| e-texts navigator |
| Wylie |
30a1 རྡོ་རྗེའི་བརྡ། །ཁྲོ་མོ་གསང་བའི་པད་མའི་བརྡ། །སྒུ་དང་དྲང་བ་ཡོན་ཏན་སྐྱོན། །མཛུབ་མོ་ལ་རྟེན་མཐེའུ་ཆུང་ནི། །ང་ཡི་གམ་དུ་ཚུར་ཤོག་ཡིན། །མཐེ་བོ་ལ་བརྟེན་མཛུབ་མོ་བར། །ཁྱོད་ཀྱི་གན་དུ་འོང་གིས་ཡིན། །
30a2 མཐེ་བོང་མཛུབ་གཉིས་ཟུར་གསུམ་ནི། །བྷ་ག་རྒྱས་སམ་དྲི་བ་ཡིན། །བྷ་ག་རྒྱས་པ་ཟླུམ་པོར་སྟོན། །བདེ་བའི་གནས་སུ་འདུ་བ་ཡང་། །སྲོད་དམ་ནམ་གུང་ཐོ་རངས་གསུམ། །མཛུབ་ཚིགས་དང་པོ་ནས་གཟུང་ནས། །ཐ་མའི
30a3 བར་དུ་བརྡ་ཡིན་ནོ། །སྐུ་གསུང་ཐུགས་ཀྱིས་བྱིན་བརླབས་ཀྱིས། །ལན་གསུམ་བར་དུ་ནན་ཏན་གནད། །གཞན་ཡང་བརྡ་ཡི་བྱེ་བྲག་རྣམས། །རྒྱུད་རྣམས་ཀུན་དུ་མ་གསུངས་པ། །གནས་ནི་ཐབས་ཀྱི་འདུག་སྟངས་སོ། །
30a4 ཉེ་གནས་ཤེས་རབ་འདུག་པར་གསུངས། །ཞིང་ནི་ཐབས་ཀྱི་བཟའ་བའི་ཚོགས། །དེ་བཞིན་ཤེས་རབ་ཉེ་བའི་ཞིང་། །འདུ་བ་ཐབས་ནི་འོང་བ་སྟེ། །ཤེས་རབ་འོང་བ་ཉེ་འདུ་ཡིན། །ཙྪནྡོ་ཐབས་ཀྱི་སྟན་དང་རྒྱན། །
30a5 ཤེས་རབ་དེ་བཞིན་ཉེ་ཙྪནྡོ། །དུར་ཁྲོད་ཐབས་ཀྱི་རྣམ་རྟོག་བྲལ། །དེ་བཞིན་ཤེས་རབ་ཉེ་དུར་ཁྲོད། །གཞན་ཡང་བརྡ་ཡི་བྱེ་བྲག་རྣམས། །ཁ་དོག་དེ་བཞིན་དབྱིབས་དང་ཡང་། །ཡན་ལག་ཚུལ་ལས་ཤེས
30a6 པར་བྱ། །དེ་ནས་ལྷ་མོ་ལ་སོགས་པས་མཆོད་པ་སྣ་ཚོགས་པས་མཆོད་ནས་མི་སྣང་བར་གྱུར་ཏོ། །དཔལ་རིན་ཆེན་ཕྲེང་བའི་རྒྱུད་ཀྱི་རྒྱལ་པོ་ཆེན་པོ་གསང་བ་སྟེ་རང་བཞིན་གྱིས་གསང་བ་རྫོགས་སྷོ།། །།
30a7 རྒྱ་གར་གྱི་མཁན་པོ་རིན་ཆེན་རྡོ་རྗེ་དང་། །ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སླད་ཀྱིས་ཀྱང་དཔེ་ཕྱི་མོ་ལ་གཏུགས་ནས་བཅོས་པའོ། ། རྒྱ་གར་སྐད་དུ། ཤྲཱི་མ་ཧཱ་ས་མཱ
30a8 ཡ་ཏནྟྲ་རཱ་ཛ་ནཱ་མ། བོད་སྐད་དུ། དཔལ་དམ་ཚིག་ཆེན་པོའི་རྒྱུད་ཀྱི་རྒྱལ་པོ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
iiif viewer powered by OpenSeadragon
