| e-texts navigator |
| Wylie |
113a1 ནག་པོ་འཁོར་བཅས་ལ། །ཤ་ཁྲག་རྐང་སོགས་བསྟབ་བྱས་ནས། །གཏོར་མས་བསད་པས་བསྒྲལ་བྱ་སྟེ། །དམིགས་པར་བྱ་བ་མྱུར་དུ་བརླག་།གཞན་ཡང་གདུག་པ་ཕ་རོལ་ཏེ། །ནུས་པ་ཅུང་ཟད་ཡོད་གྱུར་ན། །རང་ཤེད་རང་ལ་དབབ་པའི
113a2 ཕྱིར། །ངག་མནན་སྦྱོར་བ་འདི་ལྟར་བྱ། །གྲོ་ག་འམ་ནི་རོ་རས་ལ། །ཁྲག་དང་དུག་དང་བདུག་པ་ཡིས། །གཟུགས་ནི་ལྕེས་ཁེངས་སྔགས་བྲི་བ། །སྟམ་བྷ་མིང་སྤེལ་ལྡན་པ་བསྐོར། །ཕྱིན་ཅི་ལོག་ཏུ་དྲིལ་ལ་བཅིང་། །ཟག་པའི་རྫས་སོགས་ས
113a3 ལ་ནི། །ཚ་ཚ་བྱས་པའི་ནང་བཅུག་ལ། །བསྟིམ་ཞིང་མནན་ལ་མདུན་བྱས་ལ། །རྣལ་འབྱོར་སྤྲོ་བསྡུ་ཕྱག་རྒྱ་བཅིང་། །ཐུན་གྱིས་བྲབས་ལ་བཟླས་པ་བྱ། །ལས་བཅོལ་ཞག་བདུན་ཐུན་བཞིར་བྱ། །དེ་ལ་སྔར་བཞིན་བྱས་ནས་ནི། །གནོད་པའི་ས་ཕྱོགས
113a4 དག་ཏུ་མནན། །མྱུར་དུ་འགྲུབ་པར་ཐེ་ཚོམ་མེད། །ཐོད་པ་འམ་ནི་སྣོད་གཞན་དུ། །སྦྱིན་སྲེག་བྱས་པའི་ཐལ་བ་དེ། །ཐུན་རྫས་ཀྱིས་བྲབ་ལིང་གར་བཅས། །ཡང་ན་དྲག་པོ་ཀླུ་ལ་གཏད། །གྲུ་གསུམ་དོང་བཅུག་བརྫི་བར་བྱ། །ཁ་བཅད་ནས་ནི་དྲག་པོ
113a5 ཡི། །ངེས་པར་ཐོབ་པར་ཐེ་ཚོམ་མེད། །དེ་ལྟར་ལས་ལ་སྦྱོར་དུས་སུ། །ཉེས་པ་བསྒོ་བའི་ཐབས་ཤེས་ནས། །སྲུང་བྱེད་ཉེས་པ་འདི་ལྟར་བསྒྲག་།བསྟན་པ་འཇིག་པར་བྱེད་པ་ཡི། །དགྲ་བོ་སྲུང་བྱེད་ལྷ་ཁྱོད་ཉོན། །གདུག་པའི་སེམས་ལྡན་དགྲ་འདི
113a6 ཡིས། །དཀོན་མཆོག་བླ་མ་ལ་སྨོད་ཅིང་། །རྣལ་འབྱོར་ལ་སྡང་སེམས་ཅན་འཚེ། །སྒྲུབ་པ་པོ་ལ་བརྙས་གྱུར་པས། །དཔག་ཚད་སྟོང་དུ་ལྟུང་བ་ཡི། །དམྱལ་བའི་སྡུག་བསྔལ་མྱོང་གྱུར་པས། །བདག་གིས་མྱུར་དུ་བསྒྲལ་ནས་ནི། །གཟུགས་ཀྱིས་ལྷ་རྣམས
113a7 མཆོད་པ་ཡིན། །ཁྱེད་ཀྱིས་སྲུང་བར་མ་བྱེད་པར། །སྡིག་ཅན་འདི་ནི་མྱུར་དུ་སྤོངས། །ཞེས་བརྗོད་པར་བྱའོ། །བསྟན་པ་བསྲུང་བའི་བསམ་པ་དང་། །སྙིང་རྗེ་ཆེན་པོ་ལྡན་པ་ཡིས། །ཡེངས་པ་མེད་པར་བྱས་གྱུར་ན། །ངེས་པར་འགྲུབ་པར་གདོན་མི་ཟ། །བརྒྱ་བྱིན
113a8 དག་གི་སྲོག་ཀྱང་གཡོ། །སྡིག་ཅན་དགྲ་བགེགས་སྨོས་ཅི་དགོས། །བྱང་ཆུབ་སེམས་དང་རབ་ལྡན་ན། །ངོ་བོ་ཉིད་ཀྱིས་འགྲུབ་པར་གྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་ལྷ་མོའི་འཁོར་ལོ་དང་ལས་བསྒྲུབ་པ་བསྟན་པའི་ལེའུ་སྟེ་བཅུ་གསུམ
iiif viewer powered by OpenSeadragon
