| e-texts navigator |
| Wylie |
108b1 གྲུ་གསུམ་ཨེ་ཡི་ནང་དུ་ནི། །དེ་གཟུགས་ཕྱི་གན་དག་ཏུ་གཞག་།ཁ་ནང་དུར་ཁྲོད་ཐལ་བས་བརྫང་། །དེ་ནས་དོང་ཁ་བཅད་ལ་གཞག་།དེ་ལ་ཐུན་བཞར་བྱ་བའམ། །དུས་དྲུག་དག་ཏུ་བྱ་བ་ནི། །རྣལ་འབྱོར་པ་ཡིས་ལྷོར་བལྟས་ལ། །ཉིན
108b2 ཕྱེད་མཚན་ཕྱེད་དུས་སུ་བྱ། །ཡང་ན་དུས་བཞིར་ལས་ལ་སྦྱར། །ཕྱོགས་ཀྱི་ཌཱ་ཀི་བཞི་ཡིས་ནི། །དགུག་གཞུག་བསྟིམ་དང་བསྔགས་པར་བྱ། །དེ་ནས་ཐོད་པ་མཚན་ངན་དུ། །ཡུངས་ཀར་ཉུངས་ནག་ལ་སོགས་པའི། །ཐུན་རྫས
108b3 རྣམས་ལ་སྔགས་བཟླས་ཤིང་། །དུས་དུས་དག་ཏུ་བརྡེག་པར་བྱ། །སྐབས་སྐབས་དུག་གི་ཆུ་ཡིས་བརྡེག་།གལ་ཏེ་གུ་གུལ་ནག་པོ་དང་། །ཤ་ཆེན་དག་གིས་བདུག་པར་བྱ། །ཡང་ན་འབྲས་བུ་མེ་ལ་ནི། །སྤྲ་ཚིལ་མ་ཞུ་ཙམ
108b4 དུ་བསྲོ། །དེ་ནས་སྔགས་ཀྱིས་བརྡེག་པར་བྱ། །འདིས་ནི་ཉེ་བར་འགྲུབ་པར་འགྱུར། །དེ་ལྟར་ཆོ་གའི་ཐབས་འདི་ཡིས། །དགྲ་ཡི་ཁང་པར་བྱ་རོག་དག་།མང་པོ་འབའ་ཞིག་སྐད་འདོན་དང་། །ལུས་ལ་ཚ་བས་ཐེགས་ལ་སོགས། །
108b5 དུ་མའི་ཆོ་འཕྲུལ་འབྱུང་བར་འགྱུར། །དང་པོར་ནང་རྟགས་གསལ་བར་འཆར། །ཕྱི་རྟགས་རིམ་གྱིས་འབྱུང་བར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་དྲག་པོའི་མངོན་སྤྱོད་བསྟན་པའི་ལེའུ་སྟེ་དགུ་པའོ།། །།
108b6 དེ་ནས་གདུག་པ་འདུལ་དོན་དུ། །ནག་པོ་ཆེན་པོ་ཁྲོས་པ་ཡི། །བསྒྲུབ་པའི་རིམ་པ་མཆོག་གྱུར་པ། །གཞན་ཡང་རབ་ཏུ་བཤད་པར་བྱ། །རྗེ་བཙུན་ཧེ་རུ་ཀ་དཔལ་དང་། །ནག་པོ་ཆེན་པོའི་ལྷ་ཚོགས་རྣམས། །ནམ་མཁར་མངོན་པར
108b7 བལྟས་ནས་ནི། །བདུན་པོ་ཡོངས་སུ་དག་པར་བྱ། །བཟོད་པར་གསོལ་ལ་གཤེགས་སུ་གསོལ། །དེ་རྗེས་སྟོང་པའི་ངང་ལས་ནི། །ཚད་མེད་བཞི་པོ་བསམ་པར་བྱ། །བྱང་ཆུབ་སེམས་ཀྱི་ངང་ལས་ནི། །པད་མ་ཟླ་ཉིར
108b8 གནས་པ་ཡི། །ཧཱུ~ཾ་ཡིག་ནག་པོ་བསམ་པར་བྱ། །དེ་ཡི་འོད་ཀྱིས་ཁྱབ་པ་ལས། །བསྡུས་ཤིང་སྐད་ཅིག་ཡོངས་གྱུར་པ། །དཔལ་ལྡན་ནག་པོ་ཆེན་པོ་ནི། །ཞལ་གཅིག་པ་ལ་སྤྱན་གསུམ་པ། །ཕྱག་གཉིས་སྐུ་མདོག་ཤི
iiif viewer powered by OpenSeadragon
