| e-texts navigator |
| Wylie |
41b1 འབྱུང་། །དེ་དག་བཅིངས་གསུམ་དག་པ་ཡིས། །སེམས་ཅན་བཅིངས་ལས་ངེས་པར་གྲོལ། །བླ་མའི་ཞལ་ནས་ཤེས་པར་བྱ། །འདུ་ཤེས་གསུམ་གྱི་ཆ་ལས་གྲོལ། །ཐིག་ལེ་ཆ་གསུམ་ཕྲ་མོ་ནི། །ཡན་ལག་ལྔ་ལྡན་འབྱུང་བའི
41b2 རིམ། །སྒྲ་དང་རང་རིག་རེ་རེར་སྣང་། །སྟོང་ཉིད་ཐབས་དང་ཤེས་རབ་ཚུལ། །ས་དང་ལམ་སོགས་རིམ་པ་ཀུན། །རང་བཞིན་གྱིས་གནས་མཁས་པས་སྦྱར། །དེ་ནས་སྒྲོན་མའི་ཚད་བསྟན་ཏེ། །ཚད་ནི་སྤྱི་དང་བྱེ་བྲག་སྟེ། །
41b3 བརྒྱ་ཕྲག་གཉིས་དང་བཅུ་གཉིས་དང་། །ཡི་གེ་གསུམ་ལས་ངེས་འབྱུང་བ། །གསང་བ་གཅོད་པའི་རྒྱུད་ཀྱི་ཚད། །བརྒྱ་ཕྲག་གཅིག་དང་སུམ་བཅུ་ལྔ། །ཡི་གེ་བཅུ་དགུ་ལས་བྱུང་བ། །རིན་ཆེན་ཕྲེང་བའི་ངེས་པའི
41b4 ཚད། །བརྒྱ་ཕྲག་གཅིག་དང་སུམ་བཅུ་བཞི། །མི་འགྱུར་བཅུ་གསུམ་ལས་བྱུང་བ། །སྐུ་གསུང་ཐུགས་ཀྱི་སྒྲོན་མའོ། །བརྒྱད་བཅུ་རྩ་ལྔར་ཡི་གེ་བཞིས། །མ་ཚང་པ་ལས་གང་འགྱུར་བ། །གསང་བ་བསམ་གྱིས་མི་ཁྱབ
41b5 པའོ། །བརྒྱད་བཅུ་རྩ་གཉིས་ཡི་གེ་གཅིག་།རིན་ཆེན་འབར་བའི་ལྡང་ཚད་དོ། །སུམ་བཅུ་རྩ་གཅིག་ཡི་གེ་ནི། །ཉི་ཤུ་རྩ་གཉིས་ལས་བྱུང་བ། །ནམ་མཁའ་མཉམ་པའི་ཚད་ཡིན་ནོ། །དྲུག་བཅུ་རྩ་དྲུག་ཡི་གེ་དྲུག་།
41b6 དམ་ཚིག་ཆེན་པོའི་རྒྱུད་ཀྱི་ཚད། །དྲུག་བཅུ་ཡི་གེ་ཉི་ཤུ་གཅིག་།གསང་བ་རྡོ་རྗེར་རབ་ཏུ་གྲགས། །དྲུག་བཅུ་རྩ་གཉིས་མི་འགྱུར་བ། །བཅུ་དྲུག་སྟོབས་པོ་ཆེ་ཡི་ཚད། །བཞི་བཅུ་རྩ་གཅིག་ཡི་གེ་ལྔ། །ནམ་མཁའ་ཆེན་པོའི
41b7 ཚད་ཡིན་ནོ། །དྲུག་བཅུ་རྩ་དྲུག་ཡི་གེ་དྲུག་།ཡེ་ཤེས་འབར་བའི་ལྡང་ཚད་དོ། །སུམ་བཅུ་རྩ་དྲུག་ཡི་གེ་དགུ། །ཡེ་ཤེས་ཕྲེང་བའི་ཚད་ཡིན་ནོ། །སུམ་བཅུ་རྩ་བཞི་ཉི་ཤུ་བཞི། །མཁའ་འགྲོ་གསང་བའི་ཚད་ཡིན་ནོ། །
41b8 སུམ་བཅུ་རྩ་བཞི་བཅུ་བཞི་དག་།མེ་ཡི་ཕྲེང་བའི་ཚད་ཡིན་ནོ། །ཉི་ཤུ་རྩ་གཉིས་བཅཝ་བརྒྱད་དག་།ཡེ་ཤེས་རྒྱལ་པོའི་ལྡན་ཚད་དོ། །བདུན་བཅུ་རྩ་བརྒྱད་རྐང་བ་ཕྱེད། །ཆགས་པའི་རྒྱལ་པོའི་ཚད་ཡིན་ནོ། །
iiif viewer powered by OpenSeadragon
