| e-texts navigator |
| Wylie |
116a1 ནས་ནི་བཀའ་ཐོབ་པས། །བརྐོ་ཞིང་རོ་ལྔ་བསལ་བར་བྱ། །དེ་ནས་བསྲུང་ཞིང་བཅག་པར་བྱ། །རྡོ་རྗེ་འཛིན་པ་བཞེངས་ནས་ནི། །རྡོ་རྗེ་གོམ་པའི་གར་སྟབས་ཀྱིས། །ཧཱུ~ཾ་ཧཱུ~ཾ་དྲག་པོའི་སྒྲ་བརྗོད་པས། །ཕྱོགས་ཀུན
116a2 བཅིང་བར་བྱས་ནས་ནི། །བགེགས་ལ་བཀའ་བསྒོ་གཏོར་མ་སྦྱིན། །སློབ་མ་ཀུན་ལ་བསྲུང་བྱས་ལ། །རྡོ་རྗེ་མགོན་པོ་ཆེན་པོ་ཡི། །ཏིང་ངེ་འཛིན་དུ་གནས་པ་ལ། །གསོལ་བ་གདབ་པས་གནང་བ་སྦྱིན། །ཁྱད་པར་བདུད་རྩི
116a3 འཁྱིལ་བས་བསྲུང་། །ཡང་དག་ཡེ་ཤེས་སེམས་དཔའ་ཆེ། །འཁོར་བའི་གཡུལ་ལས་རྒྱལ་བྱེད་པ། །རྒྱལ་བ་མ་ལུས་བསྟན་སྐྱོང་ཆེ། །དེ་ནས་ལྷག་པར་གནས་པ་བརྩམ། །ས་འཛིན་ལྷ་མོ་ཉིད་མཆོད་པས། །བཀའ་བྱིན་ནས་ནི
116a4 ཐིམ་པར་བལྟ། །བུམ་པ་བཀྲ་ཤིས་ཡང་དག་ལྡན། །མ་ཉམས་མཚན་ཉིད་ལྡན་པ་ལྔ། །ཁ་ཚར་མ་ཉམས་རས་ཟུང་དཀྲི། །སྙིང་པོ་སྨན་དང་འབྲུ་ལྔ་སོགས། །སྤོས་དང་རིན་ཆེན་དག་གིས་དགང་། །རྒྱུན་འབབ་ཆུ་ཡིས་གང་བ་དང་། །འབྲས
116a5 ལྡན་ཤིང་གིས་ཁ་བརྒྱན་པའོ། །དེ་ནས་བསྲུང་བའི་འཁོར་ལོ་ཡི། །བཀའ་ཡི་ཁྲོ་བོ་རྣམ་པར་བསྒོམ། །དཀྱིལ་འཁོར་དྲི་ཡི་ཐིག་ལེ་ལ། །མེ་ཏོག་བཅལ་བཀྲམ་ལྷ་རྣམས་ནི། །བསྐྱེད་ཅིང་མཆོད་ལ་གཉིས་མེད་བསྟིམ། །སོ་ཤིང་དོར་དང་ལྟས
116a6 བརྟག་པ། །བསྲུང་སྐུད་ཀུ་ཤ་སྦྱིན་པར་བྱ། །དེ་ནས་སེམས་བསྐྱེད་སྡོམ་གནས་པས། །དམ་ཚིག་གསང་བ་སྦྱིན་པར་བྱ། །ཁྱད་པར་ལྷ་ལ་གསོལ་བཏབ་ནས། །རྡུལ་ཚོན་དཀྱིལ་འཁོར་ཐིག་གདབ་བྱ། །དང་པོར་ཡེ་ཤེས་ཐིག་གདབ་ཅིང་། །
116a7 ཕྱི་ནང་དམ་ཚིག་ངེས་པར་གདབ། །གོ་རིམས་མ་ནོར་ངེས་པའི་ཚུལ། །སྲད་བུ་ཤེས་རབ་ཅན་ཐིག་གདབ། །ཚོན་ནི་བྱིན་གྱིས་བརླབས་ནས་ཀྱང་། །སྤྲ་བརྟག་རྡུལ་ཚོན་རིམ་པར་དགྱེ། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི
116a8 མཛེས་པ་ཡི། །ཟླུམ་སྐོར་ཕོ་བྲང་ལེ་ཚེ་དགུ། །དབུས་མ་ཨེ་དབྱིབས་དྲག་པོ་ཉིད། །ཕྱི་རོལ་པད་མ་འདབ་བརྒྱད་པ། །ལྷ་ཁྱམས་བཅས་པའི་དཀྱིལ་འཁོར་མཆོག་།འདོད་ཡོན་རིན་ཆེན་སྐེད་བད་དང་། །དྲ་ཕྱེ་བ་ཀུ་ལི་ཡི་ཕྲེང་། །ཡང་ན་ཁ
iiif viewer powered by OpenSeadragon
