| e-texts navigator |
| Wylie |
277a1 རེག་པ་ཉིད། །འཇིག་རྟེན་འདིར་ནི་བདེ་བ་དང་། །རྟག་ཏུ་མཆོད་པ་རྙེད་པར་འགྱུར། །འཆི་བའི་དུས་སུ་ཡེ་ཤེས་ནི། །གཟུགས་མེད་སྲིད་པར་རབ་ཏུ་གནས། །བདག་གི་དེ་ཉིད་མནན་པ་ཡིས། །ཇི་ལྟར་སྔགས་འདི་འགྲུབ་པར་འགྱུར། །དེ
277a2 ཕྱིར་ནན་ཏན་ཐམས་ཅད་ཀྱིས། །སྦྱོར་བའི་བསྟན་བཅོས་རྟོགས་པར་བྱ། །དྲི་ཞིམ་རབ་གྲགས་མེ་ཏོག་ཀུན་ནས་གནས་པ་དང་། །ནག་པོའི་ཨ་ཀ་རུ་དང་གུ་གུལ་མར་མེ་དང་། །གཉིས་མེད་གཏོར་མ་གཅིག་གིས་ཡིད་ནི་ལྡན་པ་ཡིས། །ལྷ་མོ
277a3 མ་མོ་རྣམ་པ་ཀུན་ནས་རབ་ཏུ་མཆོད། །ཡི་གེ་བརྒྱད་པའི་ལེའུ་ཞེས་བྱ་སྟེ་དང་པོའོ།། །། དེ་ནས་གསང་བའི་ཡན་ལག་གི། །ཐིག་ལེ་ལ་ནི་བདག་ཕྱག་འཚལ། །ཁམས་གསུམ་སྐྱེས་པ་ཟད་བྱས་ནས། །ཡེ་ཤེས་དངོས་པོ
277a4 གནས་པ་བཞིན། །ལྷ་ཡི་དངོས་པོ་དབྱེར་མེད་པས། །སྟེང་དང་འོག་དང་དབུས་སུ་ནི། །ཐམས་ཅད་ཀུན་ནས་སྟོང་པ་ཉིད། །རི་རབ་གླིང་གཞན་ཟད་བྱས་ནས། །མཉམ་ཉིད་སྦྱོར་བ་ཀུན་ཏུ་བསམ། །ཐམས་ཅད་སྡོམ་པའི་དབྱེ་བ་ཡིས། །
277a5 དེ་ཡིས་མེ་ཏོག་ཐིག་ལེ་ཡི། །ཐིག་ལེའི་དབུས་སུ་གསལ་བའོ། །ཡེ་ཤེས་རྡུལ་ནི་རྣམ་པར་ཐིམ། །ཡེ་ཤེས་བློ་དང་ལྡན་པས་ཤེས། །ཁ་དོག་མེད་ཅིང་མཚོན་ཀུན་དངོས། །གཟུགས་མེད་ཡེ་ཤེས་གཟུགས་བཞིན་ནོ། །རིང
277a6 བ་མ་ཡིན་ཐུང་བ་མིན། །མི་ལྡན་པ་དང་ལྡན་པ་ཉིད། །གཟུགས་དང་སྟོང་པའི་དེ་བཞིན་དབུས། །ལྷན་ཅིག་ཡེ་ཤེས་གཟུང་བར་བྱ། །ཉོན་མོངས་དེ་བཞིན་མུན་པ་ནི། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེ་བཅོམ
277a7 བྱས་ནས། །སྣང་བའི་དངོས་གྲུབ་ཐོབ་པར་འགྱུར། །རླུང་གི་དཀྱིལ་འཁོར་དབུས་སུ་ནི། །མེ་ཡི་དཀྱིལ་འཁོར་འདྲ་བའོ། །མེ་ཡི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་འདྲ་བའོ། །ཉི་མའི་དཀྱིལ་འཁོར
277a8 དབུས་སུ་ནི། །ཟླ་བའི་དཀྱིལ་འཁོར་བསྒོམ་པར་བྱ། །དེ་དབུས་ཇི་སྐད་གསུངས་པ་ཡི། །ཡེ་ཤེས་དང་ནི་རྣམ་ཤེས་སེམས། །འཇིག་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཡེ་ཤེས་ཀྱི་ཐིག་ལེའི་སྦྱོར་བའི་ལེའུ་བྱ་སྟེ
iiif viewer powered by OpenSeadragon
