་བཅུ་ཡི་གེ་བཅུ་དྲུག་ལས། །བྱུང་བ་ཟླ་བའི་ཕྲེང་ཚད་དོ། །དེ་ནས་ངེས་པར་བཤད་བྱ་སྟེ། །གསང་བའི་འཁོར
42a4 ལོ་གང་སྟོན་པ། །གསང་བའི་རྡོ་རྗེའི་དམ་ཚིག་དག་།སྟོན་པ་དམ་ཚིག་ཆེན་པོར་ངེས། །དགྲ་དྲུག་སྟོན་པ་སྟོབས་པོ་ཆེ། །དབང་བཞི་དགག་སྒྲུབ་གསང་བ་གཅོད། །རང་རིག་དེ་སྟོན་བསམ་མི་ཁྱབ། །ཡི་གེ
42a5 གསུམ་སྟོན་རིན་ཆེན་འབར། །སྒོ་གསུམ་ལམ་སྟོན་ནམ་མཁའ་མཉམ། །བཅོམ་ལྡན་ལ་སོགས་ཐེ་ཙོམ་མེད། །སྟོན་པ་ནམ་མཁའ་ཆེན་པོ་སྟེ། །དབང་བཞིའི་དེ་ཉིད་གང་སྟོན་པ། །ཡེ་ཤེས་གསང་བའི་རྒྱུད
42a6 དུ་ངེས། །ལྟ་སྤྱོད་རྨད་དུ་གང་བྱུང་བ། །སྟོན་པ་ཡེ་ཤེས་ཕྲེང་བར་ངེས། །གླེང་བསླང་རྣམ་པ་ལྔ་ཡི་དོན། །སྟོན་པ་མཁའ་འགྲོ་གསང་བའི་རྒྱུད། །ཧེ་རུ་ཀ་དཔལ་གང་སྟོན་པ། །མེ་ཡི་ཕྲེང་བའི་རྒྱུད་དུ་གྲགས། །
42a7 དབང་གསུམ་དོན་ནི་གང་སྟོན་པ། །སྐུ་གསུང་ཐུགས་ཀྱི་ར་ལིར་ངེས། །སྣོད་བཅུད་རིན་ཆེན་སྟོན་བྱེད་པ། །རིན་ཆེན་ཕྲེང་བའི་ར་ལིར་ངེས། །ལྷན་ཅིག་སྐྱེས་སྟོན་ཡེ་ཤེས་བསམ། །རྡོ་རྗེ་རྙོག་པ་མེད་པའོ། །ལྷ་ཡི་དེ་ཉིད་གང་སྟོན་པ། །
42a8 ཆགས་པའི་རྒྱལ་པོའི་ར་ལིར་ངེས། །ངེས་པ་ལྔ་སྟོན་རྡོ་རྗེ་རྒྱལ། །ཱ་ལི་དུར་ཁྲོད་བརྒྱད་སྟོན་དུར་ཁྲོད་བརྒྱན། །དམ་ཚིག་སྡོམ་པ་མཁའ་འགྲོ་གསུམ། །སྟོན་པ་མཁའ་འགྲོ་སྡོམ་པའོ། །དཀྱིལ་འཁོར
iiif viewer powered by OpenSeadragon
