| e-texts navigator |
| Wylie |
119b1 ཀུན་དུ་པད་མ་བསྣམས། །སྒེག་ཅིང་འགྱིང་དང་ལྡན་པར་བསམ། །གཙོ་བོས་ལྷ་མོ་བརྒྱད་པོ་བསྐུལ། །ལྷ་མོ་བརྒྱད་པོ་ཐམས་ཅད་ཀྱིས། །རིན་ཆེན་ཆར་པ་ཕབ་ནས་ནི། །བཀའ་བཞིན་བགྱིད་པ་རྣམ་པར་བསམ། །མགོན་པོ་མྱུར་དུ་བསྐུལ
119b2 བའི་ཚེ། །གཙོ་བོས་མི་འཇིགས་སེང་གེ་ཆིབས། །ཐུན་མོང་གི་ནི་ལས་བྱེད་པའོ། །སྟོབས་ལྡན་གླང་ཆེན་རབ་བརྟན་ཆིབས། །ཁྱད་པར་སྒྲུབ་པའི་ལས་རྣམས་བྱེད། །གཡུ་འབྲུག་སྔོན་པོ་ཆིབས་ནས་ནི། །སྣང་སྲིད་མ་ལུས་དབང་དུ་སྡུད། །
119b3 དབང་དུ་བྱེད་པའི་ལས་རྣམས་དང་། །ཁྱད་པར་སྦྱིན་སྲེག་དྲག་པོ་ནི། །བཤད་དང་རྔམ་པའི་ཚུལ་གྱིས་ནི། །མྱུར་དུ་ལས་ལ་འགྲོ་བ་ཡིན། །ཕྱི་ནས་གསང་བའི་རིམ་ཤེས་པའི། །སྟོང་ཕྲག་བཅུ་ཡིས་འགྲུབ་པ་སྟེ། །འདི་ནི་རིན་ཆེན་གའུའི་ནང་། །རིན
119b4 ཆེན་འབར་བའི་འཁོར་ལོ་ལ། །གསང་སྔགས་ཡི་གེའི་ཕྲེང་བ་ཅན། །ས་བོན་སྤྲོ་བསྡུས་ཏིང་འཛིན་བསྒོམ། །ན་མོ་བཻ་ཤྲ་བ་ཎ་བཛྲ་མུ་ས་ལ། མུ་སུ་ན་སྟི། ཏྲི་ཤཱུ་ལ་ཨ~ཾ་ཀུ་ཤ་།པཱ་ཤ་པ་ར་ཤུ། བན་དྷ་མུད་ག་ར་ལཱ་ལང་ཀྲྀ་ཏ། ཧསྟ་སྱ། ན་མོ་ན་མཿ
119b5 སརྦ་དེ་ཝ་ཏ་སུ་ཙི་ཏ། ཀྲི་ཏ་ཊ་སྱ། མ་ཧཱ་ཀཱི་ལ་ཀཱི་ལཱ་ཡ། སརྦ་གྲ་ཧཱ། ཨ་ཀ་རི་ཥ་ཎི་ཡ་བི་ཛ་ཡ། ཛ་ཡ~ཾ་དཱུ། བྷ་ག་བཱན། ན་ད་ཀུ་བེ་རཱ། ཀྵི་ཏི་ས་ཏི་ཙཀྲ་ཏི་ནི། ཀ་ལ་ཀ་ལ། ན་ད་ཀུ་བེ་ར་ཀི་རི་ཀི་ལི། ནཱ་ད་ཀུ་བེ་ར། ཀྵི་ཏི་པ་ཏི། ཙཀྲ་ཏི་ནི། བི་ཛི་མ་ཧཱ
119b6 བྷ་ག་བ་ནི། ནཱ་ད་ཀུ་བེ་ར། བི་ཀྲ་ཏ། དྲང་སྲོང་ཀ་ར་ལ། བན་དྷ་ན། རེའུ་ཏྲ། དྷི་ཧྱ་ས། གུ་ཧྱ། ཀ་ན་ག་ན་བ་རི་བྲི་དྷ། བཻ་ཤྲ་བ་ཎ། བྷ་ནེ་བྷ་ནེ། བྷི་བ་ན་བ་སི་ཏི། ཀུ་ཏི་ཀུ་ཏི། ཀུ་བེ་ར། ན་ད་ཀུ་བེ་ར། ན་མཿསྟུ་ཏེ་སྭཱ་ཧཱ། འདི་ནི་ཁྱད་པར་སྒྲུབ་པ་སྟེ། །
119b7 གསང་སྔགས་གནོད་སྦྱིན་སྟོང་སྡེའི་ཚོགས། །མ་ལུས་འདི་ཡིས་སྐུལ་བར་བྱེད། །གར་མཁན་མཆོག་ཅེས་བྱ་བ་ཡི། །ལྷ་ནི་དུ་མས་ཡོངས་བསྐོར་བའི། །འདི་ནི་བསྐྱེད་ཅིང་སྤྱན་དྲང་བ། །སྤྱན་དྲངས་མཆོད་ཅིང་བསྟོད་པ་དང་། །གང་སྒྲུབ་ལས་ལ
119b8 བསྐུལ་བར་བྱ། །འདི་ཡིས་རྣལ་འབྱོར་དགོས་པ་སྒྲུབ། །ཞི་བས་ནད་གདོན་མ་ལུས་ལ། །དབང་གིས་ཁམས་གསུམ་མ་ལུས་བསྒྱུར། །རྒྱས་པས་ནོར་དང་འབྲུ་སོགས་འཕེལ། །མངོན་སྤྱོད་ཀྱིས་ནི་གདུག་པ་འདུལ། །ནོར་བུ་བཟང་པོས་གཏེར་ལ
iiif viewer powered by OpenSeadragon
