| e-texts navigator |
| Wylie |
118b1 སྤྱན་གསུམ་ཅུང་ཟད་ཁྲོ་བའི་ཚུལ། །སྐུ་མདོག་དམར་དང་ལྗང་ཁུའི་མདོག་།རིན་ཆེན་འབར་བའི་དབུ་རྒྱན་ཅན། །སྐུ་ལ་དར་བེར་སུམ་རིམ་ལ། །སྣ་ཚོགས་ཅོད་པན་རྒྱན་གྱིས་སྤྲས། །ཕྱག་རྒྱ་རིན་ཆེན་འབར་བ་བསྣམས། །ལྷ་ཡི་བ་དན
118b2 མཛེས་པ་འཕྱར། །གཡོན་པ་མཆོད་རྟེན་སྐུ་གདུང་བསྣམས། །ནེའུ་ལེའི་རྐྱལ་བ་ནོར་སྐྱུག་འཆང་། །འཁོར་དུ་ཁྱད་པར་ཀླུ་ཆེན་བརྒྱད། །སྐུ་ལུས་མི་ཡི་རྣམ་པ་ལ། །སྦྲུལ་མགོ་བདུན་པའི་གདེངས་ཀ་ཅན། །ཕྱག་གཉིས་ཐལ་མོ་སྦྱར་བ་ནས། །ཡིད་བཞིན
118b3 ནོར་བུ་ལེགས་བསྣམས་པ། །སེམས་དཔའི་འདུག་སྟངས་ཕྱེད་དཀྱིལ་ཅན། །ཐམས་ཅད་གཙོ་ལ་འདུད་པར་བྱེད། །ནོར་རྒྱས་པད་མ་ཉིད་དང་ནི། །སྟོབས་ཀྱི་རྒྱུ་དང་འཇོག་པོ་ཉིད། །པད་མ་ཆེ་དང་ཧུ་ལུ་ཆེ། །དུང་སྐྱོང་རིགས་ལྡན་བརྒྱད་པོ་ཉིད། །རྒྱ་མཚོ་ཆེན་པོའི་ནང་དག
118b4 གི། །པད་མ་ལ་ནི་གནས་བཅས་ཏེ། །དེ་ལྟར་བསྐྱེད་ལ་ཡེ་ཤེས་པ། །སྤྱན་དྲངས་མཆོད་ལ་གཉིས་མེད་བསྟིམ། །དགྱེས་པའི་ཚུལ་གྱིས་རྣལ་འབྱོར་ལ། །ཡིད་འོང་དངོས་གྲུབ་སྩོལ་བར་འགྱུར། །ོཾ་ཤྲཱི་བཛྲ་ཡཀྵ་བཻ་ཤྲ་བ་ཎཱ་ཡ་ཧཱུ~ཾ་ཕཊ། ཨོཾ་བ་རུ་ཎཱ་ཡ་སྭཱ་ཧཱ། ཨོཾ་ཨན་ནཱ
118b5 ཡ་སྭཱ་ཧཱ། ཨོཾ་ཏཀྵ་ཀཱ་ཡ་སྭཱ་ཧཱ། ཨོཾ་ཤ~ཾ་ཁཱ་པཱ་ལཱ་ཡ་སྭཱ་ཧཱ། ཨོཾ་ཀར་ཀོ་ཊཱ་ཡ་སྭཱ་ཧཱ། ཨོཾ་པད་མཱ་ཡ་སྭཱ་ཧཱ། ཨོཾ་མ་ཧཱ་པད་མཱ་ཡ་སྭཱ་ཧཱ། ཨོཾ་ཀུ་ལི་ཀཱ་ཡ་སྭཱ་ཧཱ། དེར་ནི་གསང་སྔགས་བཟླས་པ་ཡིས། །སྔགས་ཀྱི་འོད་ཟེར་སྤྲོ་བསྡུ་བྱ། །དེ་ནས་ཀླུ་རྣམས་ཐམས་ཅད་ལ། །ཡིད་འོང
118b6 གཏོར་མ་དབུལ་བར་བྱ། །ནཱ་ག་གེ་སར་པུས་པ་དང་། །རྒྱ་མཚོ་ལྦུ་བ་ཨ་རུ་ར། །ཛཱ་ཏི་བ་ལ་གུར་གུམ་དང་། །ཙན་དན་དཀར་དམར་པུ་ཤེལ་ཙེ། །དབང་པོ་ལག་དང་སྙིང་ཞོ་ཤ་།ཆུ་སྲིན་སྡེར་མོ་ལེབ་རྒན་དང་། །འགྲོན་བུ་དུང་དང་མུ་ཏིག་དང་། །ཉ་ཕྱིས
118b7 བླ་གོར་ཞོ་ཤ་དང་། །མཁལ་མ་ཞོ་ཤ་རྨ་བྱའི་མདོངས། །རྟ་རུ་རྒུན་འབྲུམ་མདར་གསུམ་དང་། །གསེར་གྱི་བྱེ་མ་རས་སྐུད་དང་། །འོ་མ་དང་ནི་འབྲུ་སྣ་ལྔ། །རིན་ཆེན་སྣ་ཚོགས་མ་ལུས་པ། །ཁྱད་པར་དུ་ནི་དབུལ་བར་བྱ། །དེ་ནས་མཆོད
118b8 ཅིང་བསྟོད་བྱ་སྟེ། །དངོས་གྲུབ་གང་འདོད་སྩལ་བར་བསམ། །དེ་ན་ཞི་བའི་སྦྱིན་སྲེག་བྱ། །གསང་སྔགས་ཁྲི་ཕྲག་བཅུ་བཟླས་ནས། །རྟགས་བྱུང་ནས་ནི་དངོས་གྲུབ་བླང་། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས
iiif viewer powered by OpenSeadragon
