| e-texts navigator |
| Wylie |
38b1 ཐ་མས་རྗེས་ཐོབ་སྒྱུ་མར་ལྟ། །སེང་གེ་ལྟ་བུའི་ལྟ་སྤྱོད་ནི། །བཞི་པ་ཡིན་པར་ང་ཡིས་གསུངས། །དེ་ནས་སྤྱོད་པའི་རྒྱལ་པོ་བཤད། །སྤྱོད་པ་རྣམ་པ་གསུམ་ཡིན་ཏེ། །ཀུན་དུ་བཟང་པོ་བྷུ་སུ་ཀུ། ། བ་དྷཱུ་ཏཱི་གསུམ་ཡིན་ནོ། །
38b2 སྤྱོད་པའི་དུས་དང་གནས་དང་ཟས། །གང་ཟག་དང་ནི་དབྱེ་བ་དང་། །ངོ་བོ་དང་ནི་ཚད་དང་ཡང་། །ཐབས་དང་དགོངས་པ་དགོས་པ་དང་། །མཁས་པས་ཀུན་ལ་སྦྱར་བར་བྱ། །སངས་རྒྱས་རིག་དང་རྡོ་རྗེའི་རིགས། །རིན་ཆེན
38b3 རིགས་དང་པདྨའི་རིགས། །ལས་ཀྱི་རིགས་དང་སྤྱོད་པ་ལྔ། །ཀུན་དུ་བཟང་པོའི་སྤྱོད་པ་ཡིན། །སྡོམ་པ་གསུམ་ལ་གནས་པ་དང་། །དཀོན་མཆོག་གསུམ་ནི་འཛིན་པ་དག་།སངས་རྒྱས་ཀྱི་ནི་མཆོག་གི་སྤྱོད། །རྡོ་རྗེ་དྲིལ་བུ
38b4 ཕྱག་རྒྱ་འཛིན། །བླ་མ་འཛིན་པ་རྡོ་རྗེའི་སྤྱོད། །དམ་ཚིག་ཡིད་འོང་དུས་བཞི་རུ། །སྦྱིན་པ་རྣམ་བཞི་རིན་ཆེན་སྤྱོད། །ཐེག་པ་གསུམ་དང་དམ་ཆོས་འཛིན། །པདྨ་གར་གྱི་སྤྱོད་པ་ཡིན། །དམ་ཚིག་ཐམས་ཅད་ལྡན་པ་དང་། །མ་གྲོལ
38b5 ལ་སོགས་དགྲོལ་བ་ནི། །རྟ་ཡི་རྒྱལ་པོའི་སྤྱོད་པ་ཡིན། །ཟ་བ་ཉལ་བ་འཆག་པ་གསུམ། །རྣལ་འབྱོར་ཆེན་པོས་གནས་བྱ་སྟེ། །གཡེང་བས་གཡེང་བ་སྤོང་བ་ནི། །བྷུ་སུ་ཀུ་ཡི་སྤྱོད་པའོ། །རྒྱན་འཆང་བ་དང་བདུད་རྩི་མྱང་། །ཕྱག
38b6 རྒྱ་བསྟེན་དང་རྣམ་པ་གསུམ། ། བ་དྷཱུ་ཏཱིའྀ་སྤྱོད་པ་སྟེ། །རྒྱན་ལ་དྲུག་སྟེ་ཕྱག་རྒྱ་ལྔ། །བདུད་རྩི་བཅུ་སྟེ་མི་གཙང་བས། །མི་གཙང་འཁྲུད་པའི་སྤྱོད་པའོ། །གནས་ནི་ཁ་ན་མ་ཐོ་མེད། །ཕྱི་ནང་གཡེང་མེད་གནས་ཡིན་ནོ། །རྟོག
38b7 པ་འཇོམས་པ་སློབ་པའི་དུས། །གྲུབ་ན་རྫུ་འཕྲུལ་སྟོན་པའི་དུས། །ཐབས་ནི་གཞན་གྱིས་མཐོང་བ་དང་། །སྒྲོ་དང་སྐུར་པ་མེད་པའོ། །དགོངས་པ་གཉེན་པོའི་སྟོབས་ཡིན་ཏེ། །རྙེད་དང་བཀུར་སྟི་གྲགས་པ་དང་། །ཟུག་རྔུའི་ཁ
38b8 ཟས་མ་ཡིན་ཏེ། །བླ་མའི་དུས་ཐབས་ལེགས་བསྟེན་བླང་། །ཁ་ཟས་རྣམ་རྟོག་ཆུང་བ་ཡི། །ལས་དང་པོ་ཡིས་བྱ་བར་གསུངས། །དབྱེ་བ་གསུམ་དང་བྱེ་བྲག་ནི། །གོང་དུ་གསུངས་པ་ཁོ་ནའོ། །ངོ་བོ་རྟོག་མེད་སེམས་དེ་ཉིད། །
iiif viewer powered by OpenSeadragon
