| e-texts navigator |
| Wylie |
115a1 ལ། །རྟེན་པ་ལྷ་མོའི་སྐུ་བྲིས་པ། །ནང་གི་རྟེན་དུ་བཤད་པ་ཡིན། །ནེལ་གྲིའི་སྙིང་ནི་མ་ཉམས་པ། །མཚོན་གྱི་རྩེ་ལ་བཀོན་ལ་གཞག་།གསང་བའི་རྟེན་དུ་གཟུགས་པར་བྱ། །བུ་མོའི་ཐོད་པ་ཇ་རིལ་དང་། །གྲི་གུག
115a2 དར་གྱིས་གཏུམས་པ་དང་། །དྲི་བཟང་མཚོན་གྱིས་བདུག་པར་བྱ། །དེ་ཁོ་ན་ཉིད་ཀྱི་རྟེན་དུ་བཤད། །དེ་ནས་ནུབ་ཕྱོགས་དག་ནས་ནི། །གསུམ་གྱིས་ཁུར་ནས་འོངས་པའི་རྡོ། །མི་ནག་གསུམ་གྱིས་འདི་སྐད་བརྗོད། །སྐུ་གསུང་ཐུགས་ཀྱི
115a3 བདག་ཉིད་ཅན། །རྡོ་རྗེ་མགོན་པོ་འཁོར་བཅས་པ། །རང་བཞིན་གནས་ནས་སྐུ་བཞེངས་ལ། །འདིར་ནི་བསྟན་སྲུང་བཞུགས་སུ་གསོལ། །ལན་གསུམ་བརྗོད་ནས་བཞུགས་པར་བྱ། །རོལ་མོའི་སྒྲ་དང་སྤོས་དུད་དང་། །སྣ་ཚོགས
115a4 རོལ་མོས་བསུ་ནས་ཀྱང་། །ཕྲིན་ལས་གང་འགྲུབ་རིམ་ཤེས་བྱ། །འདི་ནི་རང་བཞིན་རྟེན་ཡིན་ནོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ཕྱི་ནང་གསང་བ་དང་སྐུ་གསུང་ཐུགས་ཀྱི་རྟེན་གཟུགས་པའི་ལེའུ་སྟེ་བཅཝ་ལྔ་པའོ།། །།
115a5 དེ་ནས་གཞན་ཡང་བཤད་པར་བྱ། །དཔལ་ལྡན་ནག་པོ་ཆེན་པོ་ཡི། །བཀཱ་ཡི་ཚོགས་ཀྱིས་འཁོར་གྱུར་པ། །འདི་ནི་ཀུན་དུ་ཤེས་པར་བྱ། །ལས་ཀྱི་མགོན་པོ་རྣམས་དང་ནི། །ལྷ་མོ་ཆེན་མོ་འཁོར་དང་བཅས། །ལྷ་སྲིན་སྡེ་བརྒྱད་མ་ལུས་པ། །
115a6 ཕོ་ཉ་མངག་གཞུག་ལས་བྱེད་པའོ། །གཞན་ཡང་ཕྱོགས་སྐྱོང་བཅུ་དང་ནི། །ཀླུ་ཆེན་བརྒྱད་དང་ལྷ་ཆེན་བརྒྱད། །གཟའ་ཆེན་བརྒྱད་དང་རྒྱལ་ཆེན་བཞི། །རྒྱུ་སྐར་ཉི་ཤུ་རྩ་བརྒྱད་དེ། །གནོད་སྦྱིན་བརྒྱད་དང་འཕྲོག་མའི་བུ། །ཤ་ཟ་དང་ནི་མ་མོ་དང་། །
115a7 འཇིག་རྟེན་པ་དང་དམ་ཚིག་གནས། །ཞིང་སྐྱོང་མ་ལུས་འཁོར་དང་བཅས། །འདི་དག་ལས་ཀུན་བྱེད་ཕ་ཡི། །འཇིག་རྟེན་སྐྱོང་བ་བཞི་བཅས་པས། །གྲུབ་པ་རབ་ཏུ་སྩོལ་མཛད་པ། །ལྷ་དང་ལྷ་མིན་མི་འམ་ཅི། །ལྟོ་འཕྱེ་གྲུལ
115a8 བུམ་སྲུལ་པོ་དང་། །ལུས་སྲུལ་གྲིབ་གནོན་སྐེམ་བྱེད་སོགས། །ནམ་མཁའ་ལྡིང་དང་དྲི་ཟ་དང་། །འབྱུང་པོ་མ་ལུས་འདུས་པ་ཀུན། །འདི་དག་སྒྲུབ་ལ་གྲོགས་བྱེད་ཅིང་། །མཐུ་སྟོབས་དཔུང་དང་ནུས་པ་ཡིས། །བསྲུང་ཞིང་བར
iiif viewer powered by OpenSeadragon
