| e-texts navigator |
| Wylie |
121a1 དགུ་འམ། །རྒྱུ་སྐར་ཕྱེད་པོས་གྲངས་མཉམ་པས། །ལུང་ཏང་ནག་པོས་རྨོངས་བྱེད་ནུས། །དབྱངས་དང་གསལ་བྱེད་ཕྱེད་སྦྱངས་པས། །རུ་རཱ་ཀྵ་ནི་མངོན་སྤྱོད་ལ། །དེ་ལྟའི་ཆོ་ག་ཤེས་པ་ཡིས། །ཚར་གཅད་ཕན་གདགས
121a2 ལས་རྣམས་སྤྱད། །གསང་སྔགས་ཡི་གེའི་འཁོར་ལོ་ནི། །མགལ་མེ་བཞིན་དུ་བསྐོར་བར་བྱ། །དེ་ལྟར་དུས་བཞིར་བསྒྲུབ་པར་བྱ། །དེས་ནི་ཉེ་བར་འགྲུབ་པར་འགྱུར། །དེས་ཀྱང་གྲུབ་པར་མ་གྱུར་ན། །རང་ཉིད་ཡེ་ཤེས་ནག
121a3 པོ་ཡི། །གདུག་པ་འདུལ་བར་བསམས་ནས་ནི། །ལས་བྱེད་མགོན་པོའི་སྲོག་རྩ་འཕྲོག་།དེ་ལྟར་བསྐུལ་བས་ལས་ལ་སྦྱོར། །གཟས་པ་པོ་དེ་སྒྲོལ་བར་བྱེད། །གལ་ཏེ་ལས་ལ་འགྱངས་པ་ན། །སྲོག་གི་ཐིགས་པ་བླང་བ་དང་། །
121a4 གསང་སྔགས་སྙིང་པོ་གོ་བཟློག་ཅིང་། །ལྟེ་བ་དཀྲུགས་པའི་ལས་བྱས་ན། །ཤི་ས་བསྟན་པར་འགྱུར་བ་སྟེ། །སྲོག་ནི་དམར་ལེན་བྱེད་པར་འགྱུར། །མ་རུངས་འདུལ་བའི་ལས་འདི་དག་།སངས་རྒྱས་བསྟན་པ་བསྲུང་བ་ལས། །
121a5 གཞན་དུ་བྱས་ན་ཉེས་པར་འགྱུར། །སྦྱིན་སྲེག་དང་ནི་མནན་པ་དང་། །དེ་བཞིན་ཟོར་དགྱེ་ལས་བྱ་བ། །གསད་པ་རང་གཤེད་གནད་ལ་དབབ། །དེ་ལས་མྱུར་བར་རྟགས་བྱུང་ཚེ། །ཐུགས་དམ་བསྐང་ཞིང་གཏོར་མ་འབུལ། །ཚོགས་ཀྱི
121a6 འཁོར་ལོའི་མཆོད་པ་དང་། །དེ་དག་རྣལ་མར་འགྲུབ་པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ལས་ཉེ་བར་བསྒྲུབ་པར་བསྟན་པའི་ལེའུ་སྟེ་ཉི་ཤུ་གཉིས་པའོ།། །། དེ་ནས་གཞན་ཡང་བཤད་པར་བྱ། །
121a7 དཔལ་ལྡན་ལྷ་མོ་འཁོར་དང་བཅས། །ནག་མོ་མངོན་པར་འབྱུང་བ་ཡི། །ལས་ཀྱི་དངོས་གྲུབ་ཆོ་ག་བཤད། །དམ་ཚིག་གསང་བའི་སྔགས་པ་ཡིས། །བྲག་ནག་རྩེ་མོ་རྣོ་བ་ཡིས། །ཁ་ལྷོར་བལྟས་པའི་བྲག་ཕུག་གམ། །
121a8 གཞན་ཡང་རི་བོའི་ཟོམ་འམ་རྩེ། །ཤིང་གཅིག་དུར་ཁྲོད་མ་མོའི་གནས། །རབ་ཏུ་འཇིགས་པའི་གནས་མཆོག་ཏུ། །མཎྜལ་དང་ནི་མཆོད་པ་དང་། །གཏོར་མ་ལེགས་པར་བཤམས་ནས་ནི། །ཤ་ཆེན་བསྲེགས་སྤོས
iiif viewer powered by OpenSeadragon
