| e-texts navigator |
| Wylie |
18a1 ཚིག་ལྡན་བྱས་ཏེ། །རྟ་དང་གླང་པོ་ལ་སོགས་དང་། །བུ་དང་ཆུང་མ་ནོར་གྱི་དབྱིག་།བསྙེན་བཀུར་དག་གིས་བསྙེན་བྱས་ཏེ། །བདུད་རྩི་རོ་ཡི་ར་ལི་ལས། །བླ་མའི་ཞལ་ནས་དངོས་གྲུབ་བླང་། །ཡིད་ལ་ཟུང་ལ་དྲན་པར་གྱིས། །དེ་ནས
18a2 འཁོར་འདུས་པ་དེ་དག་ཐམས་ཅད་རྗེས་སུ་ཡི་རང་བར་གྱུར་ཏོ། །སྐུ་གསུང་ཐུགས་ཀྱི་རང་བཞིན་དཔལ་ནམ་མཁའ་དང་མཉམ་པའི་རྒྱུད་ཀྱི་རྒྱལ་པོ་ཞེས་བྱ་བ་རྫོགས་སྷོ།། །། པཎ་ཌི་ཏ་གཱ་ཡ་དྷ་ར་དང་། དགེ་སློང་ཤཱཀྱ་ཡེ་ཤེས་ཀྱིས
18a3 ཞུས་ཤིང་བསྒྱུར་བའོ། ། རྒྱ་གར་སྐད་དུ། ཤྲཱི་མ་ཧཱ་ཁ་ཏནྟྲ་རཱ་ཛ། བོད་སྐད་དུ། དཔལ་ནམ་མཁའ་ཆེན་པོའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ
18a4 ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བྷ་ག་ལ་བཞུགས་སོ། །གཞན་ཡང་དཔའ་བོ་དང་མཁའ་འགྲོ་མ་གྲངས་མེད་པ་དང་ཐབས་གཅིག་ཏུ་བཞུགས་སོ། །དེ་རྣམས་ཀྱི་ནང་ནས་བྱང་ཆུབ
18a5 སེམས་དཔའ་ཆེན་པོ་རྡོ་རྗེ་སྙིང་པོས། བཅོམ་ལྡན་འདས་ལ་གཡས་ཕྱོགས་ནས་བསྐོར་བ་ལན་གསུམ་བྱས་ཏེ། ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས་གསོལ་པ། ཀྱེ་ཧོ་བཅོམ་ལྡན་འཇིགས་པ་ཆེ། །བཅོམ་པ
18a6 གང་ལགས་ལྡན་པ་གང་། །འཇིགས་པ་གང་ལགས་ཆེན་པོ་གང་། །བདག་ལ་ཁྱོད་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བཅོམ་པ་བདུད་བཞི་བཅོམ་པ་སྟེ། །རེ་རེ་ལ་ཡང་བཞི་བཞི་སྟེ། །བཅུ་དྲུག
18a7 གྲངས་སུ་ཤེས་པར་བྱ། །ལྡན་པ་དེ་ཡི་གཉེན་པོ་སྟེ། །དང་པོ་བུམ་དབང་བདུད་བཞི་ཡང་། །ཁ་དོག་དབྱིབས་ལ་ལོག་རྟོག་གིས། །བསྐྱེད་པའི་གཟུང་འཛིན་དུ་མ་དག་།ཕུང་པོའི་བདུད་དུ་རབ་ཏུ་གྲགས། །འདོད་ཆགས་ཞེ
18a8 སྡང་ལ་སོགས་པ། །ཉོན་མོངས་པ་ཡི་བདུད་ཡིན་ནོ། །ཡང་དག་ལམ་སྟོན་བླ་མ་མེད། །ཞེ་སྡང་རུ་དྲར་སྐྱེ་བ་ཡི། །རྒྱུ་དང་ལམ་སྟོན་གྲོགས་ངན་དག་།ལྷ་ཡི་བུ་ཡི་བདུད་ཡིན་ཏེ། །ལས་དང་ཉོན་མོངས་པ་ཡི་རྒྱུས། །སྲོག་འཆད་པ་ནི
iiif viewer powered by OpenSeadragon
