| e-texts navigator |
| Wylie |
271b1 ཇི་ལྟར་ཞིང་པས་ཞིང་ནི་ཐབས་ཀྱིས་ཡང་སྦྱངས་ནས། །ཐོང་པས་རྨོ་ཞིང་ཐོང་པས་ཀུན་ཏུ་རབ་བསྒྱུར་བས། །ཞིང་ལ་གནོད་པའི་རྩཝ་དང་ལྗོན་ཤིང་རྒྱ་ཆེར་སེལ། །དེས་ན་རྣམ་དག་གཙང་སྦྲ་ཅན་ཞེས་བརྗོད་དེ་བཞིན། །དེ་བས
271b2 མཆོག་ཏུ་སྦྱོར་བའི་བདག་། གཉིས་པ་ཡང་ནི་བཞག་པར་བྱ། །དེ་ལྟར་དེ་བཞིན་ཕྱི་ཉིད་བཀྲུ། །དེ་ཕྱིར་མཁས་པས་སྟོང་པ་ཉིད། །གསུམ་གྱི་ཚུལ་གྱིས་དག་པར་བྱ། །དེ་བཞིན་གཟུགས་དང་སྟོང་པ་བཞིན། །དབུས་སུ་རྣམ་ཤེས་ས
271b3 བོན་ནོ། །ས་བོན་ས་བོན་མྱུ་གུ་དང་། །གཟུགས་དང་དབང་པོ་རྩ་ཡི་གཞི། །རང་བཞིན་ཚུལ་གྱིས་ཆ་ཤས་མཚན་ཉིད་ནི། །སྐྱོན་མེད་རྡོ་རྗེའི་རང་བཞིན་ཡང་དག་གནས། །དབང་པོ་དྲུག་དང་ཆོ་ག་དྲུག་ནི་ཡང་དག་འབྱུང་། །
271b4 ལྷ་གནས་བཅུ་གཉིས་ས་ནི་སརྦ་དང་། །སྔགས་ཀྱི་ཡི་གེ་མཆོག་ཉིད་ནི། །ཡིད་ཀྱི་འཕྲུལ་པས་བསྒྲུབ་པར་བྱ། །ེ་མའོ་སེམས་ཅན་ཉོན་རེ་མོངས། །སྔགས་ནི་ཨུ་གུ་ཨུ་གུ་དང་། །ཉམས་པའི་གཟུགས་བརྙན་མཉམ
271b5 བསྒོམ་པ། །སྙིང་པོ་ཉིད་ཀྱིས་རྣམ་པར་སྤངས། །སྔགས་ཀྱི་ཡི་གེ་དམ་པ་ནི། །དེ་ཕྱིར་ཡིད་ཀྱིས་རྗེས་སུ་འབྲང་། །སེམས་ཅན་ཐམས་ཅད་བསྐྱེད་ཅིང་གཡོ་ཞིང་བསྐྱེད་པ་ཡི། །སྔགས་ནི་བློ་དང་ལྡན་པས་ངེས་པར་ཤེས
271b6 པར་བྱ། །དེ་ཉིད་མེད་པའི་སྔགས་ཀྱིས་འགྲོ་བ་རྨོངས་པར་མཐོང་། །ལོག་པར་སྨྲ་བ་ནི་གཟུགས་བརྙན་སེམས་དང་ནི། །སྔགས་ཀྱི་བདག་ཉིད་དོན་དམ་མཆོག་གི་ཡི་གེ་ཡིས། །ལས་བཞི་ཡི་ནི་ཆོ་ག་ཡོངས་སུ
271b7 གྲགས་པའོ། །སྟོང་པ་ཉིད་ཀྱི་ལེའུ་ཞེས་བྱ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ། །སྐྱོན་དང་ཡོན་ཏན་སྤངས་གྱུར་པའོ། །དབུ་མའི་གནས་ནི་སྐྱོན་མེད་པའོ། །རང་བཞིན་དག་པའི་ཡིད་ལས་འབྱུང་བའི་ལུས། །
271b8 བདག་མེད་རྣལ་འབྱོར་གཅིག་གི་ཡིད་ཀྱི་སྦྱར་བར་བྱ། །ཇི་ལྟར་མ་བསྲེགས་སྣོད་ཀྱི་ཆུ་བཞིན་དུ། །ཁྱོད་ཀྱིས་ནང་གི་རྣལ་འབྱོར་མང་དུ་འཇིག་པའོ། །ཇི་ལྟར་རྫ་མཁན་གྱིས་ནི་མེ་ནི་ཀུན་ཏུ་གང་བས་འགེངས། །དུ་མ་དབུས་སུ་ཟད་པར་བྱས
iiif viewer powered by OpenSeadragon
