| e-texts navigator |
| Wylie |
37a1 ཆོས་སྐུའི་ཕྲིན་ལས་ཉི་ཤུ་བཞི། །ཁ་སྦྱར་ཐབས་དང་ཤེས་རབ་སྟེ། །འཛག་དང་འབར་བ་གཉིས་མེད་ཡིན། །འཁོར་ལོ་བཞི་ནི་སྐུ་བཞི་སྟེ། །དྲུག་ནི་དེ་ཉིད་དྲུག་ཡིན་ཏེ། །སྒྲོལ་མ་རླུང་གི་དེ་ཉིད་དེ། །མེ་ནི་གོས
37a2 དཀར་ངོ་བོ་ཉིད། །བཅུ་དྲུག་སྟོང་པ་བཅུ་དྲུག་ཡིན། །བཞི་ནི་ཡེ་ཤེས་བཞི་ཡིན་ནོ། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང་དཔེ་བྱད་དང་། །རིག་སྔགས་སྙོམས་འཇུག་ཕྲ་བ་དགུ། །ཡེ་ཤེས་ལྔ་བཅུ་ལ
37a3 སོགས་པ། །རྩ་འདབ་དེ་ཉིད་ཡིན་པར་ངེས། །རྩ་དེ་གནས་པའི་རིམ་པ་ཡང་། །འཁོར་ལོ་བ་ཐག་ཁུག་པ་ལས། །གཡས་གཡོན་སྦྲུལ་ལྟར་འཁྲིལ་བ་སྟེ། །ཕྱི་ཡི་གཡས་གཡོན་གཞུ་ལྟ་བུ། །གསུམ་པའི་དབང་གི
37a4 དེ་ཉིད་ཀྱང་། །སིཧླ་ཤེས་རབ་ཆོས་དབྱིངས་ཏེ། །ག་པུར་ཐབས་ཀྱི་ཡེ་ཤེས་བཞི། །རྩ་ནི་འོག་མིན་གནས་ཡིན་ཏེ། །དགའ་བ་མཆོག་དགའ་བྱང་ཆུབ་ཕྱོགས། །རང་བཞིན་དགའ་བ་ཆོས་སྐུ་སྟེ། །བྲལ་བའི་དགའ་བ
37a5 གཟུགས་སྐུ་གཉིས། །བཅུ་དྲུག་སྟོང་པ་བཅུ་དྲུག་གོ། །རྒྱུད་ཀྱི་ཚུལ་དུ་སྒྱུ་མ་ཙམ། །གང་ཞིག་རང་རིག་འདོད་པས་ཀྱང་། །དང་པོར་ངོ་བོ་ཤེས་བྱ་སྟེ། །དེ་ནས་དེ་ཉིད་ཤེས་པར་བྱ། །གལ་ཏེ་དེ་ཉིད་མི་ཤེས་ན། །ཟབ
37a6 མོའྀ་ལམ་ཉིད་སྒོམ་བྱེད་ན། །འབྲས་བུ་མེད་ཅྀང་བརླག་པར་ངེས། །ལྷ་ཡི་དེ་ཉིད་མ་ཤེས་ན། །དུར་ཁྲོད་གནས་པའི་སྲིན་པོ་འདྲ། །དེ་བཞིན་དུར་ཁྲོད་སྲིན་མོ་འདྲ། །སྤྱོད་པའི་དེ་ཉིད་མ་ཤེས་ན། །གྲོང་ཁྱེར་གནས
37a7 པའི་སྨྱོན་པ་འདྲ། །ཁྱི་ཕག་སྲིན་པོ་རཀྵ་འདྲ། །ཕྱག་མཚན་དེ་ཉིད་མ་ཤེས་ན། །བརྒྱ་བྱིན་ལག་ན་མཚོན་ཐོགས་འདྲ། །ཕྱག་རྒྱའི་དེ་ཉིད་མ་ཤེས་ན། །རྒྱལ་པོ་པང་གི་བཙུན་མོ་འདྲ། །རླུང་གི་དེ་ཉིད་མ་ཤེས་ན། །བརྒྱ་བྱིན་སྤྱི
37a8 བོའི་དུ་བ་འདྲ། །རྩ་ཡི་དེ་ཉིད་མ་ཤེས་ན། །ཙན་དན་ཤིང་གི་སྦྲུལ་སོགས་འདྲ། །ལུས་ཀྱི་གཉེར་མ་དག་དང་འདྲ། །ལུས་ཀྱི་དྲི་མ་ཆུ་དང་འདྲ། །ཐིག་ལེའི་དེ་ཉིད་མ་ཤེས་ན། །ཙན་དན་ཤིང་གི་འཛེར་པ་འདྲ། །འཁོར་ལོའི
iiif viewer powered by OpenSeadragon
